মেগ ডনেলি

মেগ এলিজাবেথ ডনেলি (Meg Elizabeth Donnelly^১, জন্ম: ২৫ জুলাই, ২০০০^২) এগৰাকী আমেৰিকান অভিনেত্ৰী। তেওঁ এবিচিৰ চিটকম আমেৰিকান হাউছৱাইফ (২০১৬–২০২১)ত টেইলৰ অট্টো, ডিজনী চেনেলৰ চলচ্চিত্ৰ ধাৰাবাহিক জম্বিজ (২০১৮–বৰ্তমান)ত এডিচন ওৱেলছ আৰু চিডব্লিউ টেলিভিছন ধাৰাবাহিক দ্য ৱিনচেষ্টাৰছ (২০২২–২০২৩)ত মেৰী কেম্পবেলৰ চৰিত্ৰত অভিনয় কৰিছিল।

প্ৰাথমিক জীৱন

ডনেলিৰ জন্ম হৈছিল নিউয়ৰ্ক মহানগৰ চহৰত আৰু ডাঙৰ-দীঘল হৈছিল নিউ জাৰ্ছিৰ পিপেক-গ্লেডষ্টোনত।^৩ তাই একমাত্ৰ সন্তান।^৪ ছয় বছৰ বয়সৰ পৰাই তেওঁ নিউ জাৰ্ছিৰ ফাৰ হিলছৰ এনিজ প্লেহাউচ স্কুল অৱ পাৰফৰ্মিং আৰ্টছত কণ্ঠ, নৃত্য আৰু অভিনয়ৰ প্ৰশিক্ষণ আৰম্ভ কৰে। নিউয়ৰ্ক চহৰৰ কেইবাটাও কিডছ অৱ দ্য আৰ্টছ, ব্ৰডৱে কিডছ আৰু টাইম টু শ্বাইন প্ৰডাকচনত বৈশিষ্ট্যপূৰ্ণ কণ্ঠশিল্পী হিচাপে অভিনয় কৰিছে।^৫ নিউয়ৰ্কত থকাৰ সময়তে হাইস্কুলৰ জাপানী বিনিময় ছাত্ৰ-ছাত্ৰীৰ সৈতে ভালদৰে যোগাযোগ কৰিবলৈ তেওঁ তেওঁলোকৰ ভাষা শিকিবলৈ আৰম্ভ কৰে, আৰু পিছলৈ তেওঁৰ এটা একক গীত জাপানী ভাষাত মুকলি কৰে।^৬

কেৰিয়াৰ

২০১৩ চনত নেটফ্লিক্সৰ ধাৰাবাহিক টিম টুনত এছৰ চৰিত্ৰত অভিনয় কৰিছিল ডনেলিয়ে। তেখেতে ২০১৫ চনৰ ক্লিন এণ্ড ক্লিয়াৰৰ অকৱাৰ্ড টু অ'ছাম অভিযানৰ আমেৰিকান মুখ আছিল, আৰু এনবিচি টেলিভিছন বিশেষ দ্য চাউণ্ড অৱ মিউজিক লাইভ! -ত লুইছা ভন ট্ৰেপৰ চৰিত্ৰৰ বাবে আণ্ডাৰষ্টাডি আছিল।^৭ ২০১৫ চনৰ নিক'ল’ডিয়ন পাইলট ফিউচাৰ শ্বকত অভিনয় কৰিছিল যদিও ইয়াক বিক্ৰী কৰা হোৱা নাছিল।^৮

২০১৬ চনৰ পৰা ২০২১ চনলৈকে এবিচিৰ চিটকম আমেৰিকান হাউচৱাইফ-ত টেইলৰ অট্টোৰ চৰিত্ৰত অভিনয় কৰিছিল ডনেলিয়ে।^৯ তেওঁ এই চৰিত্ৰতজনী চেকুয়াৰ ঠাইত নিযুক্ত হৈছিল।^১০ সমালোচকসকলে ইয়াক ডনেলিৰ ব্ৰেকআউট ভূমিকা বুলি উল্লেখ কৰে।^১১১২ ইয়াৰ পিছত তেওঁ ২০১৭ চনৰ SOHO আন্তঃৰাষ্ট্ৰীয় চলচ্চিত্ৰ মহোৎসৱত প্ৰিমিয়াৰ হোৱা স্বতন্ত্ৰ ছবি দ্য ব্ৰোকেন ৱান্স-ত অভিনয় কৰে।^১৩১৪

ডনেলিয়ে ডিজনী চেনেলৰ অৰিজিনেল মুভি মিউজিকেলজম্বিজত এডিচনৰ চৰিত্ৰত অভিনয় কৰে, যিটো ২০১৮ চনৰ ১৬ ফেব্ৰুৱাৰীত প্ৰিমিয়াৰ হৈছিল।^১৫১৬ তেওঁ এই চৰিত্ৰ পুনৰাবৃত্তি কৰে জম্বিজ 2 (২০২০),^১৭ জম্বিজ ৩ (২০২২),^১৮ আৰু জম্বিজ ৪ (২০২৫)।^১৯২০ তেওঁ ২০১৮ চনৰ ৫ আগষ্টত নিজৰ প্ৰথম একক সংগীত স্মাইল মুক্তি দিয়ে,^২১ আৰু ২০১৯ চনৰ ১ মাৰ্চত দ্বিতীয়টো গীত ডিজিটেল লাভ মুক্তি কৰে।^২২

২০২২ চনত ডনেলিক ছুপাৰনেচাৰেল স্পিন-অফ দ্য উইনচেষ্টাৰছত ডিন আৰু ছেমৰ ভৱিষ্যৎ মাতৃ মেৰী কেম্পবেলৰ চৰিত্ৰত নিযুক্ত কৰা হয়,^২৩ যিটো মে’ মাহত The CW-এ ধাৰাবাহিক ৰূপে লয় আৰু এটা ছিজনৰ পাছত বাতিল কৰে।^২৪২৫ তেওঁ ২০২২ চনত হাই স্কুল মিউজিকেল: দ্য মিউজিকেল: দ্য ছিৰিজত "ভেল" নামৰ পুনৰাবৃত্তি চৰিত্ৰত অভিনয় কৰে।^২৬

২০২৩ চনত, তেওঁ লিজিয়ন অৱ ছুপাৰ-হিৰ’জ নামৰ চলচ্চিত্ৰত কাৰা জৰ-এল / ছুপাৰগাৰ্লৰ কণ্ঠদান কৰে।^২৭ এই চৰিত্ৰ তেওঁ ২০২৪ চনত জাষ্টিচ লীগ: ক্ৰাইছিছ অন ইনফিনিট আৰ্থছ ট্ৰিলজীত পুনৰাবৃত্তি কৰে।^২৮ তাৰ পাছত, তেওঁ ২০২৬ চনৰ লাইভ-একচন চলচ্চিত্ৰ ছুপাৰগাৰ্ল-ৰ বাবে পৰীক্ষা দিছিল যদিও চূড়ান্তভাৱে মিলি এলককক নিৰ্বাচন কৰা হয়।^২৯

২০২৫ চনত ডনেলিয়ে দ্য মাস্কড চিঙাৰ নামৰ অনুষ্ঠানৰ ১৩তম ছিজনত "কৰাল" ৰূপে অংশ লৈ ৩য় স্থান লাভ কৰে।^৩০ ২৪ বছৰ বয়সত, তেওঁ অনুষ্ঠানটোৰ আটাইতকৈ কম বয়সীয়া ফাইনেলিষ্ট আছিল। তাৰ পাছত তেওঁ ডাইং আৰ্ট নামৰ এখন ই.পি. মুক্তি দিয়াৰ কথা ঘোষণা কৰে,^৩১ যি ২০২৫ চনৰ ২০ জুনত মুক্তি পায়।^৩২

ব্যক্তিগত জীৱন

২০২৪ চনৰ ২৪ ফেব্ৰুৱাৰীত ডনেলীয়ে নিশ্চিত কৰে যে তেওঁ আমেৰিকান অভিনেতা তথা দ্য ৱিনচেষ্টাৰছৰ সহ অভিনেতা ড্ৰেক ৰ’জাৰৰ সৈতে সম্পৰ্কত আছে।^৩৩

চলচ্চিত্ৰসূচী

চলচ্চিত্ৰ

টেলিভিছন