গোলামৰেজা ছলেইমানী

গোলামৰেজা ছলেইমানী (জন্ম, ১৯৬৪ – মৃত্যু,১৭ মাৰ্চ ২০২৬) ইৰানৰ ইছলামিক ৰিভল্যুচনেৰী গাৰ্ড কৰ্পছৰ বাছিজ অৰ্ধসামৰিক বাহিনীত জ্যেষ্ঠ বিষয়া আৰু অধিনায়ক হিচাপে কাৰ্যনিৰ্বাহ কৰিছিল।^১২৩ ২০২৬ চনৰ ইৰাণ-ইৰাক যুদ্ধৰ সময়ত ইজৰাইলৰ আক্ৰমণত তেওঁ নিহত হৈছিল।^৪

প্ৰাথমিক জীৱন আৰু সামৰিক কেৰিয়াৰ

গোলামৰেজা ছলেইমানীৰ জন্ম হৈছিল ১৯৬৪ চনত ইৰাণৰ দক্ষিণ-পশ্চিম অঞ্চলৰ চাহৰমহল আৰু বাখতিয়াৰী প্ৰদেশৰ ফাৰ্ছানত। ১৯৮২ চনত ইৰাণ-ইৰাক যুদ্ধৰ সময়ত বাছিজত অৰ্ধসামৰিক স্বেচ্ছাসেৱক হিচাপে সামৰিক কেৰিয়াৰ আৰম্ভ কৰিছিল আৰু যুদ্ধৰ সময়ত কোম্পানী কমাণ্ডাৰ আৰু পিছলৈ বেটেলিয়ন কমাণ্ডাৰ পদবীলৈ উন্নীত হৈছিল।

যুদ্ধৰ সময়ত তেওঁ বিভিন্ন যুদ্ধ আৰু অভিযানত অংশ লৈছিল, য’ত আছিল অপাৰেচন ফাটাহ আল-মবিন, অপাৰেচন বায়ত আল-মুকাদ্দাছ, দ্বিতীয়খন খোৰামশ্বহৰ যুদ্ধ, অপাৰেচন ৰমজান, মাৰ্শ্বৰ যুদ্ধ, বাছৰা ঘেৰাও।

২০১৯ চনৰপৰা বাছিজ সংগঠনৰ অধিনায়ক হিচাপে কাৰ্যনিৰ্বাহ কৰি অহা ছলেমানীয়ে শাসন-ব্যৱস্থাৰ আইন আৰু মতাদৰ্শ কাৰ্যকৰী কৰাৰ ক্ষেত্ৰত যথেষ্ট প্ৰভাৱ পেলাইছে।^{৪ ৫}

শিক্ষা

ছলেমানীয়ে ইছফাহান বিশ্ববিদ্যালয়ৰপৰা ইতিহাসত স্নাতক ডিগ্ৰী লাভ কৰে আৰু আই আৰ জি চি ইউনিভাৰ্চিটি অৱ কমাণ্ড এণ্ড ষ্টাফ (আই আৰ জি চি ডি এফ’ছ)ত কমাণ্ড আৰু ছুপাৰভিজন পাঠ্যক্ৰম সম্পূৰ্ণ কৰে। ইৰাণৰ ইতিহাসৰ ডক্টৰেট ডিগ্ৰীৰ ছাত্ৰও আছিল।

প্ৰতিবাদকাৰীৰ মাৰাত্মক দমনত ভূমিকা

২০১৯ চনৰ জুলাইৰপৰা ২০২৬ চনৰ মাৰ্চলৈকে বাছিজ সংগঠনৰ অধিনায়ক হিচাপে গোলামৰেজা ছলেমানীয়ে ইৰাণী সাধাৰণ নাগৰিকৰ বিৰুদ্ধে অসংখ্য মাৰাত্মক অভিযানত অৰ্ধসামৰিক বাহিনীৰ অংশগ্ৰহণৰ নিৰ্দেশনা দিছিল। তেওঁৰ নেতৃত্বত বছিজে সামাজিক সংগঠনৰপৰা মাৰাত্মক উপায়েৰে অভ্যন্তৰীণ অশান্তি দমন কৰিবলৈ ব্যৱহাৰ কৰা এটা ডাঙৰ "সংগঠিত শক্তি"লৈ ৰূপান্তৰিত হয়। ^৬৭

নৱেম্বৰ ২০১৯ (অবান ৯৮)

২০১৯ চনৰ নৱেম্বৰ মাহৰ প্ৰতিবাদৰ ঠিক আগতেই ছলেমানীয়ে দায়িত্বভাৰ গ্ৰহণ কৰিছিল, য'ত বাচিজসকলক প্ৰতিবাদকাৰীৰ বিৰুদ্ধে মাৰাত্মক শক্তি প্ৰয়োগ কৰিবলৈ নিয়োগ কৰা হৈছিল।^৬ মানৱ অধিকাৰ নিৰীক্ষণ সংস্থাসমূহে নথিভুক্ত কৰিছে যে তেওঁৰ কমাণ্ডত থকা বাছিজৰ ইউনিটসমূহে ভিৰক ছত্ৰভংগ দিবলৈ ছাদৰপৰা স্নাইপাৰ আৰু গধুৰ মেচিনগান ব্যৱহাৰ কৰিছিল। ^৬ মাহশ্বৰ হত্যাকাণ্ডত বাছিজ আৰু আই আৰ জি চি বাহিনীক "জোলা হত্যাকাণ্ড" চলোৱাৰ অভিযোগ উত্থাপন কৰা হৈছিল, য'ত প্ৰতিবাদকাৰীসকলক ঔদ্যোগিক গ্ৰেডৰ অস্ত্ৰৰে গুলীয়াই হত্যা কৰা হৈছিল। ^৬ এম্নেষ্টী ইণ্টাৰনেশ্যনেলে বাছিজক শ শ লোকৰ মৃত্যুৰ মূল দোষী হিচাপে চিনাক্ত কৰি কয় যে কমাণ্ডৰ তত্ত্বাৱধানত কেন্দ্ৰীভূত “দেখা মাত্ৰেই গুলীয়াই দিয়া।” নীতি ৰূপায়ণ কৰা হৈছিল। ^৬

২০২২–২০২৩ "নাৰী, জীৱন, স্বাধীনতা"ৰ প্ৰতিবাদ

মাহছা আমিনৰ প্ৰতিবাদৰ সময়ত ছলেমানীৰ বাহিনীয়ে ব্যৱহাৰ কৰা “মাৰাত্মক শক্তিৰ আৰ্হি”ৰ নথিভুক্ত গোচৰ।^৮ ইৰাণৰ ওপৰত ৰাষ্ট্ৰসংঘৰ তথ্য বিচাৰি উলিওৱা অভিযানে প্ৰকাশ কৰা অনুসৰি প্ৰতিবাদ দমনৰ বাবে শ্বটগান, এছাল্ট ৰাইফল আৰু পিষ্টলৰে সজ্জিত বাছিজ ইউনিট নিয়োগ কৰা হয়, যাৰ ফলত ৫০০ৰো অধিক লোকৰ মৃত্যু হয়। ছলেমানীয়ে বাছিজৰ “নিৰাপত্তাৰক্ষী” নিয়োগ কৰাৰ কামো তদাৰক কৰিছিল যিয়ে প্ৰতিবাদকাৰীৰ চকুত ধাতুৰ গুলীৰে গুলী চলোৱাৰ অভিযোগত শ শ লোকে দৃষ্টিশক্তি হেৰুৱাইছিল।^৮

২০২৫–২০২৬ প্ৰতিবাদ

২০২৫ চনৰ শেষৰফালে আৰু ২০২৬ চনৰ আৰম্ভণিতে ছলেমানীয়ে বাছিজ বেটেলিয়নসমূহক দেশজোৰা অশান্তিৰ নতুন ঢৌৰ সময়ত ৰাজহুৱা চৌহদসমূহ পৰিষ্কাৰ কৰিবলৈ "সকলো প্ৰয়োজনীয় উপায়" ব্যৱহাৰ কৰিবলৈ নিৰ্দেশ দিয়ে।^৭ ২০২৬ চনৰ জানুৱাৰী মাহত প্ৰকাশ পোৱা প্ৰতিৱেদন অনুসৰি চিস্তান আৰু বেলুচিস্তান আৰু কুৰ্দিস্তানৰ দৰে প্ৰদেশত বাচিজ ইউনিটসমূহে সজীৱ গোলাবাৰুদৰ ব্যৱহাৰ যথেষ্ট বৃদ্ধি পাইছে।^৯

নিষেধাজ্ঞা

সাধাৰণ নাগৰিকৰ ওপৰত নিৰ্মম দমনত লোৱা ভূমিকাৰ বাবে গোলামৰেজা ছলেমানীক যুক্তৰাজ্য, কানাডা, আমেৰিকা, মনাকো আৰু ইউৰোপীয় সংঘৰ পৰা আন্তঃৰাষ্ট্ৰীয় নিষেধাজ্ঞাৰ আওতালৈ অনা হৈছিল।

যুক্তৰাজ্য– ২০২০ চনৰ অক্টোবৰ মাহত ব্ৰিটেইনে নিষেধাজ্ঞা আৰু ধন সৰবৰাহৰ বিৰোধী আইন ২০১৮ৰ অধীনত নিষেধাজ্ঞা আৰোপ কৰিছিল।সাধাৰন লোকৰ ওপৰত নৃশংস দমনৰ ক্ষেত্ৰত তেওঁৰ ভূমিকাৰ প্ৰতি সঁহাৰি জনাই সম্পত্তি নিশ্চিহ্ন আৰু ভ্ৰমণ নিষেধাজ্ঞাকে ধৰি এই ব্যৱস্থাসমূহ জাৰি কৰা হৈছিল। ^১০

কানাডা – ২০২২ চনৰ অক্টোবৰ মাহত কানাডাৰ বিশেষ অৰ্থনৈতিক ব্যৱস্থা (ইৰাণ) নিয়মৰ অধীনত নিষেধাজ্ঞা আৰোপ কৰা হৈছিল। এই নিষেধাজ্ঞাসমূহৰ ভিতৰত আছে সম্পত্তি নিশ্চিহ্ন কৰা, অস্ত্ৰ আৰু বিত্তীয় লেনদেনত বাধা আৰোপ কৰা, আৰু শাসন ব্যৱস্থা বিৰোধী প্ৰতিবাদৰ সময়ত ব্যাপক আৰু পদ্ধতিগত মানৱ অধিকাৰ উলংঘাৰ বাবে কানাডাত প্ৰৱেশৰ বাবে তেওঁলোকক অযোগ্য বুলি বিবেচিত কৰা হয়।। ^১১

আমেৰিকা যুক্তৰাষ্ট্ৰ– ২০২১ চনৰ ডিচেম্বৰ মাহত আমেৰিকাৰ ট্ৰেজাৰীয়ে এক্সিকিউটিভ অৰ্ডাৰ ১৩৫৫৩ৰ অধীনত ছলেইমানিক বিশেষভাৱে নিৰ্দিষ্ট নেচনেল (এছডিএন) তালিকাত যোগ কৰে। ফলত আমেৰিকাৰ অধীনস্থ তেওঁৰ সকলো সম্পত্তি নিশ্চিহ্ন হৈ পৰে আৰু আমেৰিকাৰ নাগৰিকসকলে তেওঁৰ সৈতে কোনো ধৰণৰ লেনদেন কৰাত নিষেধাজ্ঞা আৰোপ কৰা হয়। ^{১২১৩১৪}

ইউৰোপীয়ান ইউনিয়ন– ইউৰোপীয় ইউনিয়নেও একেই নিষেধাজ্ঞা আৰোপ কৰিছিল। ^১৫১৬

হত্যাকাণ্ড

২০২৬ চনৰ মাৰ্চ মাহত ইজৰাইল প্ৰতিৰক্ষা বাহিনীয়ে (IDF) ঘোষণা কৰে যে নিৰ্দিষ্ট চোৰাংচোৱাৰ ভিত্তিত মধ্য তেহৰাণত লক্ষ্য কৰি বিমান আক্ৰমণত ছলেমানী নিহত হয়। আইডিএফৰ মতে, স্থানীয় বাসিন্দাসকলে প্ৰদান কৰা চোৰাংচোৱাৰ ভিত্তিত এই আক্ৰমণ সংঘটিত হৈছে; এই আক্ৰমণত ছলেইমানী আৰু তেওঁৰ ডেপুটি ছায়েদ কাচেম কাৰেছি লুকাই থকা বনাঞ্চলৰ এটা তম্বুক লক্ষ্য কৰি লোৱা হৈছিল আৰু দুয়োকে নিহত কৰা হৈছিল।^১৭১৮ পিছত ইৰাণৰ চৰকাৰী সংবাদ মাধ্যমেও ছলেমানীৰ মৃত্যু নিশ্চিত কৰে।