মাগুনটা পাৰ্বথাম্মা

মাগুনটা পাৰ্বতী সুব্ৰম্মা ৰেড্ডী (Magunta Parvathi Subramma Reddy, ২৭ জুলাই ১৯৪৭ – ২৫ ছেপ্টেম্বৰ ২০২৪) সাধাৰণতে মাগুনটা পাৰ্বথাম্মা নামেৰে জনাজাত৷ তেওঁ অন্ধ্ৰ প্ৰদেশৰ ভাৰতীয় জাতীয় কংগ্ৰেছৰ এগৰাকী ৰাজনীতিবিদ আছিল। তেওঁ একাদশ লোকসভাৰ সদস্য হিচাপে ২০০৪ চনৰ অন্ধ্ৰপ্ৰদেশ বিধানসভাৰ নিৰ্বাচনত জয়ী হৈছিল।

প্ৰাথমিক জীৱন

১৯৪৭ চনৰ ২৭ জুলাইত নেল্লোৰ জিলাৰ বুচিৰেড্ডিপালেমত বেজাৱাদা ৰামা ৰেড্ডী আৰু তেওঁৰ পত্নীৰ ঘৰত মাগুনটা পাৰ্বথাম্মাৰ জন্ম হৈছিল৷ তেওঁ কস্তুৰী দেৱী ছোৱালী স্কুলৰ পৰাই স্কুলীয়া শিক্ষা গ্ৰহণ কৰিছিল।^১

কৰ্মজীৱন

১৯৯৬ চনৰ ভাৰতীয় সাধাৰণ নিৰ্বাচনৰ বাবে ভাৰতীয় জাতীয় কংগ্ৰেছে পাৰ্বথাম্মাক অংগোলেৰ পৰা প্ৰাৰ্থী হিচাপে লৈছিল। তেওঁ ৩,৮১,৪৭৫ টা ভোট লাভ কৰাৰ বিপৰীতে তেলেগু দেশম পাৰ্টিৰ (টিডিপি) নিকটতম প্ৰতিদ্বন্দ্বী মেকাপতি ৰাজামোহন ৰেড্ডীয়ে ৩,৩১,৪১৫ টা ভোট লাভ কৰে।^২ এই আসনখন জয় কৰাৰ পিছত তেওঁ ১১ নং লোকসভাৰ সদস্য হয়।.^১ ২০০৪ চনৰ অন্ধ্ৰপ্ৰদেশ বিধানসভা নিৰ্বাচনৰ সময়ত তেওঁ কাৱালীৰ পৰা জয়লাভ কৰি মুঠ ভোটৰ ৫৭.৬৮% লাভ কৰে।^৩২০১২ চনৰ অন্ধ্ৰপ্ৰদেশৰ উপ-নিৰ্বাচনৰ সময়ত পাৰ্বথাম্মা অংগোলে বিধানসভাৰ আসনৰ অন্যতম প্ৰতিদ্বন্দ্বী আছিল।^৪তেওঁ পাৰ্ল ডিষ্টিলেৰীৰ পৰিচালক আছিল।^৫

ব্যক্তিগত জীৱন আৰু মৃত্যু

১৯৬৭ চনৰ ১৯ ফেব্ৰুৱাৰীত ৰাজনীতিবিদ মাগুনটা চুব্বাৰামা ৰেড্ডীৰ সৈতে তেওঁ বিবাহপাশত আবদ্ধ হয়। তেওঁলোকৰ দুটা সন্তানৰ জন্ম হয়।^১১৯৯৫ চনত পিপলছ ৱাৰ গ্ৰুপৰ সদস্যসকলে ৰেডীক গুলীয়াই হত্যা কৰে।^৬

২০২৪ চনৰ ২৫ ছেপ্টেম্বৰত ৭৭ বছৰ বয়সত পাৰ্বথাম্মাৰ মৃত্যু হয়।^৭