সৌৰভ দাস

সৌৰভ দাস (Sourav Das; জন্ম: ২১ জানুৱাৰী ১৯৮৯) এগৰাকী ভাৰতীয় অভিনেতা, উপস্থাপক, কৌতুক অভিনেতা, আৰু থিয়েটাৰ পৰিচালক।^১২৩ ‘বয়েই গেল’ নামৰ টিভি ধাৰাবাহিক এখনত অভিনয়েৰে তেওঁ অভিনয় জীৱনৰ আৰম্ভণি কৰিছিল। তেওঁ দম দম দীঘা দীঘা, বলো দুগ্গা মাঈকী (২০১৭) আৰু ৱেব ছিৰিজ "মণ্টু পাইলট", "চৰিত্ৰহীন" আৰু "ৰহস্য ৰোমাঞ্চ - চিজন ৩"-ত তেওঁৰ অভিনয়ৰ বাবে সৰ্বাধিক পৰিচিত।

ব্যক্তিগত জীৱন

১৯৮৯ চনৰ ২১ জানুৱাৰী তাৰিখে ভাৰতৰ পশ্চিমবঙ্গত এটি হিন্দু পৰিয়ালত সৌৰভ দাসে জন্মগ্ৰহণ কৰে।^৪ তেওঁ কলকাতাৰ চাউথ পয়েণ্ট স্কুলৰপৰা স্কুলীয়া শিক্ষা লাভ কৰিছিল। তেওঁৰ মাক ৰবীন্দ্ৰভাৰতীৰ গানৰ ছাত্ৰী হোৱাত তেওঁৰো সংগীতশিল্পী হোৱাৰ ইচ্ছা আছিল। তেওঁ ছাত্ৰাৱস্থাতেই বেণ্ড এটিও খুলিছিল।^৪ তাৰপাছত থিয়েটাৰৰফালে আকৃষ্ট হয়। ২০২১ চনত তেওঁ আনুষ্ঠানিকভাৱে তৃণমূল কংগ্ৰেছত যোগ দিয়ে।^৫৬৭

তেওঁ ২০২৩ চনৰ ১৫ ডিচেম্বৰ তাৰিখে অভিনেত্ৰী দৰ্শনা বণিকৰ সৈতে বিবাহ বন্ধনত আবদ্ধ হয়।^৮৯

কৰ্মজীৱন

সৌৰভে বয়েই গেলো নামৰ জী বাংলাৰ টিভি ধাৰাবাহিকখনত অভিনয়েৰে তেওঁৰ অভিনয় জীৱন আৰম্ভ কৰিছিল।^৫ ইয়াত তেওঁ ধাৰাবাহিকৰ নায়ক অৰ্জুনৰ খুড়াকৰ পুতেক বীৰসা বসাকৰ চৰিত্ৰত অভিনয় কৰিছিল। পৰিচালক ওনিৰৰদ্বাৰা ৰচিত-পৰিচালিত কুছ ভিগে আলফাজ্জ ছবিখনত অভিনয়েৰে বলিউড চলচ্চিত্ৰত তেওঁৰ আত্মপ্ৰকাশ ঘটে।^১ তেওঁ অঞ্জন দত্ত, অৰিন্দম শীল, বিৰসা দাশগুপ্ত, কমলেশ্বৰ মুখোপাধ্যায় আৰু ৰাজ চক্ৰবৰ্তীৰ দৰে প্ৰশংসিত বঙালী চলচ্চিত্ৰ পৰিচালকসকলৰ লগত কাম কৰিছে। চোৰে চোৰে মাসতুতো ভাই নামৰ জী বাংলা চিনেমাৰ মৌলিক চলচ্চিত্ৰ এখনত নেপথ্য গায়ক হিচাপে আত্মপ্ৰকাশ কৰিছিল।

চলচ্চিত্ৰপুঞ্জী

ৱেব আৰু টিভি ধাৰাবাহিক

চলচ্চিত্ৰ

টিভি অনুষ্ঠান

বঁটা-সন্মান