ৰোহিত খান্দেলৱাল

ৰোহিত খান্দেলৱাল (জন্ম: ১৯ আগষ্ট, ১৯৮৯) এজন ভাৰতীয় মডেল, অভিনেতা আৰু টেলিভিজন ব্যক্তিত্ব। তেওঁ ২০১৫ চনত মিষ্টাৰ ইণ্ডিয়া আৰু ২০১৬ চনত মিষ্টাৰ ৱৰ্ল্ডৰ খিতাপ জয় কৰে। মিষ্টাৰ ৱৰ্ল্ড প্ৰতিযোগিতা জয় কৰা তেওঁ প্ৰথম গৰাকী এছিয়ান তথা ভাৰতীয়।^১২৩৪

কৰ্মজীৱন

অভিনেত্ৰী কৰিণা কাপুৰৰ লগত কৰা অলংকাৰৰ এটি বিজ্ঞাপনৰ জৰিয়তে ৰোহিতে কৰ্মজীৱনৰ পাতনি মেলিছিল। তাৰ পিছত তেওঁ কেইবাটাও বিজ্ঞাপন কৰে। ^৫

"ইউ টিভি বিন্দাচ"ৰ জনপ্ৰিয় প্ৰেম সম্পৰ্কীয় ধাৰাবাহিক "য়ে হে আশ্বিকী"ৰ ৭৬ নং খণ্ডত অভিনয়ৰ যোগেদি তেওঁ টেলিভিচনৰ জগতত প্ৰৱেশ কৰে। পিছলৈ তেওঁ "চেনেল ভি"ৰ ধাৰাবাহিক "মিলিয়ন ডলাৰ গাৰ্ল"ত কুটিৰ শিল্পৰ শিপিনী সকলৰ নেতা ভূৱনৰ চৰিত্ৰ অভিনয় কৰিছিল। হায়দৰাবাদত জন্ম আৰু ডাঙৰ-দীঘল হোৱা বাবে ৰহিত হিন্দী ভাষাত পাৰদৰ্শী নহয়। সেয়ে তেওঁ হিন্দী শিকবলৈ ক্লাছ লবলগীয়া হৈছিল।^৬

২৩ জুলাই, ২০১৫ চনত মুম্বাইৰ ক্লাৱ ৰয়ালিটিত অনুষ্ঠিত "মিষ্টাৰ ইণ্ডিয়া ২০১৫" প্ৰতিযোগিতাত তেওঁ বিজয়ী হয়। তেওঁ লগতে দুটা বিশেষ খিতাব "ষ্টে অন মিষ্টাৰ এক্টিভ" আৰু "প্ৰভোগ পাৰচনেল কেয়াৰ শ্ৰেষ্ঠ অভিনেতা" লাভ কৰে।^৪৭

টেলিভিচন

মিষ্টাৰ ৱৰ্ল্ড ২০১৬

১৯ জুলাই, ২০১৬ত চাউথপৰ্ট থিয়েটাৰ হল, ফ্লৰেল হল, ডি প্ৰমেণ্ডা, চাউথপৰ্টত অনুষ্ঠিত "মিষ্টাৰ ৱৰ্ল্ড ২০১৬" প্ৰতিযোগিতাত ৰোহিত খান্দেলৱালে চূড়ান্ত বিজয়ীৰ সন্মান লাভ কৰে। মিষ্টাৰ ৱৰ্ল্ড খিতাব লাভ কৰা ৰহিত প্ৰথম গৰাকী ভাৰতীয় তথা এছিয়ান। এই প্ৰতিযোগিতাত বিশ্বৰ বিভিন্ন প্ৰান্তৰ ৪৮ জন প্ৰতিযোগীয়ে অংশগ্ৰহণ কৰিছিল। এই প্ৰতিযোগিতাত জয়ী হোৱা বাবে তেওঁ নগদ $৫০,০০০/- লাভ কৰিল। তাৰ বাহিৰে তেওঁ আন কেইবাটাও উপ শিৰোনামৰ বাবে প্ৰতিযোগিতা খনিত ভাগ লৈছিল।^৮

বহিঃ সংযোগ

• ৰোহিত খান্দেলৱালৰ ফটো