বিশ্বকাপ ক্ৰিকেট ২০১৯

বিশ্বকাপ ক্ৰিকেট ২০১৯ ২০১৯ চনৰ ৩০ মেৰ পৰা ১৪ জুলাইলৈকে^১ ইংলেণ্ড আৰু ৱেলছত অনুষ্ঠিত কৰা হ'ব,^২৩ ই হৈছে দ্বাদশ সংখ্যক বিশ্বকাপ ক্ৰিকেট প্ৰতিযোগিতা। ১৯৭৫, ১৯৭৯, ১৯৮৩ আৰু ১৯৯৯ চনৰ সৈতে এইবাৰ ইংলেণ্ড আৰু ৱেলছে পঞ্চমবাৰলৈ বিশ্বকাপ ক্ৰিকেট প্ৰতিযোগিতা অনুষ্ঠিত কৰিব।

অষ্ট্ৰেলিয়া আৰু নিউজিলেণ্ডত অনুষ্ঠিত হোৱা বিশ্বকাপৰ আয়োজকৰ নামৰ পৰা ইংলেণ্ড আৰু ৱেলছে নিজৰ নাম প্ৰত্যাহাৰ কৰাৰ পিছত ২০০৬ চনৰ এপ্ৰিল মাহত ২০১৯ চনৰ বিশ্বকাপ ক্ৰিকেট প্ৰতিযোগিতাৰ আয়োজক দেশৰ নাম ঘোষণা কৰা হৈছিল। প্ৰতিযোগিতাৰ প্ৰথম খেলখন দি অ'ভেলত আৰু চুড়ান্ত খেলখন লৰ্ডছ্ত খেলুৱা হ'ব। কমসংখ্যক দলকলৈ আয়োজন কৰিবলৈ লোৱা বাবে প্ৰতিযোগিতাখনক সমালোচনা কৰা হৈছে যদিও আইচিচিএ কেৱল ১০টা দলৰ মাজতেই প্ৰতিযোগিতা অনুষ্ঠিত কৰাৰ পৰিকল্পনা কৰিছে।^৪ ২০১৫ চনৰ বিশ্বকাপ ক্ৰিকেট প্ৰতিযোগিতাত অষ্ট্ৰেলিয়া বিজয়ী হৈছিল।

খেলৰ স্থানসমূহ

কলিকতাত অনুষ্ঠিত হোৱা এখন সভাত সিদ্ধান্ত কৰা খেলৰ স্থানসমূহ ২৬ এপ্ৰিল ২০১৮ তাৰিখে প্ৰকাশ কৰা হয়।^৫৬

নগৰ	বাৰ্মিংহাম, ইংলেণ্ড	ব্ৰিষ্টল, ইংলেণ্ড	কাৰ্ডিফ, ৱেলছ	চেষ্টাৰ-লে-ষ্ট্ৰীট, ইংলেণ্ড	লিডছ, ইংলেণ্ড
খেলপথাৰ	Edgbaston	Bristol County Ground	Sophia Gardens	Riverside Ground	Headingley
County Team	Warwickshire	Gloucestershire	Glamorgan	Durham	Yorkshire
আসন ক্ষমতা	২৫,০০০	১৭,৫০০	১৫,৬৪৩	২০,০০০	১৮,৩৫০
খেল	৫ (ছেমি-ফাইনেলক ধৰি)	৩	৪	৩	৪
লণ্ডন, ইংলেণ্ড	লণ্ডন, ইংলেণ্ড	মানচেষ্টাৰ, ইংলেণ্ড	নটিংহাম, ইংলেণ্ড	ছাউডামটন, ইংলেণ্ড	টাউনটন, ইংলেণ্ড
লৰ্ডছ	দ্য অভেল	অল্ড ট্ৰেফৰ্ড	ট্ৰেণ্ট ব্ৰীজ	ৰজ বৌল	কাণ্ট্ৰি গ্ৰাউণ্ড
মিডলছেক্স	ছুৰী	লেংকাছিৰ	নটিমহামছিৰ	হামছিৰ	ছমেৰছেট
২৮,০০০	২৫,৫০০	২৬,০০০	১৭,৫০০	২৫,০০০	১২,৫০০
৫ (ফাইনেলক ধৰি)	৫	৬ (ছেমি-ফাইনেলক ধৰি)	৫	৫	৩

খেলসমূহৰ তালিকা

২০১৮ চনৰ ২৬ এপ্ৰিলত আইচিচিএ খেলসমূহৰ তালিকা প্ৰকাশ কৰে।^৭