সোণম বাজৱা

সোণমপ্ৰীত বাজৱা (জন্ম: ১৬ আগষ্ট ১৯৮৯) এগৰাকী ভাৰতীয় অভিনেত্ৰী যিয়ে মূলতঃ পঞ্জাবী ভাষা আৰু হিন্দী ভাষা ছবিত কাম কৰে। পঞ্জাবী চিনেমাৰ অন্যতম জনপ্ৰিয় আৰু সৰ্বাধিক পাৰিতোষিক পোৱা অভিনেত্ৰী বাজৱাই দুটাকৈ পি টি চি পঞ্জাবী ফিল্ম এৱাৰ্ড লাভ কৰাৰ লগতে চাৰিটাকৈ ফিল্মফেয়াৰ এৱাৰ্ডছ পঞ্জাবীৰ বাবে মনোনয়ন লাভ কৰিছে।^১২৩৪

২০১২ চনৰ ফেমিনা মিছ ইণ্ডিয়া প্ৰতিযোগিতাত অংশগ্ৰহণ কৰাৰ পাছত বাজৱাই ২০১৩ চনৰ পঞ্জাবী ছবি বেষ্ট অৱ লাকৰ জৰিয়তে অভিনয় জীৱনৰ পাতনি মেলে আৰু কাপ্পালৰ জৰিয়তে তামিল ছবিত আত্মপ্ৰকাশ কৰে। পঞ্জাব ১৯৮৪ (২০১৪), চৰ্দাৰ জি ২ (২০১৬), নিক্কা জাইলদাৰ (২০১৬), মাঞ্জেবিত্ৰে (২০১৭), নিক্কা জাইলদাৰ ২ (২০১৭), কেৰী অন জট্টা ২ (২০১৮), গুড্ডিয়ান পাটোলে (২০১৯), আৰ্দাব মুটিয়াৰণ (২০১৯) আৰু হৌচলা ৰাখ (২০২১) আদি সফল ছবিত অভিনয়েৰে বাজৱাই পঞ্জাবী ছবিৰ এগৰাকী আগশাৰীৰ অভিনেত্ৰী হিচাপে নিজকে প্ৰতিষ্ঠা কৰে। তেওঁ আতাডুকুন্দম ৰা (২০১৬) ছবিৰ জৰিয়তে তেলেগু চিনামাত খোজ পেলায়।^৫ ২০২৫ চনত তেওঁ হাউচফুল ৫ আৰু এক দিৱানে কি দিৱানীয়ত ছবিত অভিনয় কৰি হিন্দী চিনেমা জগতলৈ বিস্তাৰিত হয়। বাজৱাই আৰ্দাব মুটিয়াৰণ ছবিত আগবঢ়োৱা অভিনয়ৰ বাবে পি টি চি পঞ্জাবী ফিল্ম এৱাৰ্ডৰ শ্ৰেষ্ঠ অভিনেত্ৰীৰ বঁটা লাভ কৰে। ইয়াৰ উপৰি তেওঁ মাঞ্জেবিত্ৰে আৰু নিক্কা জাইলদাৰ ২ ছবিৰ বাবে দুবাৰকৈ ফিল্মফেয়াৰ এৱাৰ্ডছ পঞ্জাবী – শ্ৰেষ্ঠ অভিনেত্ৰীৰ মনোনয়ন লাভ কৰিছে।

প্ৰাৰম্ভিক জীৱন

১৯৮৯ চনৰ ১৬ আগষ্টত উত্তৰ প্ৰদেশৰ (বৰ্তমান উত্তৰাখণ্ডত) নৈনিতালৰ এটা পঞ্জাবী ভাষা শিখ পৰিয়ালত সোণম বাজৱাৰ জন্ম হৈছিল।^৬৭ তেওঁ দিল্লী বিশ্ববিদ্যালয়ৰপৰা স্নাতক ডিগ্ৰী লাভ কৰিছিল।^৮ ২০১২ চনত তেওঁ মুম্বাইলৈ যায় আৰু ফেমিনা মিছ ইণ্ডিয়া প্ৰতিযোগিতাত অংশগ্ৰহণ কৰে।^৯ বাজৱাই তাৰ পিছত এয়াৰ হোষ্টেছ হিচাপে কাম কৰিছিল, কিন্তু পিছলৈ অভিনয় জীৱন গঢ়ি তোলাৰ উদ্দেশ্যে সেই চাকৰি ত্যাগ কৰে।^৫১০

সংবাদ মাধ্যমত

বাজৱাক পঞ্জাবী চিনেমাৰ এগৰাকী অন্যতম সৰ্বাধিক পাৰিতোষিক পোৱা আৰু প্ৰতিষ্ঠিত অভিনেত্ৰী হিচাপে গণ্য কৰা হয়।^১১১ তেওঁ নিজৰ ফেশ্বন জ্ঞান আৰু শৈলীৰ বাবেও পৰিচিত।^১২১৩ গুড্ডিয়ান পাটোলে নামৰ ছবিখনত বাজৱাই তেওঁৰ পুৰুষ সহ-অভিনেতাসকলতকৈ অধিক পাৰিতোষিক লাভ কৰিছিল।^১৪ ২০১৬, ২০১৭ আৰু ২০১৯ চনত বাজৱাই তিনিবাৰকৈ চণ্ডীগড় টাইমছৰ আটাইতকৈ আকৰ্ষণীয় মহিলাৰ সন্মান লাভ কৰিছিল।^{১৫১৬১৭} সেই একেখন তালিকাতে তেওঁ ২০১৮ চনত দ্বিতীয় আৰু ২০২০ চনত চতুৰ্থ স্থান লাভ কৰিছিল।^১৮১৯ ২০১৯ চনত টাইমছৰ ৫০ গৰাকী আটাইতকৈ আকৰ্ষণীয় মহিলাৰ তালিকাত বাজৱাই ৪৪সংখ্যক স্থান লাভ কৰিছিল।^২০ তেওঁ 'মুফাম' আৰু 'আমেৰিকানা' বিস্কুটকে ধৰি কেইবাটাও ব্ৰেণ্ডৰ চেলিব্ৰিটি এণ্ডোৰ্চাৰ।^২১

ব্যক্তিগত জীৱন

এটা পঞ্জাবী শিখ পৰিয়ালত জন্মগ্ৰহণ কৰিলেও ২০১৭ চনত বাজৱাই ছচিয়েল মিডিয়াৰ জৰিয়তে ঘোষণা কৰিছিল যে তেওঁ যীশুক অনুসৰণ কৰে, কিন্তু খ্ৰীষ্টান ধৰ্মক নহয়। তেওঁ উল্লেখ কৰিছিল যে "মই যীশুক অনুসৰণ কৰোঁ কিন্তু মই ধৰ্মীয়ভাৱে খ্ৰীষ্টান নহয়।" ^২২২৩