বিশ্বজিৎ বৰা

বিশ্বজিৎ বৰা (Biswajeet Bora; জন্ম: ৮ আগষ্ট ১৯৭৯) এগৰাকী ভাৰতীয় চলচ্চিত্ৰ পৰিচালক, প্ৰযোজক, লেখক তথা সম্পাদক। নিৰ্মাণৰ সময়ত কাৰ্বন নিৰপেক্ষ ভাৰতৰ প্ৰথমখন ছবি ২০১৫ চনত মুক্তিলাভ কৰা 'এইচা হে জাহান'ৰ জৰিয়তে তেওঁ পৰিচালক হিচাপে প্ৰথমবাৰৰ বাবে আত্মপ্ৰকাশ কৰিছিল।^১২ তেওঁৰ 'বেলকনিত ভগৱান'(২০২০) ছবিখনে ২৬ সংখ্যক কলকাতা আন্তঃৰাষ্ট্ৰীয় চলচ্চিত্ৰ মহোৎসৱত শ্ৰেষ্ঠ পৰিচালকৰ ৰয়েল বেংগল টাইগাৰ ট্ৰফী আৰু ভাৰতীয় চলচ্চিত্ৰ মহোৎসৱ ষ্টুটগাৰ্টত জাৰ্মান তাৰকাকে ধৰি ৯টা বঁটা লাভ কৰে।^৩ ২০২২ চনৰ কাঁ চলচ্চিত্ৰ মহোৎসৱৰ সময়ত মাৰ্চে ডু ফিল্মত প্ৰদৰ্শিত ছখন ভাৰতীয় ছবিৰ ভিতৰত তেওঁৰ বুম্বা ৰাইড (২০২১) অন্যতম আছিল।^৪৫

প্ৰাৰম্ভিক জীৱন আৰু শিক্ষা

১৯৭৯ চনৰ ৮ আগষ্ট তাৰিখে অসমৰ গোলাঘাট জিলাৰ ১ নং শেনচোৱা গাঁৱত বিশ্বজিৎ বৰাৰ জন্ম হৈছিল। তেওঁৰ পিতৃৰ নাম পূৰ্ণ চন্দ্ৰ বৰা আৰু মাতৃ মঞ্জু বৰা।^৬৭ ১৬ বছৰ বয়সতে তেওঁ অপেছাদাৰী নাটকত অভিনয় কৰিবলৈ আৰম্ভ কৰিছিল।^২ তাৰপিছত তেওঁ গোলাঘাটৰ এভাৰগ্ৰীণ ড্ৰামা এণ্ড ফিল্ম ইনষ্টিটিউটত নামভৰ্তি কৰে। তেওঁ যুদ্ধ কলাৰ চৰ্চাও আৰম্ভ কৰি ১৯৯৯ চনত ব্লেক বেল্ট লাভ কৰে। পিছলৈ বৰাই নিজৰ মনোযোগ অসমীয়া বাতৰি কাকতত চলচ্চিত্ৰৰ বিষয়ে লিখাৰ লগতে নাটক পৰিচালনাৰ দিশলৈ স্থানান্তৰিত কৰে। ২০০১ চনত গোলাঘাট বাণিজ্য মহাবিদ্যালয়ৰ পৰা অসমীয়া সাহিত্যৰ ডিগ্ৰী লাভ কৰে তাৰ পিছত মুম্বাইলৈ গৈ চলচ্চিত্ৰ সম্পাদনাৰ কাম আৰম্ভ কৰে।^২

কৰ্মজীৱন

মুম্বাইত বৰাই চলচ্চিত্ৰ সম্পাদক^২ হিচাপে কাম কৰাৰ আগতে 'এজাক জোনাকীৰ জিলমিল'ত (২০০৭) ধৰি কেইবাটাও প্ৰকল্পত সহযোগী পৰিচালক হিচাপে কাম কৰিছিল।^৮২ ২০০৯ চনত বৰাৰ তথ্যচিত্ৰ এঞ্জেল অৱ দ্য এবৰিজিনেলছ: ড° ভেৰিয়াৰ এলউইন, জাৰ্মানীৰ বলীউড বিয়ণ্ড ফিল্ম ফেষ্টিভেল আৰু তুৰস্কত অনুষ্ঠিত হোৱা আন্তৰ্জাতিক নৃতত্ত্ব আৰু নৃতাত্ত্বিক বিজ্ঞান সংঘৰ সন্মিলনত প্ৰদৰ্শিত হৈছিল।^৯৩১০ ২০১৫ চনত তেওঁ 'এইছা য়েহ জাহান' নামৰ ছবিখনৰ চিত্ৰগ্ৰহণ প্ৰক্ৰিয়াৰ সময়ত কাৰ্বন নিৰপেক্ষ হোৱা প্ৰথমখন ভাৰতীয় ছবি পৰিচালনা কৰে।^১১৮ ইয়াৰ পিছত তেওঁ 'বহ্নিমান' (২০১৬), ফেঁহুজালি: দ্য ডন (২০১৭), আৰু ৰক্তবীজ (২০১৮) পৰিচালনা কৰে।^৮৩ ভাৰতত ক'ভিড-১৯ বৈশ্বিক মহামাৰীৰ সময়ত বৰাই চিত্ৰগ্ৰহণ কৰা 'বেলকনিত ভগৱান'^৭ ২০২১ চনত ২৬ সংখ্যক কলকাতা আন্তঃৰাষ্ট্ৰীয় চলচ্চিত্ৰ মহোৎসৱত প্ৰদৰ্শিত হৈছিল।

বৰাৰ ছবিসমূহে কলকাতা, পুনে, ঢাকা,^১২১৩ চাংহাই, ষ্টুটগাৰ্ট, নিউয়ৰ্ক, কেৰালা, বাৰ্চিলোনা,^১৪ মেলবৰ্ণ, ছান ফ্ৰান্সিস্কো,বেংগালুৰু, ৱাশ্বিংটন ডি চি, ৰাজস্থান, গুৱাহাটী^১৫ আৰু দিল্লী আদি চলচ্চিত্ৰ মহোৎসৱত প্ৰদৰ্শিত হৈছে।^১৬ ইয়াৰ লগতে ভাৰতৰ আন্তঃৰাষ্ট্ৰীয় চলচ্চিত্ৰ মহোৎসৱৰ ভাৰতীয় পেনোৰামা ইমাজিন ইণ্ডিয়া আন্তঃৰাষ্ট্ৰীয় চলচ্চিত্ৰ মহোৎসৱ,^১৭ থাৰ্ড আই এছিয়ান চলচ্চিত্ৰ মহোৎসৱ, ৰেইনব' চলচ্চিত্ৰ মহোৎসৱ, লাছা আন্তঃৰাষ্ট্ৰীয় চলচ্চিত্ৰ মহোৎসৱ, জাগৰণ চলচ্চিত্ৰ মহোৎসৱ আদিতো তেওঁৰ চলচ্চিত্ৰ প্ৰদৰ্শিত হৈছে।

ব্যক্তিগত জীৱন

বিশ্বজিৎ বৰা তেওঁৰ পত্নী লেখক আৰু ফেশ্বন ডিজাইনাৰ লোপামুদ্ৰা গগৈ বৰা আৰু তেওঁলোকৰ একমাত্ৰ পুত্ৰ ট্ৰয়ৰ সৈতে মুম্বাইত বসবাস কৰে।^১৮

বঁটা আৰু সন্মান

চলচ্চিত্ৰপঞ্জী