মমতী চাৰী

মমতী চাৰী (ইংৰাজী ভাষা: Mamathi Chari; জন্ম ২১ ডিচেম্বৰ ১৯৭৮) এগৰাকী ভাৰতীয় ৰেডিঅ' জকী, টেলিভিছন ব্যক্তিত্ব আৰু অভিনেত্ৰী যিয়ে মূলতঃ তামিল চলচ্চিত্ৰ আৰু টেলিভিছন অনুষ্ঠানত অভিনয় কৰে।^১ তেওঁ টেলিভিছন অনুষ্ঠান ৱানাক্কাম তামিঝাৰ আঁত ধৰিছিল আৰু ধাৰাবাহিক বাণী ৰাণীত অভিনেত্ৰী হিচাপে কাম কৰিছিল।^২৩

ব্যক্তিগত জীৱন

মমতীৰ জন্ম ১৯৭৮ চনৰ ২১ ডিচেম্বৰত তামিলনাডুৰ চেন্নাইত হৈছিল। তেওঁ ছেক্ৰেড হাৰ্ট মেট্ৰিকুলেচন হায়াৰ চেকেণ্ডাৰী স্কুলত পঢ়া-শুনা কৰিছিল আৰু পিছলৈ আই.পি. পাভলভত নামভৰ্তি কৰি চিকিৎসা বিজ্ঞানৰ স্নাতক ডিগ্ৰী লাভ কৰিছিল।^৪ বিবাহ বিচ্ছেদৰ পিছত তেওঁ মনোৰঞ্জন জগতৰপৰা বিৰতি লৈ এগৰাকী ব্যৱসায়ী মহিলা হিচাপে কাম আৰম্ভ কৰে।^৫ ২০১৭ চনত তেওঁ পুনৰ চৰ্চালৈ আহে। অৱশ্যে ২০২০ চনত তেওঁ ঘোষণা কৰে যে তেওঁ স্থায়ীভাৱে টেলিভিছন উদ্যোগ ত্যাগ কৰিব আৰু চিকিৎসা বিদ্যালয়ত মনোনিৱেশ কৰিব।^৬৭

কেৰিয়াৰ

মমতীয়ে ৰাজ টিভিত এংকৰ হিচাপে নিজৰ কেৰিয়াৰ আৰম্ভ কৰিছিল।^৪ বিভিন্ন টেলিভিছন অনুষ্ঠানত ঘোষিকা হিচাপে কাম কৰাৰ পূৰ্বে তেওঁ ২০০৭ চনত বিগ এফ.এমৰ বিগ ৱানাক্কামৰ বাবে এগৰাকী আৰ.জে হিচাপে কাম কৰিছিল।^২ ২০১৩ চনত চান টিভিত সম্প্ৰচাৰিত ধাৰাবাহিক বাণী ৰাণীৰ জৰিয়তে তেওঁ অভিনয় জীৱনৰ পাতনি মেলে। ইয়াত তেওঁ কোকিলা স্বামীনাথন আৰু জেচি নামৰ দুটা বিৰোধী (খলনায়িকা) চৰিত্ৰত দ্বৈত অভিনয় কৰিছিল। পিছলৈ তেওঁ চান টিভিত সম্প্ৰচাৰিত টেলিভিছন শ্ব’ ৱানাক্কাম তামিঝাত ৰেডিঅ’ জকী হিচাপে কাম কৰে। ২০১৮ চনত তেওঁ ষ্টাৰ বিজয়ত সম্প্ৰচাৰিত ৰিয়েলিটি শ্ব’ বিগ বছ (তামিল ছিজন ২)ত এগৰাকী প্ৰতিযোগী হিচাপে অংশগ্ৰহণ কৰিছিল, অৱশ্যে প্ৰদৰ্শনৰ ১৪ দিনত তেওঁক ঘৰৰপৰা বহিষ্কাৰ কৰা হয়। অনুষ্ঠানটোৰপৰা বিদায় লোৱাৰ পাছত তেওঁ ২০২০ চনত টাইম এন্না বছ! ? নামৰ মিনি ৱেব ছিৰিজত অভিনয় কৰে।^৮

২০২২ চনত তেওঁ ২ বছৰৰ বিৰতিৰ পিছত পুনৰ উভতি অহাৰ কথা ঘোষণা কৰে আৰু অজিত কুমাৰ তথা মঞ্জু ৱাৰিয়াৰৰ সৈতে মুক্তি পাবলগীয়া ছবি থুনিভুত এক সহযোগী চৰিত্ৰত অভিনয়ৰ বাবে চুক্তিবদ্ধ হয়।^৯

চলচ্চিত্ৰপঞ্জী

ৱেব ছিৰিজ

টেলিভিছন