বিবিচি বাংলা

বিবিচি নিউজ বাংলা (BBC News Bangla) হৈছে বিবিচি ৱৰ্ল্ড চাৰ্ভিচৰ বঙালী ভাষা ভাষাৰ সেৱা। ১৯৪১ চনত ইয়াক বিশ্বজুৰি বংলা ভাষী শ্ৰোতাসকলৰ বাবে আৰম্ভ কৰা হৈছিল, বিশেষকৈ বংগ অঞ্চলৰ, য’ত বাংলাদেশ আৰু ভাৰতৰ পশ্চিমবংগ আৰু ত্ৰিপুৰা অন্তৰ্ভুক্ত।^১ এই চেনেলটোৱে ভাৰত, বাংলাদেশ আৰু বিশ্বৰ প্ৰাসংগিক ৰাজনীতি, সমাজ, অৰ্থনীতি আৰু খেলৰ সংবাদ প্ৰচাৰ কৰে।

ইতিহাস

বিবিচি বাংলা ১১ অক্টোবৰ ১৯৪১ তাৰিখে ১৫ মিনিটৰ অনুষ্ঠানৰ সৈতে বিবিচি ৱৰ্ল্ড চাৰ্ভিচৰ অধীনত আৰম্ভ হৈছিল।^২ বিবিচি বাংলাৰ মুখ্য কাৰ্যালয় পূৰ্বে বুশ হাউচত অৱস্থিত আছিল, কিন্তু ২০১২ চনৰপৰা ব্ৰডকাষ্টিং হাউচ (লণ্ডন) তথা ঢাকা আৰু কলিকতাৰ ডিবিচি ব্যুৰোসমূহৰপৰা সম্প্ৰচাৰ কৰা হয়।^২ ২০২২ চনৰ ছেপ্টেম্বৰ মাহত বিবিচি বাংলা অৰ্থনৈতিক কাৰণত ৰেডিঅ’ সম্প্ৰচাৰ বন্ধ কৰাৰ ঘোষণা কৰে।^৩৪

৩১ ডিচেম্বৰ ২০২২ তাৰিখে, বিবিচি বাংলা ৰেডিঅ’ সম্প্ৰচাৰ ৮১ বছৰ সেৱাৰ অন্তত পৰিক্ৰমা অনুষ্ঠানৰ পাছত আনুষ্ঠানিকভাৱে বন্ধ হয়। বৰ্তমান টেলিভিছন আৰু ইণ্টাৰনেটত ইয়াৰ কাৰ্যক্ৰম চলি আছে।^৫৬

সম্প্ৰচাৰ

বিবিচি নিউজ বাংলাৰ অনুষ্ঠানসমূহ তেওঁলোকৰ ৱেবছাইট, টেলিভিছন আৰু ছ’চিয়েল মিডিয়া (ফেচবুক, ইউটিউব)ৰ জৰিয়তে সম্প্ৰচাৰ কৰা হয়।^১ বিবিচি বাংলা লক্ষাধিক বংলা ভাষীলৈ সংবাদ যোগান ধৰে। ইয়াৰ ৰেডিঅ’ আৰু অনলাইন সেৱাৰ শ্ৰোতাৰ ভিতৰত বাংলাদেশ, পশ্চিমবংগ, ত্ৰিপুৰা আৰু অসমৰ বংলা ভাষী সমাজসমূহ অন্তৰ্ভুক্ত।

কাৰ্যসূচী

বিবিচি নিউজ বাংলা প্ৰধানকৈ দৈনন্দিন সংবাদ আৰু ৰাজনৈতিক সংবাদৰ ওপৰত কেন্দ্ৰীভূত। তাৰ উপৰি বিনোদন অনুষ্ঠান, খেলৰ সংবাদ, সংবাদ বিশ্লেষণ আৰু দৈনিক বাতৰি কাকতৰ মুখ্য শীৰ্ষ-সংবাদৰ আলোচনা সম্প্ৰচাৰ কৰে।^১

এফএম ৰেডিঅ’ সম্প্ৰচাৰ

বিবিচি বাংলা ৰেডিঅ’ সম্প্ৰচাৰ ৩১ ডিচেম্বৰ ২০২২ তাৰিখে ৮১ বছৰৰ সেৱাৰ পাছত বন্ধ হৈছে।^৭

• ঢাকা - FM 100
• কলিকতা - FM 90.4
• বৰিশাল - FM 105
• কুমিল্লা - FM 103.6
• কক্স বাজাৰ - FM 100.8
• ঠাকুৰগাঁও - FM 92
• চট্টগ্ৰাম - FM 88.8
• ৰংপুৰ - FM 88.8
• ৰাজশাহী - FM 88.8
• ছিলেট - FM 88.8
• খুলনা - FM 88.8^৮

সম্প্ৰচাৰিত অনুষ্ঠান

বিবিচি বাংলাত প্ৰতি সন্ধিয়া আৰু নিশা দুটাকৈ ৩০ মিনিটৰ অনুষ্ঠান সম্প্ৰচাৰ কৰা হৈছিল। অনুষ্ঠানসমূহৰ নাম আৰু সম্প্ৰচাৰৰ সময় আছিল:

• প্ৰবাহ — জিএমটি ১৩:৩০, বাংলাদেশৰ সময় অনুসৰি সন্ধিয়া ৭:৩০ বজাত।
• পৰিক্ৰমা — জিএমটি ১৬:৩০, বাংলাদেশৰ সময় অনুসৰি নিশা ১০:৩০ বজাত।

বাংলাদেশ সংলাপ

বিবিচি বাংলাদেশ সংলাপ আছিল বিবিচি বাংলাৰ এটা লাইভ অনুষ্ঠান, যি ২০০৫ চনৰ পৰা ২০১৫ চনলৈকে চেনেল আইৰ সৈতে সম্প্ৰচাৰ কৰা হৈছিল।^৯১০ অনুষ্ঠানটোৰ মূল লক্ষ্য আছিল সাধাৰণ জনগণৰ প্ৰশ্নসমূহৰ উত্তৰ সংশ্লিষ্ট কৰ্তৃপক্ষৰপৰা লাভ কৰোৱা।^১০

বিবিচি বাংলা এছ’চিয়েট

বাংলাদেশ ৰেডিঅ'

বিবিচিয়ে ১৯৯৪ চনৰ পৰা চুক্তিৰ জৰিয়তে ঢাকাত বাংলাদেশ বেতাৰৰ এফএম ১০০ মিটাৰ বেণ্ডত প্ৰতিদিনে ১২ ঘণ্টা ধৰি বাংলা আৰু ইংৰাজী অনুষ্ঠান সম্প্ৰচাৰ কৰি আহিছিল। ২০০৮ চনত নতুন চুক্তিৰ জৰিয়তে এই কথা সম্প্ৰসাৰণ কৰা হয়।বিবিচিৰ চাৰিটা বাংলা অনুষ্ঠানৰ এফ এম বেণ্ডত চিট্টগং, খুলনা, ৰাজশাহী, চিলেট, ৰংপুৰ আৰু কমিলাত সম্প্ৰচাৰ আৰম্ভ হয়। ২০১৪ চনত ঠাকুৰগাঁও (৯২.০), বৰিছাল (১০০.৮) আৰু কক্স বজাৰ (১০০.৮) চহৰকো সংযোজন কৰা হয়।

চেনেল আই

বিবিচি বাংলা টেলিভিছনৰ কেইবাটাও অনুষ্ঠান, যেনে ‘আপোনাৰ চহৰ, আপোনাৰ প্ৰশ্ন’, চেনেল i-ৰ কাৰিকৰী সহায়ত প্ৰস্তুত কৰা হয়। বিবিচি মিডিয়া একচনৰ দ্বাৰা পৰিচালিত সাপ্তাহিক আলোচনা অনুষ্ঠান ‘বাংলাদেশ ডাইলগ’ ২০০৫ চনৰ পৰা চেনেল i-ৰ সৈতে সহযোগী প্ৰডাকচন ভিত্তিত সম্প্ৰচাৰিত হৈ আহিছে।

বাহ্যিক সংযোগ

• বিবিচি বাংলাৰ ৱেবছাইট