গোলকীয় শিক্ষক বঁটা

গোলকীয় শিক্ষক বঁটা (Global Teacher Prize) প্ৰতিবছৰে ভাৰ্কে ফাউণ্ডেচনে শিক্ষকতাৰ ক্ষেত্ৰখনলৈ উৎকৃষ্ট অৱদান আগবঢ়োৱা শিক্ষকসকলক প্ৰদান কৰা বঁটা।^১২৩ এই বঁটাৰ অৰ্থমূল্য ১ নিযুত আমেৰিকান ডলাৰ। নিৰ্দিষ্ট মানদণ্ড পূৰণ কৰা শিক্ষক সকলক বিশ্বৰ জনসাধাৰণে মনোনীত কৰে। ইয়াৰ লগতে শিক্ষকসকলে নিজেও মনোনয়ন আগবঢ়াব পাৰে।^৪ গোলকীয় শিক্ষক বঁটা একাডেমীয়ে মনোনীত শিক্ষক সকলৰ মাজৰ পৰা এগৰাকী বিজেতা বাছনি কৰে। এই একাডেমীত বিশ্বৰ বিভিন্ন প্ৰান্তৰ প্ৰধান শিক্ষক, শিক্ষা বিশেষজ্ঞ, মন্তব্যকাৰী, সাংবাদিক, ৰাজহুৱা বিষয়া, প্ৰযুক্তি উদ্যোমী, কোম্পানী নিৰ্দেশক আৰু বিজ্ঞানী থাকে।^৪৫

এই বাৰ্ষিক বঁটা ২০১৪ চনৰ মাৰ্চ মাহত দ্বিতীয় বাৰ্ষিক গোলকীয় শিক্ষা আৰু দক্ষতা মঞ্চৰ পৰা আৰম্ভ কৰা হৈছিল আৰু ১২৭খন দেশৰ পৰা ৫,০০০ৰো অধিক শিক্ষকৰ মনোনয়ন লাভ কৰিছিল।^৬৭৮ গোলকীয় শিক্ষক বঁটাক শিক্ষকতাৰ ন'বেল বঁটা বুলি অভিহিত কৰা হয়।^{২৯১০১১} এই বঁটায়ে বিশ্বৰ বিভিন্ন প্ৰান্তৰ শিক্ষক সকলৰ উৎকৃষ্ট অৱদানক মান্যনা প্ৰদান কৰে আৰু তেওঁলোকৰ পেছাক সন্মান প্ৰদৰ্শন কৰে।^১২১৩ ভাৰ্কে ফাউণ্ডেচনৰ মুৰব্বীৰ অনুসৰি "আমি শিক্ষকসকলক তাৰকা হিচাপে উদগনি দিব বিচাৰোঁ আৰু শিক্ষকসকলে আমাৰ জীৱনত হোৱা যথেষ্ট প্ৰভাৱৰ ওপৰত আলোকপাত কৰিবলৈ শিক্ষাৰ মানদণ্ড সমৰ্থন কৰিব বিচাৰোঁ"; ^১৪"শিক্ষাদান বিশ্বৰ আটাইতকৈ গুৰুত্বপূৰ্ণ জীৱিকা হোৱা প্ৰয়োজন আৰু তেওঁলোকক তেওঁলোকৰ উচিত সন্মান দিব লাগিব।" ^১৫

ইতিহাস

প্ৰথম গোলকীয় শিক্ষক বঁটা ২০১৫ চনৰ মাৰ্চ মাহত আমেৰিকা যুক্তৰাষ্ট্ৰৰ গ্ৰামাঞ্চল মেইনৰ এগৰাকী অভিনৱ আৰু অগ্ৰণী ইংৰাজী শিক্ষক আৰু শিক্ষক প্ৰশিক্ষক নেন্সী এটৱেলক প্ৰদান কৰা হৈছিল। তেওঁ শিক্ষাৰ্থীসকলে বছৰি গড়ে ৪০খন কিতাপ পঢ়া বিদ্যালয় এখনৰ প্ৰতিষ্ঠাপক। তেওঁ চলোৱা বিদ্যালয় খনৰ শিক্ষাৰ্থী সকলে কোনখন কিতাপ পঢ়িব নিজে বাছনি কৰিব পিছৰে আৰু তেওঁলোকে পঢ়া কিতাপ খনৰ বিষয়ে প্ৰশংসাৰে লিখে।^{৯১০১৬} এটৱেলে শিক্ষাদানৰ ওপৰত নখন কিতাপ লিখিছে। ইয়াৰে ভিতৰত এখন কিতাপৰ ৫ লাখতকৈও অধিক প্ৰতিলিপি বিক্ৰী হৈছে।^১৬১৭ তেওঁ তেওঁৰ বিদ্যালয়ৰ ৰক্ষণাবেক্ষণ, বিকাশ আৰু বৃত্তি, অলাভজনক শিক্ষা আৰু শিক্ষণ কেন্দ্ৰৰ বাবে তেওঁৰ ১ মিলিয়ন ডলাৰ পুৰস্কাৰ দান কৰিছিল। এই বিদ্যালয় হৈছে শিক্ষাদান পদ্ধতিৰ বিকাশ আৰু প্ৰসাৰৰ বাবে এক প্ৰদৰ্শন বিদ্যালয়।^{১০১৬১৮১৯}

বিজয়ীসকলৰ তালিকা