শুভৱতী পাছোৱান

শুভৱতী পাছোৱান (Subhawati Paswan) ভাৰতীয় সংসদৰ নিম্ন সদন একাদশ লোকসভাৰ এগৰাকী প্ৰাক্তন সদস্যা৷ তেওঁ উত্তৰ প্ৰদেশ ৰাজ্যৰ বংশগাঁও লোকসভা সমষ্টিক প্ৰতিনিধিত্ব কৰিছিল।^১

আৰম্ভণিৰ জীৱন

১৯৫২ চনৰ ১৫ মে'ত উত্তৰ প্ৰদেশৰ গোৰখপুৰ জিলাৰ জিন্দাপুৰ গাঁৱত শুভৱতীয়ে জন্মগ্ৰহণ কৰে।^২

কৰ্মজীৱন

বংশগাঁৱৰ আসনখন অনুসূচীত জাতি আৰু অনুসূচীত জনজাতি শ্ৰেণীৰ বাবে সংৰক্ষিত। সমাজবাদী পাৰ্টিৰ প্ৰাৰ্থী হিচাপে শুভৱতী পাছোৱানে ভাৰতীয় সাধাৰণ নিৰ্বাচনত ভাৰতীয় জনতা পাৰ্টী (বিজেপি)ৰ ৰাজ নাৰায়ণ পাছিৰ বিপৰীতে ২,০৩,৫৯১ টা ভোট লাভ কৰে। ৪.৯৬% ভোটৰ ব্যৱধানত এই আসনখন তেওঁ লাভ কৰে।^৩ কিন্তু ১৯৯৮ আৰু ১৯৯৯ত অনুষ্ঠিত সাধাৰণ নিৰ্বাচনত তেওঁ ক্ৰমে ৩১.৬৭% আৰু ২৯.২৩% ভোট লাভ কৰে আৰু পৰাজয় বৰণ কৰে৷ ^৪ ২০০৪ নিৰ্বাচনত তেওঁ ১,৩৫,৪৯৯ টা ভোট লাভ কৰি তৃতীয় স্থান লাভ কৰে৷^৫ পৰৱৰ্তী নিৰ্বাচনসমূহত তেওঁৰ পুত্ৰ কমলেশ পাছৱানে জয়লাভ কৰে৷^৬

পাছৱান বিজেপিলৈ স্থানান্তৰিত হয় আৰু বংশগাঁও বিধানসভা সমষ্টিৰ পৰা ২০১২ উত্তৰ প্ৰদেশ বিধানসভা নিৰ্বাচন প্ৰতিদ্বন্দ্বিতা কৰে। বিজেপি নেতা যোগী আদিত্যনাথ একেখন আসনৰ বাবে আন এজন প্ৰাৰ্থীক সমৰ্থন কৰিলে।^৭ তেওঁ তৃতীয় স্থান দখল কৰি মাত্ৰ ২৪,৫৭৬ ভোট লাভ কৰে।^৮

ব্যক্তিগত জীৱন

১৯৭০ চনৰ ১০ এপ্ৰিলত ওম প্ৰকাশ পাছৱানৰ সৈতে শুভৱতী পাছোৱানৰ বিবাহ সম্পন্ন হয়।^২ তেওঁলোকৰ দুজন পুত্ৰ সন্তান ওপজে।^৯