সঞ্জনা গণেশান

সঞ্জনা গণেশন (Sanjana Ganesan জন্ম: ৬ মে' ১৯৯১) এগৰাকী ভাৰতীয় ক্ৰীড়া সাংবাদিক, এংকৰ আৰু ক্ৰিকেট খেলৰ সম্প্ৰচাৰক।

পেছাদাৰী কেৰিয়াৰ

সঞ্জনাই মডেল হিচাপে পেছাদাৰী কেৰিয়াৰ আৰম্ভ কৰিছিল৷ বিগত সময়ছোৱাত তেওঁ ক্ৰীড়া উপস্থাপক আৰু ষ্টাৰ স্প’ৰ্টছৰ বাবে ক্ৰিকেট আৰু বেডমিণ্টন প্ৰতিযোগিতাৰ বিশেষ অনুষ্ঠান আয়োজন কৰি আহিছে। ২০১৯ চনত ইংলেণ্ডত অনুষ্ঠিত হোৱা বিশ্বকাপ, ২০২০ চনৰ মহিলা টি-২০ বিশ্বকাপ আৰু লগতে ২০২৪ চনৰ আইচিচি পুৰুষৰ টি-২০ বিশ্বকাপৰ সঞ্জনা অংশ আছিল৷ ^১ইণ্ডিয়ান প্ৰিমিয়াৰ লীগৰ সময়ৰ কেইবাটাও ছিজনত তেওঁ ষ্টাৰ স্প’ৰ্টছ সম্প্ৰচাৰ দলৰ অংশ আছিল। ^১

ব্যক্তিগত জীৱন

সঞ্জনা গণেশনে দ্য বিচপ স্কুলত স্কুলীয়া শিক্ষা সম্পূৰ্ণ কৰিছিল। ইয়াৰ পিছত তেওঁ পুণেৰ চিম্বায়’ছিছ ইনষ্টিটিউট অৱ টেকন’লজিত বি.টেক পাঠ্যক্ৰমত নামভৰ্তি কৰে। সঞ্জনা গণেশান মিছ ইণ্ডিয়াৰ চূড়ান্ত পৰ্যায়ত উপনীত হোৱা প্ৰাক্তন প্ৰতিযোগী আৰু ২০১৪ চনত এমটিভিৰ স্প্লিটছভিলাৰ অংশগ্ৰহণকাৰী।^১ ২০২১ চনৰ ১৫ মাৰ্চত সঞ্জনাই গোৱাত ভাৰতীয় ক্ৰিকেটাৰ যশপ্ৰীত বুমৰাহৰ সৈতে বিবাহপাশত আবদ্ধ হয়।^২ ২০১৩ চনৰ ইণ্ডিয়ান প্ৰিমিয়াৰ লীগৰ সময়ত বুমৰাহৰ গণেশানৰ প্ৰথমটো সাক্ষাৎকাৰ লৈছিল আৰু এইদৰেই দুয়ো সান্নিধ্যলৈ আহিছিল। ইয়াৰ পাছত তেওঁলোকৰ মাজত বন্ধুত্ব গঢ় লৈ উঠে আৰু ২০২১ চনৰ মাৰ্চ মাহত তেওঁলোকৰ বিবাহ সম্পন্ন হয়।^৩২০২৩ চনৰ ৪ ছেপ্টেম্বৰত দম্পতীটিৰ অংগদ জস্প্ৰিত বুমৰাহৰ নামৰ এটি পুত্ৰ সন্তানৰ জন্ম হয়।^৪