মণিকৰ্ণিকা: দ্য কুইন অফ ঝান্সী

মণিকৰ্ণিকা: দ্য কুইন অফ ঝান্সী ' ( Manikarnika: The Queen of Jhansi) ২০১৯ চনৰ ভাৰতীয় হিন্দী ভাষাৰ এখন মহাকাব্যিক ঐতিহাসিক জীৱনীমূলক একচন নাট্যধৰ্মী ছবি।^১ এইখন ঝান্সীৰ ৰাণী লক্ষ্মীবাইৰ জীৱনৰ আধাৰত নিৰ্মিত।^২ পৰিচালনা কৰিছে কৃষ্ণ জাগৰলামুদী আৰু কংগনা ৰানাৱতে। চিত্ৰনাট্য ভি বিজয়েন্দ্ৰ প্ৰসাদৰ। প্ৰযোজনা কৰিছে জী ষ্টুডিঅ'ই। ৰানাৱতে পৰিচালনাৰ উপৰিও শিৰোনাম চৰিত্ৰতো অভিনয় কৰিছে।^৩

মণিকৰ্ণিকা ২০১৯ চনৰ ২৫ জানুৱাৰীত বিশ্বৰ ৫০খন দেশৰ ৩৭০০খন পৰ্দাত মুক্তি পাইছিল।^৪ ছবিখনে আন্তঃৰাষ্ট্ৰীয় পৰ্যায়ত আৰু ভাৰতৰ ছবিগৃহত মধ্যমীয়া প্ৰদৰ্শন কৰিছিল। ভাৰতৰ মহিলা পৰিচালিত ছবি হিচাপে এই ছবিখনে প্ৰথম সপ্তাহত সৰ্বাধিক সংগ্ৰহৰ অভিলেখ গঢ়িছে।^৫ ২০২০ চনৰ জানুৱাৰী মাহত জাপানৰ সৰ্বোচ্চ ভাৰতীয় অ’পেনাৰ ছবি হিচাপে পৰিগণিত হয়।^৬ ভাৰতৰ মহিলাকেন্দ্ৰিক ছবিসমূহৰ ভিতৰত ই অন্যতম সৰ্বাধিক উপাৰ্জনকাৰী ছবি।^৭

ছবিখনে সমালোচকৰ ইতিবাচক সঁহাৰি পায়।^৮ এইখনক বুচেন আন্তঃৰাষ্ট্ৰীয় ফেণ্টাষ্টিক ফিল্ম মহোৎসৱৰ বাবে নিৰ্বাচিত কৰা হৈছিল।^৯ ৰাণী লক্ষ্মীবাইৰ চৰিত্ৰত ৰাণাউতে ৬৭তম ৰাষ্ট্ৰীয় চলচ্চিত্ৰ বঁটাত শ্ৰেষ্ঠ অভিনেত্ৰীৰ বঁটা লাভ কৰাৰ উপৰিও সমালোচকৰ ব্যাপক প্ৰশংসা পায়।^১০

বাহ্যিক সংযোগ

• Manikarnika: The Queen of Jhansi on বলিউড হাংগামা