কিল্লী কৃপা ৰাণী

ড° কিল্লী কৃপা ৰাণী (Dr. Killi Krupa Rani; জন্ম: ১৯ নৱেম্বৰ ১৯৬৫) অন্ধ্ৰপ্ৰদেশৰ এগৰাকী ভাৰতীয় ৰাজনীতিবিদ। ভাৰতীয় সংসদৰ প্ৰাক্তন সদস্য আৰু ইয়াৰ পূৰ্বে ২০০৯ চনৰ পৰা ২০১৪ চনলৈকে শ্ৰীকুলমক প্ৰতিনিধিত্ব কৰিছিল।^১ তেওঁ কলিংগ জাতিৰ।^২৩ ২০২৪ চনৰ এপ্ৰিল মাহত ৱাই এছ আৰ চি পিৰ পৰা পদত্যাগ কৰি ভাৰতীয় জাতীয় কংগ্ৰেছত তেওঁ যোগদান কৰে।^৪৫

ব্যক্তিগত জীৱন

কৃপা ৰাণীয়ে অন্ধ্ৰপ্ৰদেশৰ শ্ৰীকাকুলাম জিলাৰ টেককালিত জন্ম লাভ কৰে। তেওঁৰ পিতৃ-মাতৃ কাময়া আৰু কৌওছালিয়া। ১৯৮৫ চনত ৰামমোহন ৰাওৰ সৈতে তেওঁ বিবাহপাশত আবদ্ধ হয়৷ তেওঁলোকৰ দুটা সন্তান আছে।^৬ বিশাখাপট্টনমৰ অন্ধ্ৰ মেডিকেল কলেজৰ পৰা তেওঁ চিকিৎসা বিজ্ঞানত এম বি বি এছ লাভ কৰিছিল। তেওঁ গ্ৰামোহন ৰাও ন্যাসৰ আহ্বায়ক, যি গ্ৰাম্য অঞ্চলত বিনামূলীয়া খোৱাপানী, বিনামূলীয়া চিকিৎসা শিবিৰ, বিনামূলীয়া প্ৰসৱ আৰু অন্ধসকলক বিনামূলীয়া কেটাৰেক্ট অপাৰেছন প্ৰদানৰ দিশত কাম কৰে।^৬

কেৰিয়াৰ

তেওঁ ৰাজনীতিত প্ৰৱেশ কৰি ভাৰতীয় জাতীয় কংগ্ৰেছ দলত যোগদান কৰে৷ ইয়াৰ পূৰ্বে তেওঁ ৱাই এছ ৰাজশেখৰ ৰেড্ডীৰ পঢ়াযাত্ৰা সম্পূৰ্ণ কৰে। ২০০৪ চনৰ সাধাৰণ নিৰ্বাচনত তেওঁ পৰাস্ত হৈছিল যদিও ২০০৯ চনত চাৰিবাৰৰ সাংসদ কিঞ্জাৰাপু য়েৰান নাইডুক পৰাস্ত কৰি জয়ী হৈছিল।^৭ ২০১২ চনৰ অক্টোবৰ মাহত তেওঁক ১৫ নং লোকসভা আৰু মনমোহন সিংৰ কেবিনেটত ৰাজ্যিক, যোগাযোগ আৰু তথ্য প্ৰযুক্তি মন্ত্ৰী হিচাপে অন্তৰ্ভুক্ত কৰা হয়।^৮৯ তেওঁ আছিল স্বাস্থ্য আৰু পৰিয়াল কল্যাণ সমিতিৰ সদস্য; বৈদেশিক পৰিক্ৰমা মন্ত্ৰালয়ৰ পৰামৰ্শদাতা সমিতিৰ সদস্য আৰু কেন্দ্ৰীয় সমাজ কল্যাণ ব’ৰ্ডৰ সদস্য।

২০১৪ চনত তেওঁ ৰাম মোহন নাইডু কিঞ্জৰাপুৰ হাতত পৰাস্ত হৈছিল।^১০ তেওঁ ভাৰতীয় জাতীয় কংগ্ৰেছ পদত্যাগ কৰে আৰু পিছত ২০১৯ চনৰ ২৮ ফেব্ৰুৱাৰীত ৱাইএছআৰচিপিত যোগদান কৰে।^১১ ২০২৪ চনত নেতৃত্বৰ প্ৰতি থকা অসন্তুষ্টিৰ কাৰণে ৱাইএছআৰচিপি এৰি কংগ্ৰেছ ৰাজ্যিক ইউনিটৰ সভাপতিৰ উপস্থিতিত কংগ্ৰেছত যোগদান কৰে৷^{১২১৩১৪}