বেজবৰুৱা-বিষয়ক ৰচনাপঞ্জী

বেজবৰুৱা-বিষয়ক ৰচনাপঞ্জী (২੦১৩, ইংৰাজী: Bezbaroa-Bishayak Rachanapanji) লক্ষ্মীনাথ বেজবৰুৱাৰ বিষয়ে বিভিন্নজনে লিখা ৰচনা আৰু গ্ৰন্থৰ লগতে বেজবৰুৱাই নিজে লিখা ৰচনা আৰু গ্ৰন্থৰ পঞ্জী৷ গ্ৰন্থখনৰ সম্পাদক নগেন শইকীয়া৷ প্ৰকাশক ডিব্ৰুগড় বিশ্ববিদ্যালয়ৰ প্ৰকাশন শাখা৷^১

বিষয়বস্তু

গ্ৰন্থখনত আধুনিক অসমীয়া ভাষা-সাহিত্যৰ ক্ষেত্ৰখনৰ এক প্ৰভাৱশালী ব্যক্তিত্ব লক্ষ্মীনাথ বেজবৰুৱা(১৮৬৪-১৯৩৮)ৰ জীৱন আৰু সাহিত্যকৃতিৰ বিষয়ে বিভিন্নজনে লিখা ৰচনা আৰু গ্ৰন্থৰ এখন তালিকা সন্নিৱিষ্ট হৈছে৷ লগতে পৰিশিষ্টত বেজবৰুৱাই নিজে লিখা ৰচনা আৰু গ্ৰন্থসমূহৰ পঞ্জী সন্নিৱিষ্ট কৰা হৈছে৷ গ্ৰন্থখনৰ মূল অংশটো চাৰিটা ভাগত সজোৱা হৈছে৷ সেয়া হ’ল: ‘বেজবৰুৱা-বিষয়ক গ্ৰন্থপঞ্জী’, ‘বেজবৰুৱা-বিষয়ক ৰচনাপঞ্জী (সম্পাদিত গ্ৰন্থত সন্নিৱিষ্ট)’, ‘বেজবৰুৱা-বিষয়ক ৰচনাপঞ্জী (কাকত-আলোচনী-গ্ৰন্থত প্ৰকাশিত)’, ‘বেজবৰুৱাক কেন্দ্ৰ কৰি ৰচিত গ্ৰন্থপঞ্জী’, ‘বেজবৰুৱাৰ ৰচনাশৈলীৰ আৰ্হিত ৰচিত গ্ৰন্থপঞ্জী’ আৰু ‘বেজবৰুৱা-বিষয়ক পিএইচ-ডি গৱেষণাপত্ৰ’৷ গ্ৰন্থখনৰ আগকথা লিখিছে ডিব্ৰুগড় বিশ্ববিদল্যায়ৰ তদানীন্তন উপাচাৰ্য অলক কুমাৰ বুঢ়াগোঁহায়ে৷ নিজৰ পাতনিত সম্পাদক নগেন শইকীয়াই কোৱা অনুসৰি অসমীয়া ভাষাত বেজবৰুৱাৰ ৰচনাপঞ্জী বিষয়ক এইখনেই প্ৰথম গ্ৰন্থ৷^১

প্ৰকাশন ইতিহাস

গ্ৰন্থখন ২੦১৩ চনত ডিব্ৰুগড় বিশ্ববিদল্যায়ৰ প্ৰকাশন শাখাই লক্ষ্মীনাথ বেজবৰুৱাৰ ডেৰশ বছৰীয়া জন্ম জয়ন্তী উপলক্ষে গ্ৰন্থখন প্ৰকাশ কৰে৷^১ ২੦১২ চনত স্থাপিত প্ৰকাশন শাখাটোৱে প্ৰকাশ কৰা এইখনেই প্ৰথম গ্ৰন্থ৷^১