আঁচল কুমাৰ

আঁচল কুমাৰ (Anchal Kumar) এজন ভাৰতীয় অভিনেত্ৰী, ছুপাৰ–মডেল, প্ৰভাৱশালী নাৰী আৰু সৌন্দৰ্য প্ৰতিযোগিতাৰ খিতাপধাৰী। তেওঁ Gladrags Manhunt and Megamodel Contest-ত বিজয়ী হৈছিল আৰু ১৯৯৯ চনৰ মিছ ইণ্টাৰকণ্টিনেণ্টেল প্ৰতিযোগিতাত ভাৰতক প্ৰতিনিধিত্ব কৰিছিল।^১২ তেওঁ বলিউডৰ ফেশ্যন আৰু ব্লাফমাষ্টাৰ! চলচ্চিত্ৰতো অভিনয় কৰিছিল।^৩

প্ৰাৰম্ভিক জীৱন আৰু শিক্ষা

১৯৭৯ চনৰ ২৪ অক্টোবাৰ তাৰিখে চণ্ডীগড়ত আঁচল কুমাৰৰ জন্ম হৈছিল।^৪ তেওঁ ছেণ্ট ষ্টিফেন্স বিদ্যালয়ত প্ৰাৰম্ভিক শিক্ষা লাভ কৰিছিল আৰু পাছত মিঠীবাই কলেজত উচ্চ শিক্ষা অব্যাহত ৰাখিছিল।^৫ ১৬ বছৰ বয়সতে ABCL–এ ভাৰতব্যাপী প্ৰতিভা সন্ধানত তেওঁক আবিষ্কাৰ কৰাৰ পাছত তেওঁৰ মডেলিং যাত্ৰা আৰম্ভ হয়।^৪

কেৰিয়াৰ

১৭ বছৰ বয়সত ৰাজহুৱা বিজ্ঞাপনৰে তেওঁ মডেলিং আৰম্ভ কৰে আৰু ১৯৯০ৰ দশকৰ শেষ ভাগ আৰু ২০০০ৰ দশকৰ আৰম্ভণিত দেশৰ এগৰাকী জনপ্ৰিয় মডেল হৈ পৰে।^৬

২০ বছৰ বয়সত তেওঁ ১৯৯৯ চনৰ ষষ্ঠ ‘‘গ্লেডৰেগ্‌চ মেনহাণ্ট আৰু মেগামডেল’’ প্ৰতিযোগিতাত বিজয়ী হয় আৰু তাৰ পিছত জাৰ্মানীত অনুষ্ঠিত মিছ ইণ্টাৰকণ্টিনেণ্টেলত ভাৰতৰ প্ৰতিনিধিত্ব কৰে।^৭৮৪

গ্লেডৰেগ্‌চ খিতাপ লাভৰ পিছত তেওঁ মডেলিং জগতে সক্ৰিয় হৈ থাকিল আৰু ফেশ্যন আৰু ব্লাফমাষ্টাৰ! ৰ দৰে বলিউড চলচ্চিত্ৰতো দেখা গৈছিল। তেওঁ Sunsilk আৰু Bombay Dyeing–সহ বহু আন্তঃৰাষ্ট্ৰীয় ব্ৰেণ্ডৰ মুখপত্ৰ আছিল। ২০০৭ চনত নিউ জাৰ্ছীৰ এট্লাণ্টিক চিটিত অনুষ্ঠিত ‘‘Bollywood Fashion & Music Awards’’ত ‘‘Best Female Model of the Year’’ বৃত্তি লাভ কৰে।

তেওঁ বহু সংগীত ভিডিঅ'ত উপস্থিত হৈছিল, তাৰে ভিতৰত "আইনা", "মুখা তুম্হাৰা", "দুপট্টা তেৰা সত্ৰঁ দা", "বেক ইন বেড এণ্ড ব্লাইণ্ড", "দ্য হলি ৰোলাৰ্ছ"। আদি উল্লেখযোগ্য। তেওঁৰ টেলিভিছন উপস্থিতিৰ ভিতৰত বাজী কিস কি কুইজ শ্ব'ত বিজয়ী হোৱা উল্লেখযোগ্য। ২০১০ চনত তেওঁ বিগ বচ ৪–ত প্ৰতিযোগী হিচাপে অংশ লৈ ছয় সপ্তাহ পৰ্যন্ত শ্ব’ত থাকিছিল।^২৯

ব্যক্তিগত জীৱন

আঁচল কুমাৰ অনুপম মিত্তলৰ সৈতে এজন অনুষ্ঠানত সাক্ষাৎ কৰে।^২১০ সাত বছৰ ধৰি ডেটিঙৰ পিছত তেওঁলোক ৪ জুলাই ২০১৩ তাৰিখে জয়পুৰত বিবাহ বন্ধনত আবদ্ধ হয়।^২৫ তেওঁলোকৰ এটা কন্যা সন্তান আছে—এলিছা মিত্তল।^১১

আঁচল কুমাৰে মডেলিং আৰু অভিনয় দুয়োটাৰ ক্ষেত্ৰতে নিজকে দৃঢ়ভাৱে প্ৰতিষ্ঠিত কৰাৰ উপৰিও সমাজসেৱা–সচেতন কাৰ্যকলাপতো অংশ লৈছে। সৌন্দৰ্য প্ৰতিযোগিতাত লাভ কৰা অভিজ্ঞতা আৰু বহু বছৰীয়া ফেশ্বন ইণ্ডাষ্ট্ৰিৰ যাত্ৰাই তেওঁক যুৱ প্ৰজন্মক প্ৰেৰণা যোগাবলৈ সক্ষম কৰিছিল। বিভিন্ন জনহিতকৰ অনুষ্ঠান আৰু মহিলা–সক্ষমতা সম্পৰ্কীয় কাৰ্যসূচীত অংশগ্ৰহণ কৰি তেওঁ নিজৰ জনপ্ৰিয়তাক সদুপযুক্ত দিশত ব্যৱহাৰ কৰিছে।

চলচ্চিত্ৰ

• ব্লাফমাষ্টাৰ!
• ফেশ্যন

টেলিভিছন শৃংখলা

• বাজী কিস কি
• বিগ বস

সংগীত ভিডিঅ'

• Aaina
• Mukhra Tumahra
• Dupatta Tera Satrang Da
• Back in Bed and Blind
• The Holy Rollers

বঁটা আৰু মনোনয়ন