বিপ্লৱী (চলচ্চিত্ৰ)

বিপ্লৱী (Biplobi) ১৯৫০ চনত মুক্তি পোৱা অসিত সেন পৰিচালিত আৰু কৃষ্ণা ফিল্মচৰ বেনাৰ কালীপ্ৰসাদ বিহানীৰ দ্বাৰা প্ৰযোজিত এখন অসমীয়া কথাছবি। বিপ্লৱী আছিল পিছলৈ বঙালী আৰু হিন্দী চলচ্চিত্ৰৰ পৰিচালক হিচাপে খ্যাতি অৰ্জন কৰা পৰিচালক অসিত সেনৰ প্ৰথম ছবি। চলাচল (বঙালী), পঞ্চতপা (বঙালী), জীৱন-তৃষ্ণা (বঙালী), মমতা (হিন্দী), বিৰাজ বহু (হিন্দী) আদি হ'ল সেনে পৰিচালনা কৰা কেইখনমান প্ৰখ্যাত ছবি।^১

কাহিনী

১৯৪২ চনৰ গণ আন্দোলনৰ আধাৰত ছবিৰ কাহিনী ৰচনা কৰা হৈছিল।^১ 'বিপ্লৱী' দেশৰ বাবে আত্মত্যাগ কৰা এজন বিপ্লৱীৰ কাহিনী।^২৩

অভিনয়

• জগতচন্দ্ৰ বেজবৰুৱা
• চন্দ্ৰকান্ত ফুকন
• সাৰদাকান্ত বৰদলৈ
• অনুপমা ভট্টাচাৰ্য^১
• শিৱপ্ৰসাদ ভট্টাচাৰ্য
• সন্ধ্যা দেৱী
• চামচুল হুদা^৩

গীত

শিৱপ্ৰসাদ ভট্টাচাৰ্যই ছবিখনৰ সঙ্গীত পৰিচালনা কৰিছিল। গীত লিখিছিল ভূপেন হাজৰিকা আৰু মলিন বৰাই। গাইছিল ভূপেন হাজৰিকা, শিৱপ্ৰসাদ ভট্টাচাৰ্য আদিয়ে।^৪

গীত সংকলন ৱেবচাইটত বিপ্লৱীৰ গীত

• geetsankalan.com/albums/biplabi