জিলা সংগ্ৰহালয়, তেজপুৰ

তেজপুৰ জিলা সংগ্ৰহালয় হৈছে তেজপুৰ চহৰৰ কেন্দ্ৰস্থলত অৱস্থিত অসমৰ ১২টা সংগ্ৰহালয়ৰ এটা। ১৯৮৬ চনৰ ১৬ মাৰ্চ মাহত এই সংগ্ৰহালয়টো অসমৰ গুৱাহাটীস্থিত সংগ্ৰহালয় পৰিৱেশকৰ অধীনত স্থাপন কৰা হৈছিল।

ইতিহাস

প্ৰথমাৱস্থাত সংগ্ৰহালয়টোৰ সম্পদ সমূহ দৰং মহাবিদ্যালয়ত সংৰক্ষণ কৰা আছিল, তাৰ পিছত তেজপুৰ সাহিত্য সভা ভৱনলৈ স্থানান্তৰ কৰা হয় আৰু শেষত ২০০২ চনত, স্থায়ী ভাবে ব্ৰিটিছৰ দিনৰে ঐতিহাসিক ডাক বঙলালৈ স্থানান্তৰ কৰা হয়।^১

সংৰক্ষিত সম্পদ

সংগ্ৰহালয়টোত ৫৫৫ৰো অধিক বিভিন্ন প্ৰকাৰৰ সামগ্ৰী আছে। ইয়াত আছে বিভিন্ন সম্প্ৰদায় আৰু সত্ৰ প্ৰতিষ্ঠানৰ এক বিস্তৃত সংগ্ৰহ। সেইসমূহৰ ভিতৰত শালস্তম্ভ বংশৰ ৰজা ৰত্নপালৰ তামৰ ফলি, তামৰ মুদ্ৰা, উলুবাৰীত উদ্ধাৰ হোৱা কামৰূপ ৰজা তৃতীয় বলবৰ্মনৰ তামৰ ফলি, সাঁচিপাতৰ পুথি, চুখ্ৰংফা, চুতণফা, চুৰেম্‌ফাৰ দিনৰ আঠকোণীয়া ৰূপৰ মুদ্ৰা, ভাস্কৰ্য, তাম্ৰলিপি, পাণ্ডুলিপি, আহোম কালৰ বৰটোপ আৰু বিভিন্ন শিল্প।^২