১৯৮৪ৰ ভাৰতৰ সাধাৰণ নিৰ্বাচন

১৯৮৪ৰ ভাৰতৰ সাধাৰণ নিৰ্বাচন পূৰ্ব প্ৰধানমন্ত্ৰী ইন্দিৰা গান্ধীৰ মৃত্যুৰ পিছতে তিনিটা প্ৰৰ্যায়ত ২৪, ২৭ আৰু ২৮ ডিচেম্বৰত অনুষ্ঠিত হৈছিল। আভ্যন্তৰীণ অশান্তিৰ বাবে মিজোৰাম, পাঞ্জাব আৰু অসমত অষ্টম লোকসভা গঠনৰ বাবে অনুষ্ঠিত কৰা এই নিৰ্বাচন দহমান পলমকৈ হৈছিল।^১

ইন্দিৰা গান্ধীৰ দুৰ্ভাগ্যজনক মৃত্যুৰ বাবে সমগ্ৰ দেশজুৰি ভাৰতীয় জাতীয় কংগ্ৰেছৰ সপক্ষে সহানুভূতিৰ ঢৌ বৈছিল। যাৰ ফল দেখা গৈছিল এই নিৰ্বাচনটোত। ১৯৮৪ চনত হোৱা নিৰ্বাচনত দলটোৱে ৫১৪খনৰ ভিতৰত ৪০৪খন আসনেই লাভ কৰিবলৈ সক্ষম হৈছিল। ১৯৮৫ চনত পাঞ্জাব আৰু অসমত পলমকৈ অনুষ্ঠিত নিৰ্বাচনত কংগ্ৰেছে আৰু ১০খন আসন লাভ কৰিছিল। এন টি ৰামাৰাও নেতৃত্বাধীন অন্ধ্ৰপ্ৰদেশৰ আঞ্চলিক ৰাজনৈতিক দল তেলেগু দেশমে লোকসভাৰ ৩০খন আসন পাই দ্বিতীয় স্থানত অৱস্থান কৰিছিল।^২

প্ৰথমবাবৰৰ বাবে লোকসভা নিৰ্বাচনত অৱতীৰ্ণ হোৱা নৱগঠিত ভাৰতীয় জনতা পাৰ্টীয়ে ১৯৮৪ৰ সাধাৰণ নিৰ্বাচনত হনামকোণ্ডা আৰু মহচানা – এই দুখন লোকসভা আসনত বিজয়ী হৈছিল।^২

দলভিত্তিক ফলাফল

পাঞ্জাব আৰু অসমৰ বিলম্বিত নিৰ্বাচন

অশান্ত-জৰ্জৰ পৰিস্থিতিৰ বাবে ১৯৮৪ চনত অসম, মিজোৰাম আৰু পাঞ্জাব- এই তিনিখন ৰাজ্যত লোকসভাৰ নিৰ্বাচন অনুষ্ঠিত হোৱা নাছিল। ৩১ অক্টোবৰ ১৯৮৪ত ৰাজীৱ গান্ধীয়ে ভাৰতৰ ষষ্ঠগৰাকী প্ৰধানমন্ত্ৰী ৰূপে দায়িত্বভাৰ লোৱাৰ পিছত তিনিওখন ৰাজ্যৰ ৰাজনৈতিক বাতাবৰণৰ উন্নয়নৰ বাবে তেওঁ ব্যৱস্থাৱলী হাতত লয়। ইতিমধ্যে অসম আৰু পাঞ্জাবৰ স্বাভাৱিক পৰিবেশ ঘূৰি অহাত ১৯৮৫ চনত অসমৰ ১৪খন আৰু পাঞ্জাবৰ ১৩খন লোকসভা আসনৰ বাবে নিৰ্বাচন অনুষ্ঠিত হয়।^১২

অসম

১৯৮৫ৰ ১৬ ডিচেম্বৰত অনুষ্ঠিত হোৱা সাধাৰণ নিৰ্বাচনত অসমৰ ১৪খন আসনৰ ৪খন ভাৰতীয় জাতীয় কংগ্ৰেছে, ১খন ভাৰতীয় কংগ্ৰেছ (সমাজবাদী)-এ, ১খন অসম ভৈয়াম জনজাতি পৰিষদে, ৭খন অসম গণ পৰিষদ সমৰ্থিত নিৰ্দলীয়ই আৰু ১খন সংযুক্ত সংখ্যালঘূ মৰ্চা সমৰ্থিত নিৰ্দলীয়ই লাভ কৰে।^১২

উৎস- ভাৰতৰ নিৰ্বাচন আয়োগ

পাঞ্জাব

উৎস- ভাৰতৰ নিৰ্বাচন আয়োগ