বাহৰাম আফজালি

বাহৰাম আফজালি (Bahram Afzali) (জন্ম, ৬ ডিচেম্বৰ ১৯৩৭ –মৃত্যু, ২৫ ফেব্ৰুৱাৰী ১৯৮৪) আছিল এজন ইৰাণী এডমিৰেল। তেওঁ ১৯৮০ চনৰ মে'/জুনৰপৰা ১৯৮৩ চনৰ ২৪ এপ্ৰিললৈকে ইৰাণৰ নৌসেনাৰ অধিনায়ক হিচাপে কাৰ্যনিৰ্বাহ কৰিছিল। ১৯৮৪ চনত ইৰাণৰ টুদেহ পাৰ্টিৰ গোপন সদস্যপদৰ বাবে তেওঁক ফাঁচি দিয়া হৈছিল।

কৰ্মজীৱন

আফজালিৰ জন্ম হৈছিল ১৯৩৭ চনত ^১ ক'ম চহৰত। তেওঁৰ পিতৃ এজন ধৰ্মীয় নেতা আছিল। ১৯৫৭ চনত তেওঁ ইৰাণৰ সাম্ৰাজ্যিক নৌসেনাত যোগদান কৰে আৰু অধিক অধ্যয়নৰ বাবে ইটালীলৈ পঠিওৱা হয়।^১ ১৯৬১ চনত তেওঁ ইটালীৰ নৌসেনা একাডেমীৰপৰা স্নাতক ডিগ্ৰী লাভ কৰে, য'ত তেওঁ যান্ত্ৰিক অভিযান্ত্ৰিক আৰু জাহাজ নিৰ্মাণৰ প্ৰশিক্ষণ লয়।^১ পিছলৈ ১৯৭০ চনত তেওঁ নাও আৰু চাবমেৰিন স্থাপত্যত পি এইচ ডি লাভ কৰে।

আফজালি ইৰাণী ইৰাণৰ সাম্ৰাজ্যিক নৌসেনাৰ অভিযন্তা আৰু কেপ্তেইন আছিল।^২ ১৯৭৯ চনৰ বিপ্লৱৰ পিছত তেওঁ নৌসেনাত সেৱা আগবঢ়াই থাকে আৰু ইৰাণ-ইৰাক যুদ্ধত অংশগ্ৰহণ কৰে।^২ তেতিয়াৰ ইৰানৰ ৰাষ্ট্ৰপতি আবুলহাছান বানি ছাদৰে ১৯৮০ চনৰ জুন মাহত তেওঁক নৌসেনাৰ অধিনায়ক নিযুক্তি দিয়ে। ^৩ তদানীন্তন ইৰাণৰ সংসদৰ অধ্যক্ষ আলী আকবৰ হাশ্বেমী ৰাফছাঞ্জনীৰ বিশেষ উপদেষ্টাও আছিল।^৪

গ্ৰেপ্তাৰ, বিচাৰ আৰু মৃত্যু

১৯৮৩ চনৰ আৰম্ভণিতে আফজালিক টুদেহ পাৰ্টিৰ হাজাৰতকৈ অধিক সদস্যৰ সৈতে আই আৰ পিয়ে গ্ৰেপ্তাৰ কৰে। ^৫ ১৯৮৩ চনৰ ডিচেম্বৰ মাহত সামৰিক ন্যায়াধিকৰণৰ ৰূপত অনুষ্ঠিত হোৱা এই বিচাৰৰ ভিতৰত ৩২ জনক মৃত্যুদণ্ডৰ শাস্তি প্ৰদান কৰা হয়। ^৬তেওঁলোকৰ ন্যায়াধীশ আছিল হোজ্জাত আল ইছলাম মহম্মদ ৰেইশ্বাহৰী, যিয়ে ১৯৮৬ চনত মাহদি হাশ্বেমীকো জেৰা কৰিছিল।^৭ ন্যায়াধিকৰণৰ স্থান কেতিয়াও প্ৰকাশ কৰা হোৱা নাই। ^৭

এই টুদেহৰ দহজন সদস্যক মৃত্যুদণ্ড দিয়া হয়।^৬ ১৯৮৪ চনৰ ২৫ ফেব্ৰুৱাৰীত ছোভিয়েট ইউনিয়নৰ বাবে চোৰাংচোৱাগিৰিৰ অভিযোগত আফজালিক ফাঁচি দিয়া হয়।^২৬৮

বাহ্যিক সংযোগ

• Official website