এলেছেন্দ্ৰা এমব্ৰোচিঅ’

এলেছেন্দ্ৰা কৰিন এমব্ৰোচিঅ’ (ইংৰাজী ভাষা: Alessandra Ambrosio; জন্ম: ১১ এপ্ৰিল ১৯৮১) এগৰাকী ব্ৰাজিলিয়ান মডেল। তেওঁ ভিক্টোৰিয়াছ ছিক্ৰেটৰ সৈতে কৰা কামৰ বাবে পৰিচিত আৰু কোম্পানীটোৰ 'পিংক' লাইনৰ প্ৰথমগৰাকী মুখপাত্ৰ মডেল হিচাপে নিৰ্বাচিত হৈছিল। তেওঁ ২০০৪ চনৰপৰা ২০১৭ চনলৈ এগৰাকী 'ভিক্টোৰিয়াছ ছিক্ৰেট এঞ্জেল' আছিল আৰু খ্ৰীষ্টান ডায়ৰ, আৰমানি, ৰালফ লৰেন তথা নেক্সটৰ দৰে ফেশ্বন হাউচৰ বাবে মডেলিং কৰিছে।^১

এমব্ৰোচিঅ’ই ফৰ্বচৰ সৰ্বাধিক উপাৰ্জনকাৰী মডেলৰ তালিকাত পঞ্চম স্থান লাভ কৰিছিল। তেওঁৰ বাৰ্ষিক উপাৰ্জন প্ৰায় ৬৬ লাখ ডলাৰ বুলি অনুমান কৰা হৈছিল।^২ জনপ্ৰিয় সংবাদ মাধ্যমত তেওঁক প্ৰায়ে বিশ্বৰ অন্যতম আবেদনময়ী মহিলা হিচাপে উল্লেখ কৰা হয়।^৩ এগৰাকী 'এঞ্জেল' হিচাপে তেওঁ ২০০৭ চনৰ মে' মাহত পিপল আলোচনীৰ বাৰ্ষিক "বিশ্বৰ ১০০ গৰাকী আটাইতকৈ ধুনীয়া ব্যক্তি"ৰ অন্যতম হিচাপে নিৰ্বাচিত হৈছিল।^৪ এমব্ৰোচিঅ’ক ফেশ্বন উদ্যোগৰ অন্যতম আইকন হিচাপে গণ্য কৰা হয়।^৫

প্ৰাৰম্ভিক জীৱন

এমব্ৰোচিঅ’ৰ জন্ম ১৯৮১ চনৰ ১১ এপ্ৰিলত^৬ ব্ৰাজিলৰ ৰিও গ্ৰাণ্ডে ড’ চেলৰ ইৰেকিমত লুচিল্ডা আৰু লুইজ এমব্ৰোচিঅ’ৰ গৰ্ভত হৈছিল।^৭৮ তেওঁৰ এলিন নামৰ এগৰাকী কনিষ্ঠ ভগ্নী আছে। তেওঁৰ দেউতাকৰফালৰ ককাক আছিল পাডুয়াৰ এজন ইটালীয় প্ৰব্ৰজনকাৰী,^৯ আৰু তেওঁৰ দেউতাকৰফালৰ আইতাক আছিল এগৰাকী পলিচ প্ৰব্ৰজনকাৰী।^১১০

নিজৰ কাণ দুখন ডাঙৰ হোৱা বাবে সদায় নিৰাপত্তাহীনতাত ভোগা এমব্ৰোচিঅ’ই ১১ বছৰ বয়সত কাণ দুখন সঠিক কৰিবলৈ কছমেটিক চাৰ্জাৰী কৰাইছিল।^৯১ তেওঁ ১২ বছৰ বয়সত এটা মডেলিং ক্লাছত নামভৰ্তি কৰে। তেওঁ ১৯৯৫ চনৰ ব্ৰাজিলৰ 'এলিট মডেল লুক' ৰাষ্ট্ৰীয় প্ৰতিযোগিতাৰ ২০ গৰাকী ফাইনেলিষ্টৰ ভিতৰত অন্যতম আছিল।^৭১০

ব্যক্তিগত জীৱন

এমব্ৰোচিঅ’ই ২০০৮ চনত আমেৰিকা যুক্তৰাষ্ট্ৰন ব্যৱসায়ী তথা 'ৰি-ডান জিন্স'ৰ প্ৰতিষ্ঠাপক জেমি মাজুৰৰ সৈতে আঙঠি পিন্ধাইছিল।^১১১২ এই দম্পতীটিৰ এগৰাকী কন্যা (জন্ম ২০০৮)^১৩ আৰু এজন পুত্ৰ (জন্ম ২০১২) আছে।^১৪ এমব্ৰোচিঅ’ই ২০১৮ চনৰ ২৭ মাৰ্চত ঘোষণা কৰে যে মাজুৰৰ সৈতে তেওঁৰ সম্পৰ্ক বিচ্ছেদ হৈছে।^১৫

এমব্ৰোচিঅ’ই 'নেশ্যনেল মাল্টিপল স্কেলেৰোচিছ ছচাইটি'ৰ এগৰাকী ৰাষ্ট্ৰদূত হিচাপে সেৱা আগবঢ়াইছে।^১৬

২০১৯ চনৰ মাৰ্চ মাহত এমব্ৰোচিঅ’ই তেওঁৰ ভগ্নী এলিন আৰু শৈশৱৰ বান্ধৱী গিজেল কোৰিয়াৰ সৈতে মিলি নিজাকৈ বীচৱেৰ ব্ৰেণ্ড 'গাল ফ্ল’ৰিাপা' (GAL Floripa) মুকলি কৰে।^১৭

২০২০ চনৰ নৱেম্বৰ মাহত এমব্ৰোচিঅ’ই প্ৰকাশ কৰে যে তেওঁ আমেৰিকাৰ নাগৰিকত্ব লাভ কৰিছে।

চলচ্চিত্ৰপঞ্জী

চলচ্চিত্ৰ

টেলিভিছন

সংগীত ভিডিঅ’