লিলি সিং

লিলি সিং (ইংৰাজী: Lilly Singh; জন্ম: ২৬ ছেপ্টেম্বৰ, ১৯৮৮^১২ এগৰাকী কানাডাৰ ইউটিউবাৰ, অভিনেত্ৰী, টেলিভিছন আয়োজক আৰু কমেডিয়ান। ২০১০ চনত তেওঁ ইউটিউব ভিডিঅ' নিৰ্মাণ কৰিবলৈ আৰম্ভ কৰে, প্ৰথমতে “ছুপাৰউমেন” (ষ্টাইলাইজড আইআইসুপাৰউমেনআইআই) ছদ্মনামেৰে, যিটো তেওঁ ২০১৯ চনলৈকে ব্যৱহাৰকাৰীৰ নাম হিচাপে ব্যৱহাৰ কৰিছিল।

সিঙে তেওঁৰ তথ্যচিত্ৰ এ ট্ৰিপ টু ইউনিকৰ্ণ আইলেণ্ড (২০১৬) আৰু তেওঁৰ প্ৰথমখন কিতাপ হাউ টু বি এ বাউছ: এ গাইড টু কনকেৰিং লাইফ (২০১৭) মুকলি কৰে, যিখন নিউয়ৰ্ক টাইমছৰ বেষ্ট চেলাৰ আছিল। ২০১৯ চনৰ ছেপ্টেম্বৰৰপৰা ২০২১ চনৰ জুনলৈকে সিঙে এনবিচিৰ গভীৰ নিশাৰ টক শ্ব' এ লিটিল লেট উইথ লিলি সিংৰ কাৰ্যবাহী প্ৰযোজক আৰু আয়োজক হিচাপে কাম কৰিছিল।^৩৪ তেওঁ ভাৰতীয় বংশৰ প্ৰথমগৰাকী ব্যক্তি যিয়ে আমেৰিকাৰ গভীৰ নিশাৰ টক শ্ব' আয়োজন কৰে।^৫৬৭

প্ৰাৰম্ভিক জীৱন আৰু শিক্ষা

লিলি সিংহৰ জন্ম আৰু লালন-পালন স্কাৰবাৰো অঞ্চলত হৈছিল, যি টৰণ্টো, অণ্টাৰিঅ’, কানাডাত অৱস্থিত। তেওঁৰ পিতৃ-মাতৃ মালভিন্দৰ কৌৰ আৰু সুখভিন্দৰ সিংহ,^৮ ভাৰতীয় পঞ্জাবী ভাষা অভিবাসী, তেওঁলোক হোশিয়াৰপুৰ, পঞ্জাব, ভাৰতৰপৰা কানাডালৈ আহিছিল আৰু তেওঁক এজন শিখ হিচাপে লালন-পালন কৰিছিল।^৯ সিংহৰ এজন ডাঙৰ ভনী আছে, টিনা (জন্ম ১৯৮২), যি এজন ইউটিউবাৰ; তেওঁ ‘দ্য টিনা সিং’ (পূৰ্বতে ‘MOM BOSS OF 3’) নামত নিজৰ পৰিয়াল জীৱন, স্বামী আৰু তেওঁলোকৰ তিনি পুত্ৰক লৈ ভিডিঅ’ প্ৰস্তুত কৰে।^১০ সিংহে কৈছে যে শৈশৱত তেওঁ এজন ‘টমবয়’ স্বভাৱৰ আছিল।^১১ তেওঁ প্ৰাথমিক শিক্ষাৰ বাবে মেৰী শ্যাড পাব্লিক স্কুলত অধ্যয়ন কৰিছিল আৰু ২০০৬ চনত লেষ্টাৰ বি. পিয়াৰছন কলেজিয়েট ইনষ্টিটিউট (মালভাৰ্ন, টৰণ্টো)ৰপৰা স্নাতক হয়।^১২ তেওঁ গাৰ্ল গাইডছ অৱ কানাডাৰ সদস্যও আছিল আৰু তেওঁলোকৰ যুৱ কাৰ্যসূচীত অংশগ্ৰহণ কৰিছিল।^১৩ ২০১০ চনত তেওঁ ইয়ৰ্ক বিশ্ববিদ্যালয় (টৰণ্টো)ৰপৰা মনোবিজ্ঞান বিষয়ত বেচেলৰ অৱ আৰ্টছ ডিগ্ৰী লাভ কৰে।^১৪১৫

ৰাজহুৱা ভাবমূৰ্তি

পঞ্জাবী সংস্কৃতি সিঙৰ ভিডিঅ’বোৰত সঘনাই উপস্থাপিত হয়, য’ত মানুহৰ অভিযোগ আৰু সমাজৰ গুৰুত্বপূৰ্ণ বিষয়সমূহৰ ওপৰত ব্যংগ কৰা হয়।^১৬ তেওঁৰ আটাইতকৈ জনপ্ৰিয় ভিডিঅ’ হৈছে থ্ৰী গাৰ্লছ, ৱান এলিভেটৰ (জেনডায়া আৰু উইনি হাৰ্ল’ সংগত), যিখনে তেওঁৰ নাৰী-সবলীকৰণ অভিযান ‘গাৰ্ললাভ’-ও প্ৰচাৰ কৰে।^১৬ তেওঁৰ আন এটা জনপ্ৰিয় ধাৰাবাহিকত কাল্পনিক পিতৃ-মাতৃ পৰমজিৎ আৰু মনজিৎ (দুয়োটা চৰিত্ৰ সিঙেই অভিনয় কৰে) প্ৰচলিত আৰু বিতৰ্কিত ভিডিঅ’বোৰৰ ওপৰত প্ৰতিক্ৰিয়া জনায়।^১৭১৮ তেওঁ সঘনাই বিভিন্ন খ্যাতনামা ব্যক্তিৰ সৈতে ভিডিঅ’ত সহযোগিতা কৰে।^১৯

সিঙৰ ওপৰত আফ্ৰিকান-আমেৰিকান সংস্কৃতি আত্মসাৎ কৰাৰ অভিযোগ উত্থাপন কৰা হৈছে, য’ত ‘দ্য হাফিংটন পোষ্ট’, ‘বিচ’, ‘কালাৰলাইনছ’ আৰু ‘ভাইচ’ আদি প্ৰকাশন অন্তৰ্ভুক্ত।^{২০২১২২২৩} ‘দ্য কাট’ আলোচনীৰ আন্না চিলম্যানে অভিযোগ কৰে যে সিঙে কৃষ্ণাঙ্গ আৰু ইণ্ডো-কেৰিবিয়ান সংস্কৃতি আত্মসাৎ কৰিছে, বিশেষকৈ ৰেপ ভিডিঅ’ত চেইন, বেণী আৰু কৃষ্ণাঙ্গ উচ্চাৰণৰ ব্যৱহাৰৰ জৰিয়তে।^২৪

ব্যক্তিগত জীৱন

সিং এগৰাকী ইণ্ডো-কোনাডিয়ান, যিয়ে ভাৰত ভ্ৰমণৰ সময়ছোৱাত নিজৰ পঞ্জাবী ঐতিহ্যৰ সৈতে দৃঢ় সংযোগ গঢ়ি তোলে।^২৫ শিখ হিচাপে ডাঙৰ-দীঘল হ’লেও, তেওঁ ইনষ্টাগ্ৰামত জনোৱা অনুসৰি কোনো নিৰ্দিষ্ট ধৰ্ম অনুসৰণ নকৰে, কিন্তু ঈশ্বৰত দৃঢ়-বিশ্বাস ৰাখে।^২৬ তেওঁ অৱসাদৰ সৈতে সংগ্ৰাম কৰিছিল আৰু নিজৰ অনুভূতিৰ সৈতে মোকাবিলা কৰাৰ উপায় হিচাপে ইউটিউব ভিডিঅ’ নিৰ্মাণ আৰম্ভ কৰিছিল।^২৭ যৌৱনকালত সিং অণ্টাৰিঅ’ৰ মাৰ্খামত পিতৃ-মাতৃৰ সৈতে বাস কৰিছিল। ২০১৯ চনৰ ফেব্ৰুৱাৰীত তেওঁ সামাজিক মাধ্যমৰ জৰিয়তে নিজকে উভলিংগী বুলি প্ৰকাশ কৰে।^২৮ ২০২২ চনত তেওঁ ডিম্বাশয়ৰ চিষ্ট ৰোগত আক্ৰান্ত বুলি নিৰ্ণয় কৰা হৈছিল।^২৯

২০২০ চনৰ জুলাই মাহত সিঙে ঘোষণা কৰে যে তেওঁ আৰু আন কিছুমান খ্যাতনামা ব্যক্তিয়ে লছ এঞ্জেলছত এখন নেচনেল উইমেনছ ছকাৰ লীগ দল স্থাপন কৰিছে, যাৰ নাম ‘এঞ্জেল চিটি এফচি’; দলটোৱে ২০২২ চনৰপৰা খেল আৰম্ভ কৰে।^৩০ ২০২৫ চনৰ মে’ মাহত সিং টৰণ্টোৰ ডব্লিউএনবিএ সম্প্ৰসাৰণ দল ‘টৰণ্টো টেম্পো’-ৰ মালিকানা গোটত যোগদান কৰে।^৩১

বাহ্যিক সংযোগ

• Lilly Singh at ইউটিউব