ক'কে

ছাৰ্জিঅ' কণ্ট্ৰেৰাছ পাৰ্ড' (Sergio Contreras Pardo), যাৰ চিনাকি নাম ক'কে (Koke) (জন্ম- ২৭ এপ্ৰিল ১৯৮৩), হৈছে স্পেইনৰ এজন পেছাদাৰী ফুটবল খেলুৱৈ। তেওঁ এতিয়ালৈকে স্পেইন, ফ্ৰান্স, পৰ্তুগাল, গ্ৰীচ, আমেৰিকা যুক্তৰাষ্ট্ৰ, আজেৰবাইজান, জাৰ্মানী, বলিভিয়া আৰু ভাৰতৰ বিভিন্ন ক্লাবক প্ৰতিনিধিত্ব কৰিছে। বৰ্তমান তেওঁ নৰ্থ ইষ্ট ইউনাইটেড এফ চি দলৰ এজন ষ্ট্ৰাইকাৰ।

ফুটবল কেৰিয়াৰ

Málaga

স্পেইনৰ Málaga চহৰত জন্ম গ্ৰহণ কৰা ক'কেই ঘৰুৱা চহৰৰ ক্লাব Málaga CFত নিজৰ পেছাদাৰী ফুটবলৰ পাতনি মেলে। ২০০৩ চনত এই ক্লাবৰ B-দলে প্ৰথমবাৰৰ বাবে দ্বিতীয় ডিভিজনত প্ৰৱেশ কৰে।

২০০৩ চনৰ ২৩ ফেব্ৰুৱাৰী তাৰিখে তেওঁ লা লিগাত Celta de Vigo দলৰ বিৰুদ্ধে ঘৰুৱা খেলপথাৰত শেষ মুহূৰ্তত এটা গ'ল দি খেলখন ১-১ গ'লৰ ব্যৱধানত ড্ৰ কৰে।^১ এই বৰ্ষৰ লা লিগাত তেওঁ ৬খন খেলত অংশ লৈ (৫ খনত substitute হিচাপে) মুঠ ১৭৬ মিনিট খেলপথাৰত অৱতীৰ্ণ হয়।

Marseille

প্ৰথমটো দলত কম সময়ৰ বাবেহে খেলিব পোৱাত তেওঁ ২০০৪ চনৰ জানুৱাৰী মাহত Ligue ১ প্ৰতিযোগিতাৰ দল Olympique de Marseilleৰ সৈতে চুক্তিবদ্ধ হয়।^২ ২০০৩-০৪ বৰ্ষৰ Ligue ১-ত তেওঁ গ'ল দিবলৈ সক্ষম নহয় যদিও ২০০৪-০৫ বৰ্ষৰ এই প্ৰতিযোগিতাত তেওঁ ২৪খন খেলত অংশ লৈ ৫টা গ'ল দিয়ে।

২০০৫-০৬ বৰ্ষৰ Ligue ১-ত ৯খন খেলত অংশ লৈ তেওঁ ১টা গ'ল দিয়ে। ২০০৬ চনত তেওঁ ঋণত Sporting Clube de Portugal দললৈ যায়। এই দলৰ হৈ তেওঁ Gil Vicente F.C. দলৰ বিৰুদ্ধে substitute হিচাপে খেলি দুটা গ'ল দিয়ে আৰু তেওঁৰ দল ২-০ ব্যৱধানত জয়ী হয়।^৩

Aris

২০০৬ চনত তেওঁ গ্ৰীচৰ Aris Thessaloniki FC দলৰ সৈতে ৩ বছৰৰ বাবে চুক্তিবদ্ধ হয়।^৪ এই দলৰ হৈ তেওঁ ভাল খেল প্ৰদৰ্শন কৰে আৰু প্ৰথম বৰ্ষত ১০টা গ'ল দি দলক লীগৰ চতুৰ্থ স্থান অধিকাৰ কৰাত অৱদান আগবঢ়ায়। উল্লেখ্য যে দলটোৱে তাৰ আগৰ বছৰতহে শীৰ্ষ ডিভিজনলৈ উন্নীত হৈছিল।

২০০৭-০৮ বৰ্ষত তেওঁ ছুপাৰলীগ গ্ৰীচত পুনৰ ১০টা গ'ল দিয়াৰ উপৰিও সেই বৰ্ষৰ উৱেফা কাপত ৰেড ষ্টাৰ বেলগ্ৰেড দলৰ বিৰুদ্ধে আন এটা গ'ল দিয়ে। ২০০৮ চনত তেওঁ Aris দলৰ সৈতে নতুনকৈ ৫ বছৰৰ বাবে চুক্তিবদ্ধ হোৱাৰ লগতে সহ-অধিনায়ক হোৱাৰ সুযোগ পায় আৰু ২০০৯-১০ বৰ্ষত তেওঁ দলৰ অধিনায়ক হয়।

হ'ষ্টন ডাইনেম'

২০১১ চনৰ ১৫ এপ্ৰিলত তেওঁ মেজৰ লীগ ছ'কাৰ প্ৰতিযোগিতাৰ দল হ'ষ্টন ডাইনেম'ৰ সৈতে চুক্তিবদ্ধ হয়। ২৯ এপ্ৰিল তাৰিখে এই দলৰ হৈ প্ৰথমখন খেলত তেওঁ substitute হিচাপে অৱতীৰ্ণ হয়। খেলখনত দলটো ডি চি ইউনাইটেড দলৰ বিৰুদ্ধে ৪-১ ব্যৱধানত জয়ী হয়।^৫ অৱশ্যে হ'ষ্টনত থকাৰ সুবিধা কৰিব নোৱাৰি আৰু লীগত ভাল প্ৰদৰ্শন কৰিব নোৱাৰি তেওঁ চুক্তি সামৰণিৰ বাবে আবেদন কৰে আৰু ৩০ মে' তাৰিখে তেওঁ দলৰপৰা ওলাই আহে।^৬

পুনৰ স্পেইনলৈ

২০১১ চনৰ ছেপ্টেম্বৰত তেওঁ স্পেইনলৈ ঘূৰি আহে আৰু শীৰ্ষ ডিভিজনলৈ নতুনকৈ উন্নীত হোৱা দল Rayo Vallecanoৰ সৈতে চুক্তিবদ্ধ হয়। ২৩ অক্টোবৰ তাৰিখে এই দলৰ হৈ প্ৰথম খেলত Real Betis দলৰ বিৰুদ্ধে দ্বিতীয় হাফত substitute হিচাপে সোমাই ৮৮ মিনিটত পেনাল্টি কিকৰ জৰিয়তে এটা গ'ল দিয়ে আৰু তেওঁৰ দল ২-০ত জয়ী হয়।^৭

২০১২ চনৰ জানুৱাৰীত তেওঁ transfer windowৰ জৰিয়তে মাদ্ৰিদৰ দলটোৰপৰা ওলাই আহে।

FK Baku

২০১২ চনৰ ফেব্ৰুৱাৰীত তেওঁ আজাৰবাইজান প্ৰীমিয়াৰ লীগৰ দল Baku FCৰ সৈতে চুক্তিবদ্ধ হয়।^৮ সেই বৰ্ষত দলটো লীগৰ বিজয়ী হয় আৰু তেওঁ ফাইনেলত গ'ল দিয়ে। তেওঁ মুঠ ১৫খন খেলত ৪টা গ'ল দিয়ে।^৯

Jahn Regensburg আৰু ক্লাব ব্লুমিং

২০১৩ চনৰ জানুৱাৰীত তেওঁ transfer windowৰ জৰিয়তে ২. বুন্দেছলিগাৰ দল SSV Jahn Regensburgৰ সৈতে চুক্তিবদ্ধ হয়।^১০ ২৬ জুলাইত তেওঁ পুনৰ দেশ আৰু ক্লাব সলনি কৰি বলিভিয়াৰ ক্লাব ব্লুমিঙৰ সৈতে চুক্তিবদ্ধ হয়।^১১

নৰ্থ ইষ্ট ইউনাইটেড

২০১৪ চনৰ ১৫ ছেপ্টেম্বৰত তেওঁ প্ৰাৰম্ভিক বৰ্ষৰ ইণ্ডিয়ান ছুপাৰ লীগত নৰ্থ ইষ্ট ইউনাইটেড এফ চি দলললৈ আহে।^১২১৩ দলৰ প্ৰথমখন খেলত কেৰালা ব্লাষ্টাৰ্ছৰ বিৰুদ্ধে তেওঁ একমাত্ৰ গ'লটো দিয়ে আৰু নৰ্থ ইষ্ট ইউনাইটেড ১-০ গ'লত জয়ী হয়।^১৪

সাফল্য

Málaga

• উৱেফা ইণ্টাৰট'ট' কাপ: ২০০২

Marseille

• Coupe de France: ৰাণাৰ্ছ আপ ২০০৫-০৬

Aris

• গ্ৰীক কাপ: ৰাণাৰ্ছ আপ ২০০৭-০৮, ২০০৯-১০

FK Baku

• আজাৰবাইজান কাপ: ২০১১-১২

ক্লাব পৰিসংখ্যা (অসম্পূৰ্ণ)

^১৫

বাহ্যিক সংযোগ

• BDFutbol প্ৰফাইল
• Zerozero প্ৰফাইল আৰু পৰিসংখ্যা