তুম্হাৰী ছুলু

তুম্হাৰী ছুলু (Tumhari Sulu) ২০১৭ চনৰ এখন ভাৰতীয় হিন্দী ভাষাৰ কমেডী-নাট্যধৰ্মী ছবি, যাৰ ৰচনা আৰু পৰিচালনা সুৰেশ ত্ৰিবেণীৰ। ছবিখন টি-ছিৰিজ আৰু এলিপছিছ এণ্টাৰটেইনমেণ্টৰ বেনাৰত ভূষণ কুমাৰ, তনুজ গাৰ্গ, কৃষণ কুমাৰ, অতুল কছবেকৰ আৰু শান্তি শিৱৰাম মাইনীয়ে প্ৰযোজনা কৰিছে।[5]

তুমহাৰী ছুলুৰ শিৰোনাম চৰিত্ৰত অভিনয় কৰিছে বিদ্যা বালানে; তেওঁ এগৰাকী অভিলাষী গৃহিণী, যিয়ে গভীৰ নিশাৰ ৰিলেচনশ্বিপ এডভাইচ শ্ব’ৰ বাবে ৰেডিঅ’ জকী হৈ যায়। স্বামী আৰু বচৰ চৰিত্ৰত অভিনয় কৰিছে ক্ৰমে মানৱ কৌল আৰু নেহা ধুপিয়াই। ২০১৭ চনৰ ১৭ নৱেম্বৰত বিশ্বজুৰি মুক্তি পোৱা তুমহাৰী ছুলুয়ে সমালোচনাত্মক আৰু বক্স অফিচত ঠিকঠাক সফলতা লাভ কৰে। ছবিখনে ২০ কোটি টকা বাজেটত ৫১৩.৯ মিলিয়ন টকাতকৈ অধিক উপাৰ্জন কৰে।;^১

৬৩তম ফিল্মফেয়াৰ বঁটাত তুমহাৰী ছুলুৱে শ্ৰেষ্ঠ সহযোগী অভিনেতাকে (কৌল) ধৰি ৯টা মনোনয়ন লাভ কৰে আৰু এই অনুষ্ঠানত বালানে চতুৰ্থটো শ্ৰেষ্ঠ অভিনেত্ৰীৰ বঁটা লাভ কৰে। ইয়াক তামিল ভাষাত কাট্ৰিন মোজি (২০১৮) হিচাপে পুনৰ নিৰ্মাণ কৰা হয় আৰু জ্যোতিকাই বিদ্যাৰ চৰিত্ৰ পুনৰায় অভিনয় কৰে।[6]