জেচমিন ভাছিন

জেচমিন ভাছিন (ইংৰাজী ভাষা: Jasmin Bhasin; জন্ম: ২৮ জুন ১৯৯০) এগৰাকী ভাৰতীয় অভিনেত্ৰী যিয়ে হিন্দী ভাষা টেলিভিছনৰ লগতে পঞ্জাবী ভাষা চলচ্চিত্ৰতো কাম কৰে। তেওঁ ২০১১ চনত তামিল ভাষা ছবি ৱানামৰ জৰিয়তে অভিনয়ত আত্মপ্ৰকাশ কৰিছিল। তেওঁ মূলতঃ তছন-ই-ইস্ক (২০১৫–১৬)ত টুইংকল তানেজা আৰু দিল চে দিল তক (২০১৭–১৮)ত তেনি ভানুশালীৰ চৰিত্ৰত অভিনয় কৰাৰ বাবে পৰিচিত। ইয়াৰ উপৰি ভাছিনে খতৰন কে খিলাড়ী ৯, খতৰন কে খিলাড়ী – মেড ইন ইণ্ডিয়া আৰু বিগ বছ ১৪ৰ দৰে ৰিয়েলিটী শ্ব’ত অংশগ্ৰহণ কৰিছিল। তেওঁৰ আন উল্লেখযোগ্য কৰ্মসমূহৰ ভিতৰত আছে দিল ত’ হেপ্পী হ্যে জীত হেপ্পী সালুজা আৰু নাগিন ৪: ভাগ্য কা জেহেৰীলা খেলত নয়নতৰাৰ চৰিত্ৰ ৰূপায়ণ। ভাছিনে ২০২২ চনত হানিমুন ছবিখনৰ জৰিয়তে পঞ্জাবী চলচ্চিত্ৰ জগতত খোজ পেলাইছিল।^১

প্ৰাৰম্ভিক জীৱন

ভাছিনৰ জন্ম ১৯৯০ চনৰ ২৮ জুনত ৰাজস্থানৰ কোটাত এটা শিখ পৰিয়ালত হৈছিল।^২৩ তেওঁ কোটাৰপৰাই স্কুলীয়া শিক্ষা সমাপ্ত কৰে^৪ আৰু জয়পুৰৰ এখন হস্পিটালিটি কলেজৰপৰা স্নাতক ডিগ্ৰী লাভ কৰে।^৫

ব্যক্তিগত জীৱন

২০১৮ চনত খতৰন কে খিলাড়ী ৯ৰ শ্বুটিং চলি থকাৰ সময়তে ভাছিনে অভিনেতা আলী গোনীক লগ পাইছিল। ২০২১ চনত বিগ বছ ১৪ত অংশগ্ৰহণ কৰাৰ পাছত দুয়োৱে ইজনে সিজনৰ সৈতে প্ৰেমৰ সম্পৰ্ক আৰম্ভ কৰে।^৬৭

সংবাদ মাধ্যমত

ভাছিনে দ্য টাইমছ অৱ ইণ্ডিয়াৰ ভাৰতীয় টেলিভিছনৰ আটাইতকৈ আকৰ্ষণীয় মহিলাৰ তালিকাত ২০১৮ চনত ১৬ নম্বৰ স্থান,^৮ ২০১৯ চনত ১২ নম্বৰ স্থান^৯ আৰু ২০২০ চনত ৩ নম্বৰ স্থান লাভ কৰিছিল।^১০ ভাছিন ইনষ্টাগ্ৰামত আটাইতকৈ বেছি অনুসৰণকাৰী থকা টেলিভিছন অভিনেত্ৰীসকলৰো অন্যতম।^১১