মধুশ্ৰী দত্ত

মধুশ্ৰী দত্ত এগৰাকী ভাৰতীয় চলচ্চিত্ৰ নিৰ্মাতা, লেখিকা আৰু কিউৰেটৰ।

জীৱন আৰু শিক্ষা

মধুশ্ৰী দত্তৰ জন্ম উদ্যোগিক চহৰ জামছেদপুৰত, বৰ্তমানৰ ঝাৰখণ্ড (তেতিয়া বিহাৰ) ৰাজ্যত হৈছিল। তেওঁ কলিকতাৰ যাদৱপুৰ বিশ্ববিদ্যালয়ত অৰ্থনীতি অধ্যয়ন কৰে আৰু নতুন দিল্লীৰ ৰাষ্ট্ৰীয় নাট্য বিদ্যালয়ত নাট্যশিক্ষা গ্ৰহণ কৰে।^১ ১৯৮৭ চনত তেওঁ নিজৰ কাৰ্যক্ষেত্ৰ মুম্বাইলৈ স্থানান্তৰ কৰে (১৯৮৭ চনত মুম্বাইৰ নাম বোম্বাই আছিল)।^১

দত্তই বাৰ্লিন আন্তঃৰাষ্ট্ৰীয় চলচ্চিত্ৰ উৎসৱ (বাৰ্লিনালে)ত জুৰি সদস্য হিচাপে দায়িত্ব পালন কৰিছে; ^২ ২০০৬ চনত ক’ল’নৰ ফেমিনালে: আন্তঃৰাষ্ট্ৰীয় নাৰী চলচ্চিত্ৰ উৎসৱত; ^৩ ২০০১ চনত ছেণ্ট পিটাৰ্সবাৰ্গৰ মেছেজ টু মেন আন্তঃৰাষ্ট্ৰীয় তথ্যচিত্ৰ উৎসৱত; ^৪ আৰু ২০০৯ চনত কেৰালাৰ আন্তঃৰাষ্ট্ৰীয় তথ্যচিত্ৰ আৰু চুটি চলচ্চিত্ৰ উৎসৱত জুৰি অধ্যক্ষ হিচাপে কাৰ্যনিৰ্বাহ কৰে।^৫ ২০১৪ চনত তেওঁ চাইন্স ডিজিটেল ভিডিঅ’ উৎসৱতো দায়িত্ব পালন কৰে।^১

তেওঁৰ ৰেট্ৰ’স্পেক্টিভ অনুষ্ঠানসমূহ ২০১৮ চনত মুম্বাই আন্তঃৰাষ্ট্ৰীয় তথ্যচিত্ৰ উৎসৱত অনুষ্ঠিত হৈছিল; ^৬ ২০০৮ চনত দিল্লীৰ পাৰ্সিষ্টেন্স ৰেজিষ্টেন্স চলচ্চিত্ৰ উৎসৱত; ২০০৭ চনত মাদুৰাই চলচ্চিত্ৰ উৎসৱত; আৰু ২০০১ চনত বাৰ্লিনৰ এন.জি.বি.কে. গেলাৰীত অনুষ্ঠিত হৈছিল।^১

বৰ্তমান তেওঁ জাৰ্মানীৰ ক’ল’ন চহৰত বাস কৰে। ২০১৮ চনৰপৰা তেওঁ ক’ল’নৰ “আকাডেমি দেৰ কুন্ষ্টে দেৰ ভেল্ট”ৰ শিল্প-নিৰ্দেশক হিচাপে যোগদান কৰে।^১

কেৰালাত অনুষ্ঠিত ১২তম আন্তঃৰাষ্ট্ৰীয় তথ্যচিত্ৰ আৰু চুটি চলচ্চিত্ৰ উৎসৱ (আই.ডি.এস.এফ.এফ.কে.) উপলক্ষ্যে তেওঁ তথ্যচিত্ৰ ক্ষেত্ৰত জীৱনকাল সাফল্য বঁটা লাভৰ বাবে নিৰ্বাচিত হৈছিল।^৫

প্ৰকাশনা

• প্ৰজেক্ট চিত্ৰনগৰ — কৌশিক ভৌমিক আৰু ৰোহন শিৱকুমাৰৰ সৈতে সহ-সম্পাদনা, তুলিকা বুকছ, ২০১৩ / কলম্বিয়া ইউনিভাৰ্চিটি প্ৰেছ।^৭
• ডেটছ.ছাইটছ: বোম্বাই / মুম্বাই — শিল্পী শিল্পা গুপ্তাৰ সৈতে যৌথ পৰিকল্পনা, তুলিকা বুকছ / কলম্বিয়া ইউনিভাৰ্চিটি প্ৰেছ, ২০১২; ২০শ শতিকাৰ জনসাধাৰণৰ সাংস্কৃতিক ইতিহাসৰ এক গ্ৰাফিক টাইমলাইন।^৮
• দ্য নেচন, দ্য ষ্টেট এণ্ড ইণ্ডিয়ান আইডেণ্টিটি — ফ্লাভিয়া আগ্নেছ আৰু নীৰা আদাৰকাৰৰ সৈতে সহ-সম্পাদনা, ১৯৯৬; ১৯৯২ চনৰ ডিচেম্বৰ মাহত বাবৰি মছজিদ ভাঙনিৰ প্ৰেক্ষাপটত ৰচিত প্ৰবন্ধ সংকলন।^৯
• কীৱাৰ্ডিং: নোটছ অন এনকালচুৰেচন অৱ ৱৰ্ডছ এণ্ড ৱৰ্ড প্ৰেক্টিছ উইদিন দ্য ইমেজ আৰ্কাইভ — বাৰ্লিন-ভিত্তিক শিল্পী ইনে’ছ শাবাৰৰ সৈতে; আৰ্ছেনাল ইনষ্টিটিউট ফৰ চলচ্চিত্ৰ আৰু ভিডিঅ’ কলাৰ ৫০বছৰীয়া উদ্‌যাপনৰ অংশ হিচাপে লিভিং আৰ্কাইভ প্ৰকল্পৰ অন্তৰ্গত এক প্ৰকাশনা।^১০
• নতুন আৰু বৈপ্লৱিক আখ্যানৰ সন্ধানত দত্তে শিল্পী শিল্পা গুপ্তাৰ সৈতে সহযোগিতাত স্পাইচ এডভেঞ্চাৰ্ছ নামৰ জনপ্ৰিয় চিডি-ৰম খেলো প্ৰস্তুত কৰে।^১১ এই আন্তঃক্ৰিয়াশীল আখ্যানটোৱে খেল আৰু এনিমেচনৰ জৰিয়তে ভাৰতীয় ৰন্ধনপ্ৰণালীৰ গোপন ইতিহাস উন্মোচিত কৰে—বিশ্বৰ বিভিন্ন ঠাইৰপৰা ভাৰতলৈ আগমন কৰা মচলাৰ কাহিনী।

বঁটা আৰু সন্মান

• ১৯৯৬, ২০০১ — ৰাষ্ট্ৰীয় চলচ্চিত্ৰ বঁটা (ভাৰত)
• ১৯৯৫ — আন্তঃৰাষ্ট্ৰীয় ভিডিঅ’ উৎসৱত দ্বিতীয় শ্ৰেষ্ঠ চলচ্চিত্ৰ বঁটা
• ১৯৯৮ — শ্ৰেষ্ঠ জনসেৱা বিজ্ঞাপন বঁটা
• ২০০১ — শাংহাই আন্তঃৰাষ্ট্ৰীয় চলচ্চিত্ৰ উৎসৱত শ্ৰেষ্ঠ চিত্ৰনাট্য বঁটা
• ২০০১ — আই.ডি.পি.এ. বঁটা (শ্ৰেষ্ঠ কানাড়া আৰু শ্ৰেষ্ঠ বাংলা চলচ্চিত্ৰ)
• ২০০৫ — এইচ.আই.ভি.ও.এছ. সংস্কৃতি বঁটা (এছিয়া অঞ্চল)
• ২০০৭ — ফিল্ম চাউথ এছিয়াত বিশেষ জুৰি বঁটা
• ২০১২ — জন আব্ৰাহাম শ্ৰেষ্ঠ তথ্যচিত্ৰ বঁটা (প্ৰযোজক হিচাপে)
• ২০১৯ — ক’ল’নৰ সংস্কৃতি বঁটা “বছৰৰ সাংস্কৃতিক ব্যৱস্থাপক”
• জীৱনকাল সাফল্য বঁটা — আন্তঃৰাষ্ট্ৰীয় তথ্যচিত্ৰ আৰু চুটি চলচ্চিত্ৰ উৎসৱ, কেৰালা
• আৰু বহুতো নাগৰিক সন্মান

বাহ্যিক সংযোগ

• Official Website
• https://www.researchgate.net/publication/254079080_Documentary_Acts_An_Interview_with_Madhusree_Dutta www.uctv.tv/shows/7-Islands-a-Metro-with-Directo www.india-seminar.com/2014/657/657_mad Official Website of Majlis, Cultural Center

Research Gate: an interview about Madhusree Duttas documentary work

• University of California: Interview about "7 Islands and a Metro"
• Junoon - A Stage for Theatre: Interview & Artist Talk (video)
• Indian Seminar: Popular cinema and public culture in Bombay
• Newsclick Production: "Film as a Medium for Social Change" (article & video)
• Urban Lens Film Festival 2016: "Manufactured Realities: Triumph of the Film" (panel discussion, video)