মনোজ চৰকাৰ

মনোজ চৰকাৰ (Manoj Sarkar) হৈছে এজন ভাৰতীয় পেছাদাৰী পেৰা-বেডমিণ্টন খেলুৱৈ। পুৰুষৰ একক এছএল৩ প্ৰতিযোগিতাত তেওঁ ২০১৭ বিডব্লিউএফ পেৰা-বেডমিণ্টন বিশ্ব চেম্পিয়নশ্বিপত ৰূপৰ পদক আৰু টকিঅ' ২০২০ গ্ৰীষ্মকালীন পেৰালিম্পিকত ব্ৰঞ্জৰ পদক অৰ্জন কৰে।^১ ২০১৮ চনত ভাৰত চৰকাৰে তেওঁক অৰ্জুন বঁটা প্ৰদান কৰে।^২

প্ৰাৰম্ভিক জীৱন

এবছৰ বয়সত ভুল চিকিৎসাৰ ফলত পিপিআৰপি নিম্ন অঙ্গ (ভৰি)-ৰ বিকলাংগতাত ভুগে। তেওঁ এক সাধাৰণ পৰিয়ালৰ পৰা আহিছে আৰু তেওঁৰ দুজন সহোদৰ আছে।

কেৰিয়াৰ

মনোজে আন্তঃৰাষ্ট্ৰীয় প্ৰতিযোগিতা বহু সংখ্যক পদক লাভ কৰিছে। ২০১৭ চনৰ থাইলেণ্ড পেৰা-বেডমিণ্টন আন্তঃৰাষ্ট্ৰীয় প্ৰতিযোগিতাত পুৰুষৰ এককত ৰূপৰ পদক, ২০১৭ উগাণ্ডা পেৰা-বেডমিণ্টন আন্তঃৰাষ্ট্ৰীয় প্ৰতিযোগিতাত স্বৰ্ণ পদক,^৩ ২০১৬ আইৰিছ পেৰা-বেডমিণ্টন আন্তঃৰাষ্ট্ৰীয়ত ৰূপৰ পদক^৪ আৰু ২০১৫ বিডব্লিউএফ পেৰা-বেডমিণ্ট বিশ্ব চেম্পিয়নশ্বিপত পুৰুষৰ দ্বৈত প্ৰতিযোগিতাত স্বৰ্ণ পদক লাভ কৰে।^৫ তেওঁ ২০১৮ চনৰ মে' মাহত তুৰস্ক পেৰা-বেডমিণ্টন আন্তঃৰাষ্ট্ৰীয় চেম্পিয়নশ্বিপতো স্বৰ্ণ পদক অৰ্জন কৰিছিল।^৬

২০২১ চনত জাপানত অনুষ্ঠিত টকিঅ' ২০২০ গ্ৰীষ্মকালীন পেৰালিম্পিকত তেওঁ পুৰুষৰ একক এছএল৩ বেডমিণ্টন প্ৰতিযোগিতাত ব্ৰঞ্জৰ পদক অৰ্জন কৰে।^১ ছেমিফাইনেলত যুক্তৰাজ্যৰ ডেনিয়েল বেথেলৰ হাতত ০–২ (৮–২১, ১০–২১) ব্যৱধানত পৰাস্ত হোৱাৰ পাছত ব্ৰঞ্জৰ পদকৰ বাবে খেলা খেলত তেওঁ জাপানৰ ডাইচুকে ফুজিহাৰাক ২–০ (২২–২০, ২১–১৩)-ত পৰাজিত কৰি ব্ৰঞ্জৰ পদক লাভ কৰে।^৭ একেটা শাখাতে ভাৰতৰ প্ৰমোদ ভগতে স্বৰ্ণ পদক লাভ কৰে।^১

বঁটা আৰু সন্মান

• ভাৰত চৰকাৰৰ দ্বাৰা ২০১৮ অৰ্জুন বঁটা^২