লীলা ৰামকুমাৰ ভাৰ্গৱ

ৰাণী লীলা ৰামকুমাৰ ভাৰ্গৱ এগৰাকী ভাৰতীয় স্বাধীনতা সংগ্ৰামী, সমাজকৰ্মী, শিক্ষাবিদ^১ আৰু ভাৰতীয় জাতীয় কংগ্ৰেছৰ এগৰাকী প্ৰাক্তন নেত্ৰী আছিল।^২ তেওঁ ভাৰতৰ প্ৰধানমন্ত্ৰী ইন্দিৰা গান্ধীৰ সহযোগী আছিল।^২ এছিয়াৰ আটাইতকৈ পুৰণি ছপাশাল নৱাল কিশোৰ প্ৰেছৰ প্ৰতিষ্ঠাপক মুনশী নৱাল কিশোৰৰ পৰিয়ালৰ সদস্য^৩ তথা ভাৰতৰ ভাইচৰয় লৰ্ড ৱেভেলৰ পৰা ৰাজা উপাধিধাৰী মুন্সী ৰামকুমাৰ ভাৰ্গৱৰ সৈতে তেওঁ বিবাহপাশত আবদ্ধ হৈছিল।^৪ তেওঁৰ পুত্ৰ ৰঞ্জিত ভাৰ্গৱ এজন বিখ্যাত পৰিৱেশবিদ^৫ আৰু পদ্মশ্ৰী বঁটা বিজয়ী।^৪

প্ৰাথমিক জীৱন আৰু কেৰিয়াৰ

ৰাণী লীলাৰ জন্ম হৈছিল কৰ্ণাটকৰ বেংগালুৰুত। ১৬ বছৰ বয়সত বিবাহপাশত আবদ্ধ হৈ লক্ষ্ণৌলৈ গুচি যায়। ৰাণী চাহিবা নামেৰে পৰিচিত আছিল আৰু তেওঁ ভাৰতীয় মহিলা পৰিষদৰ নেচনেল কাউন্সিল (এন চি ডব্লিউ আই)ৰ অন্যতম প্ৰতিষ্ঠাপক সদস্য আছিল। ৰাণী লীলাই ইয়াৰ সভানেত্ৰী হিচাপেও কাৰ্যনিৰ্বাহ কৰিছিল।^৬

বঁটা

১৯৭১ চনত ভাৰত চৰকাৰে পদ্মশ্ৰী, চতুৰ্থ সৰ্বোচ্চ ভাৰতীয় অসামৰিক বঁটাৰে সন্মানিত কৰে।^৭৮

মৃত্যু

২০১৪ চনৰ ২৫ মে'ত বাংগালুৰুৰ পিজিআই চিকিৎসালয়ত কিছুদিন অসুস্থতাৰ অন্তত ৰাণী লীলা ৰাম কুমাৰ ভাৰ্গৱৰ মৃত্যু হয়৷^৯২ তেওঁ তিনিজন পুত্ৰ আৰু এগৰাকী কন্যাৰ মাতৃ আছিল।^১০