মাৰ্জাৰী গডফ্ৰে

মাৰ্জাৰী গডফ্ৰে (Marjorie Godfrey, ২৯ মাৰ্চ ১৯১৯ – ২৭ অক্টোবৰ ২০০৩) পঞ্চম লোকসভা আৰু অন্ধ্ৰ প্ৰদেশ বিধানসভাৰ এগৰাকী এংলো-ভাৰতীয় মনোনীত সদস্য আছিল।

আৰম্ভণিৰ জীৱন

১৯১৯ চনৰ ২৯ মাৰ্চত হাইদৰাবাদ, অন্ধ্ৰপ্ৰদেশতমাৰ্জাৰীৰ জন্ম হৈছিল৷ তেওঁ অছমানিয়া বিশ্ববিদ্যালয়ৰ পৰা কলাৰ স্নাতক ডিগ্ৰী লাভ কৰে।^১

কৰ্মজীৱন

এগৰাকী শিক্ষাবিদ হিচাপে গডফ্ৰেই ১৭ বছৰ ধৰি পৰীক্ষা আৰু নিৰ্বাচনৰ ভাৰপ্ৰাপ্ত অধীক্ষক হিচাপে কাম কৰিছিল।^২ তেওঁ হায়দৰাবাদৰ দ্য কেথলিক এছ'চিয়েচন প্ৰতিষ্ঠা কৰিছিল।^৩ তেওঁ পঞ্চম লোকসভাৰ বাবে মনোনীত হোৱা দুগৰাকী এংলো-ইণ্ডিয়ান সদস্যৰ ভিতৰত অন্যতম আছিল৷ তেওঁ ১৯৭১ চনত মনোনয়ন পাইছিল।^৪ ইয়াৰ পূৰ্বে তেওঁ চাৰি বছৰ ধৰি অন্ধ্ৰ প্ৰদেশ বিধানসভাৰ মনোনীত সদস্য আৰু সৰ্বভাৰতীয় এংলো-ইণ্ডিয়ান সংস্থাৰ উপ-সভাপতি আছিল।^২

গডফ্ৰেই কেন্দ্ৰীয় সমাজ কল্যাণ পৰামৰ্শদাতা পৰিষদতো কাৰ্যনিৰ্বাহ কৰিছিল আৰু এংলো-ইণ্ডিয়ান শিক্ষাৰ আন্তঃৰাজ্যিক ব’ৰ্ডত অন্ধ্ৰপ্ৰদেশক প্ৰতিনিধিত্ব কৰিছিল।^১

ব্যক্তিগত জীৱন

১৯৪৯ চনৰ ১০ জানুৱাৰীত মাৰ্জাৰীৰ এলেন গডফ্ৰেৰ সৈতে বিবাহ হয়। দম্পতীটোৰ দুটা সন্তান আছিল।^১ ২০০৩ চনৰ ২৭ অক্টোবৰত তেওঁৰ মৃত্যু হয়৷ মৃত্যুৰ কাৰণ হৃদযন্ত্ৰৰ প্ৰক্ৰিয়া বন্ধ হৈ তেওঁ মৃত্যুমুখত পৰিছিল৷ তেওঁৰ মৃত্যুত অন্ধ্ৰ প্ৰদেশ কাউন্সিল অৱ চাৰ্চ আৰু দ্য কেথলিক এছ'চিয়েচন অৱ হায়দৰাবাদে শোক প্ৰকাশ কৰে।^৩

তেওঁৰ কন্যা ডেলা গডফ্ৰেও অন্ধ্ৰ প্ৰদেশ ৰাজ্যিক বিধানসভাৰ মনোনীত সদস্য আছিল।^৩