জিম্মী ৱেল্‌ছ

জিম্মী ডনেল ৱেল্‌ছ ওৰফে জিম্ব' ৱেল্‌ছ (Jimmy Wales)-ৰ জন্ম ১৯৬৬ চনৰ আগষ্ট মাহৰ ৭ তাৰিখে হৈছিল।^১২ জিম্মী এগৰাকী আমেৰিকান ইণ্টাৰনেট শিল্পদ্যোগী (entrepreneur), কিন্তু তেওঁ বিশেষকৈ অনলাইন মুক্ত তথ্যকোষ ৱিকিপিডিয়া আৰু ৱিকি কোম্পানীৰ সহ-প্ৰতিষ্ঠাপক আৰু পৃষ্ঠপোষক হিচাপে বিশ্বব্যাপি বিখ্যাত হৈ পৰিছে।^৩৪

জন্ম আৰু শিক্ষা

জিম্মী ৱেল্‌ছৰ জন্ম হৈছিল আমেৰিকা যুক্তৰাষ্ট্ৰৰ আলবামাৰ হাণ্টছভিলত। তাতেই তেওঁ ৰাণ্ডল্ফ বিদ্যালয়ৰ নাম ভৰ্ত্তি কৰি আনুষ্ঠানিক শিক্ষাৰ আৰম্ভ কৰিছিল আৰু বিত্ত বিষয়ত স্নাতক আৰু স্নাতকোত্তৰ উপাধি লাভ কৰে। তেওঁৰ দেউতাকৰ নাম জিম্মী,^৫ আৰু মাতৃৰ নাম ডৰিছ। আইতাকৰ নাম এৰমা।^৬ স্নাতক শ্ৰেণীত থকাৰ সময়ত জিম্মীয়ে দুখন বিশ্ববিদ্যালয়ত পঢ়িছিল। পিছত তেওঁ বিত্ত ক্ষেত্ৰত চাকৰি গ্ৰহণ কৰে আৰু এখন বিশ্ববিদ্যালয় শিক্ষা অসম্পূৰ্ণ অৱস্থাতে ত্যাগ কৰি কেইটামান বছৰ ছিকাগোৰ ফিউচাৰছ আৰু অপশ্যনচ ফাৰ্মত (Chicago futures and options firm) ৰিচাৰ্চ ডাইৰেক্টৰৰ পদ অলংকৃত কৰে।

ৱিকিপিডিয়াৰ প্ৰতিষ্ঠা

১৯৯৬ চনত তেওঁ দুজন সহযোগীৰ সহায়ত বোমিচ নামেৰে এটা পুৰুষসকলৰ বিনোদন আৰু প্ৰাপ্তবয়স্ক বিষয়ক ৱেবপৰ্টেলৰ প্ৰতিষ্ঠা কৰে। এই ৱেবছাইটৰ পৰাই পৰৱৰ্তীকালত উদ্ভুত বিশ্বকোষ নুপিডিয়া (২০০০-২০০৩) আৰু তাৰ উত্তৰসূৰী ৱিকিপিডিয়াৰ প্ৰাথমিক অৰ্থসংস্থান হৈছিল।

২০০১ চনত জিম্মী ৱেল্‌ছ আৰু লেৰী ছেংগাৰে ৱিকিপিডিয়া মুকলি কৰে।^৭ ছেগাৰে ৱিকি (সহযোগিতামূলক ৱেবছাইট সৃষ্টি কৰিব পৰা এটা প্ৰযুক্তি, হাৱাইয়ান শব্দ wikiৰ পৰা যাৰ অৰ্থ হৈছে "ক্ষিপ্ৰ") আৰু encyclopedia শব্দ দুটা মিলাই Wikipedia'' শব্দটোৰ উদ্ভাৱন কৰে।^৮

ব্যক্তিগত জীৱন

জিম্মী ৱেল্‌ছে ২০১১ চনলৈ দুবাৰ বিবাহ কৰিছে। তেওঁৰ দ্বিতীয়া স্ত্ৰী ক্ৰিষ্টিনাৰ গৰ্ভত তেওঁৰ এজনী কন্যা জন্ম হৈছে। ৱেল্‌ছে নিজকে বস্তুবাদী আৰু কিছু পৰিমাণে উদাৰনীতিবাদী বুলি ব্যক্ত কৰে। তেওঁৰ সৃষ্ট ৱিকিপিডিয়া বিশ্বৰ বৃহত্তম বিশ্বকোষলৈ পৰিণত হৈছে। টাইম পত্ৰিকাই তেওঁলোকৰ ২০০৬ চনৰ বিশ্বৰ সবাতোকৈ প্ৰভাৱশালী ব্যক্তিসকলৰৰ নামৰ তালিকাত তেওঁৰ নাম অন্তৰ্ভুক্ত কৰে।^৪

প্ৰকাশিত কৰ্মাৱলী

• Brooks, Robert. (1994). The Pricing of Index Options When the Underlying Assets All Follow a Lognormal Diffusion. Advances in Futures and Options Research
• Wales, Jimmy. (December 31, 2008). Throwing Sheep in the Boardroom: How Online Social Networking Will Transform Your Life, Work and World. Wiley. ISBN 0470740140
• Wales, Jimmy. (January 8, 2009). Commentary: Create a tech-friendly U.S. government. CNN.com
• Wales, Jimmy. (February 10, 2009). 33 Million People in the Room: How to Create, Influence, and Run a Successful Business with Social Networking. Financial Times Press. ISBN 0137154356
• Wales, Jimmy. (March 3, 2009). Marketing to the Social Web: How Digital Customer Communities Build Your Business. Wiley. ISBN 0470410973
• Wales, Jimmy. (March 17, 2009). The Wikipedia Revolution: How a Bunch of Nobodies Created the World's Greatest Encyclopedia. Hyperion. ISBN 1401303714
• Wales, Jimmy. (March 30, 2009). Most Define User-Generated Content Too Narrowly. Advertising Age
• Wales, Jimmy. (December 28, 2009). Keep a Civil Cybertongue. The Wall Street Journal. Dow Jones & Company

বাহ্যিক সংযোগ

• Jimmy Wales, Wales' official blog
• ' Wikipedia userpage

*, ইংৰাজী ৱিকিপিডিয়াত জিম্মী ৱেল্‌ছৰ ভূমিকা ভিডিঅ’ সংযোগ

• (2006). Video Presentation by Jimmy Wales. Wikipedia Academy
• Audio of interview with Wales about Wikipedia on EconTalk podcast, March 2009

*, April 9, 2009

• Jimmy Wales interviewed by Raju Narisetti for The Washington Post On Leadership series, December 1, 2009
• Atlantic Community: The Wiki Way to Create Change in Global Politics Jimmy Wales is interviewed by Joerg Wolf (Atlantic Community). He advocates for the importance of think-tanks in finding solutions to global problems, February 23, 2010