ৰাকিব আৰ্শ্বাদ

ৰাকিব আৰ্শ্বাদ (Raquib Arshad) হৈছে এগৰাকী ভাৰতীয় অভিনেতা।^১ তেওঁ বিশেষকৈ হিন্দী ভাষা ৱেব ছিৰিজ ৰাগিনী এমএমএছ: ৰিটাৰ্ণছ্ (২০১৭-১৮)-ত খলনায়ক (অংশুমান) চৰিত্ৰ ৰূপায়ণ কৰাৰ বাবে আৰু জিঙ টিভিৰ ধাৰাবাহিক প্যাৰ তুনে ক্যা কিয়া (২০২০)-ত 'সাত্বিক' চৰিত্ৰত কৰা অভিনয়ৰ বাবে জনাজাত।^২ তেওঁ অভিনয় কৰা বহুচৰ্চিত চলচ্চিত্ৰ লোহাৰডাগা ২০১৯ চনৰ কান চলচ্চিত্ৰ মহোৎসৱত প্ৰদৰ্শিত হৈছিল।^৩

প্ৰাৰম্ভিক জীৱন আৰু শিক্ষা

ৰাকিব আৰ্শ্বাদৰ জন্ম আৰু প্ৰতিপালন ঝাৰখণ্ডৰ গিৰিডিহ জিলাৰ এক ভিতৰুৱা গাঁও 'গাদী ভাৰকাট্টা'ত হৈছিল।^৪ তেওঁৰ পিতৃ পেচাত এজন চিকিৎসক।^২ আৰ্শ্বাদে ঝাৰখণ্ডৰ সুভাষ পাব্লিক স্কুলৰ পৰা স্কুলীয়া শিক্ষা সমাপ্ত কৰে।^৪ পৰৱৰ্তী সময়ত তেওঁ ৰাঁচীত থকা সময়ছোৱাত কলেজীয়া থিয়েটাৰ আৰু নাটকৰ প্ৰতি আকৰ্ষিত হয়।^৪ ঘৰৰ সন্মতি সাপেক্ষে পঢ়া-শুনা ত্যাগ নকৰাৰ চৰ্তত তেওঁ ২০১৩ চনত মুম্বাইলৈ আহে।^৪ অভিনয়ৰ সমান্তৰালভাৱে তেওঁ ইন্দিৰা গান্ধী ৰাষ্ট্ৰীয় মুক্ত বিশ্ববিদ্যালয়ৰ পৰা স্নাতকোত্তৰ ডিগ্ৰী গ্ৰহণ কৰি আছে।^৪

অভিনয় জীৱন

মুম্বাইত উপস্থিত হোৱাৰ পিছত আৰ্শ্বাদে অয়ন বেনাৰ্জীৰ দ্বাৰা পৰিচালিত চুটি ছবি ৰিফ্লেক্টেড ড্ৰীমছৰ অডিচনত উত্তীৰ্ণ হয় আৰু ইয়াৰ জৰিয়তে অভিনয় জীৱনৰ পাতনি মেলে।^২ ইয়াৰ পিছত তেওঁ ধাৰাবাহিকভাৱে চিদিয়া ঘৰ, মেৰী দুৰ্গা আদি টেলিভিছন ধাৰাবাহিকৰ কেইটামান খণ্ডত কাম কৰাৰ সুযোগ পায়।^৪

২০১৭-১৮ চনত একতা কাপুৰৰ প্ৰযোজনা প্ৰতিষ্ঠান অল্ট বালাজীৰ হৰৰ-ৰোমাঞ্চ ৱেব ছিৰিজ ৰাগিনী এমএমএছ: ৰিটাৰ্ণছ্-ত নেতিবাচক চৰিত্ৰত (অংশুমান) কৰা অভিনয়ে তেওঁলৈ এক ডাঙৰ সফলতা কঢ়িয়াই আনে।^২ এই ছিৰিজটোত তেওঁ প্ৰস্থেটিক মেকআপ ব্যৱহাৰ কৰি এটা ভূতৰ চৰিত্ৰও ৰূপায়ণ কৰিছিল।^৪ ২০২০ চনত তেওঁ জিঙ টিভিৰ জনপ্ৰিয় ধাৰাবাহিক প্যাৰ তুনে ক্যা কিয়াৰ এটা খণ্ডত এজন অন্তৰ্মুখী প্ৰেমিক যুৱক 'সাত্বিক'ৰ ভূমিকাত অভিনয় কৰে।^৫

২০external চনত তেওঁ আমাজন প্ৰাইম ভিডিওৰ ৱেব ছিৰিজ আক্কদ বক্কদ ৰাফু চকৰত 'প্ৰতীক' নামৰ এজন সৰল গাঁৱলীয়া যুৱকৰ চৰিত্ৰত অভিনয় কৰে।^৬ ইয়াৰ উপৰিও তেওঁ প্ৰখ্যাত অভিনেতা সঞ্জয় মিশ্ৰ আৰু বিজয় ৰাজৰ সৈতে ঝাৰখণ্ডৰ পটভূমিত নিৰ্মিত বোলছবি লোহাৰডাগাত এক গুৰুত্বপূৰ্ণ চৰিত্ৰ ৰূপায়ণ কৰে, যিখন বোলছবি ২০১৯ চনৰ কান চলচ্চিত্ৰ মহোৎসৱত প্ৰদৰ্শিত হৈছিল।^৩ ২০২৫ চনৰ ছেপ্টেম্বৰ মাহত মুক্তি লাভ কৰা অবিনাশ ঠাকুৰৰ থ্ৰিলাৰ-হৰৰ ছবি বিষাহীত তেওঁ 'ধূমল' নামৰ এটা মুখ্য চৰিত্ৰত অভিনয় কৰিছে।^৭

ফিল্ম'গ্ৰাফী

চলচ্চিত্ৰ আৰু ৱেব ছিৰিজ

চুটি ছবি

• ৰিফ্লেক্টেড ড্ৰীমছ (প্ৰথম অভিনয় ব্ৰেক)^২
• টু ফিঙ্গাৰ টেষ্ট^১

বাহ্যিক সংযোগ

• ইনষ্টাগ্ৰামত ৰাকিব আৰ্শ্বাদ