প্ৰেম সিং তামাং

প্ৰেম সিং তামাং (জন্ম ৫ ফেব্ৰুৱাৰী ১৯৬৮), পি.এছ.গোলে নামেৰে বেছি পৰিচিত।^১ প্ৰেম সিং তামাং এগৰাকী ভাৰতীয় ৰাজনীতিবিদ আৰু প্ৰাক্তন শিক্ষক আৰু তেখেতে ২০১৯ চনৰ ২৭ মে’ৰপৰা ছিক্কিমৰ মুখ্যমন্ত্ৰী হিচাপে কাৰ্যনিৰ্বাহ কৰি আছে। ২০১৯ চনৰপৰা তেওঁ চিকিম ক্ৰান্তিকাৰী মৰ্চাৰ প্ৰতিষ্থাপক আৰু নেতা হিচাপে আছিল। ২০১৯ চনৰপৰা চিকিম বিধানসভাত পকলোক-কামৰাং আৰু ২০০৯ চনৰপৰা ২০১৯ চনলৈ আপাৰ বুৰ্টুক, ১৯৯৪ চনৰপৰা ২০০৯ চনলৈ চাকুঙক প্ৰতিনিধিত্ব কৰিছিল। এছ কে এম দল গঠন কৰাৰ পূৰ্বে তেওঁ ছিকিম ডেম’ক্ৰেটিক দলৰ(SDF) বিশিষ্ট সদস্য আছিল।^২৩

ব্যক্তিগত জীৱন

১৯৬৮ চনৰ ৫ ফেব্ৰুৱাৰীত নেপালী ভাষী কালু সিং তামাং আৰু ধন মায়া তামাঙৰ ঘৰত তামাঙৰ জন্ম হয়। ^২ তেওঁৰ ঘৰ পশ্চিম চিকিমৰ চিংলিং বুষ্টিত। ^৪ ১৯৮৮ চনত তেওঁ দাৰ্জিলিং চৰকাৰী মহাবিদ্যালয়ৰপৰা কলা শাখাত স্নাতক ডিগ্ৰী লাভ কৰে। স্নাতক ডিগ্ৰী লাভ কৰাৰ পাছত তেওঁ চৰকাৰী বিদ্যালয়ত শিক্ষক হিচাপে নিযুক্ত হয়। প্ৰেম সিং তামাঙে কৃষ্ণা ৰায়ৰ সৈতে বিবাহপাশত আবদ্ধ হয়। ^৫ তেওঁলোকৰ এজন পুত্ৰ আছে। তেওঁৰ পুত্ৰ ৰাজনীতিবিদ আদিত্য তামাং। পুত্ৰ আদিত্যই ছ'ৰেং-চাকুঙৰ সমষ্টিৰপৰা ছিক্কিম বিধানসভাৰ সদস্য হিচাপে নিৰ্বাচিত হৈছে। ^৬৭২০২৪ চনত নেপালী ভাষা ভাষাৰ দৈনিক 'হিমালয় দৰ্পণ'এ তামাঙক ২০২৪ চনৰ গোৰ্খা গৌৰৱ সন্মান প্ৰদান কৰে। ^৮

ৰাজনৈতিক কৰ্মজীৱন

১৯৯০ চনত ছিক্কিম চৰকাৰৰ মানৱ সম্পদ উন্নয়ন বিভাগৰ অধীনত স্নাতক শিক্ষক হিচাপে নিযুক্তি লাভ কৰি ১৯৯৩ চনলৈকে কাৰ্যনিৰ্বাহ কৰে।

সামাজিক কাম-কাজ আৰু ৰাজনীতিৰ প্ৰতি থকা সক্ৰিয় আগ্ৰহৰ বাবে তেওঁ চৰকাৰী সেৱাৰপৰা পদত্যাগ কৰি এছডিএফৰ ৰাজনৈতিক কাম-কাজত অংশগ্ৰহণ কৰিবলৈ আৰম্ভ কৰে। পশ্চিম চিকিমৰ ছ’ৰেং-চাকুং সমষ্টিৰপৰা এছডিএফৰ প্ৰাৰ্থী হিচাপে ১৯৯৪ চনত চিকিম বিধানসভালৈ নিৰ্বাচিত হয়। এছডিএফ দলৰ সৈতে জড়িত হৈ থকাৰ সময়ত তেওঁ ৰাজ্যিক যুৱ আহ্বায়ক আৰু উপ-সভাপতি হিচাপে কাৰ্যনিৰ্বাহ কৰে।

চিকিম চৰকাৰত কৰ্মজীৱন

চিকিম চৰকাৰত একেৰাহে তিনিটা কাৰ্যকাল মন্ত্ৰী হিচাপে কাৰ্যনিৰ্বাহ কৰিছিল। ১৯৯৪ চনৰপৰা ১৯৯৯ চনলৈকে পশুপালন, ধৰ্মীয় পৰিক্ৰমা আৰু উদ্যোগ মন্ত্ৰীৰ পদত অধিষ্ঠিত হোৱা তেখেতে ১৯৯৯ চনৰপৰা ২০০৪ চনলৈকে উদ্যোগ আৰু পশুপালন মন্ত্ৰী হিচাপে কাৰ্যনিৰ্বাহ কৰিছিল। ২০০৪ চনৰপৰা ২০০৯ চনলৈকে নিৰ্মাণ আৰু গৃহ নিৰ্মাণ মন্ত্ৰী হিচাপে কাৰ্যনিৰ্বাহ কৰিছিল।

২০০৯ চনত বুৰটুক সমষ্টিৰপৰা নিৰ্বাচনত জয়ী হোৱাৰ পিছত তেওঁ উদ্যোগ বিভাগৰ অধ্যক্ষ হিচাপে মনোনীত হয়। অৱশ্যে তেওঁ অধ্যক্ষৰ পদ গ্ৰহণ কৰা নাছিল। নিজাকৈ দল চিকিম ক্ৰান্তিকাৰী মৰ্চা প্ৰতিষ্ঠা কৰাৰ পাছত ২০১৪ চনত বুৰটুক সমষ্টিৰপৰা বিধায়ক হিচাপে নিৰ্বাচিত হয়।

চিকিম ক্ৰান্তিকাৰী মৰ্চা পাৰ্টি

২০০৯ চনৰ ২১ ডিচেম্বৰত চিকিমৰ কৰ্মচাৰীৰদ্বাৰা পৰিচালিত ৰোলু পিকনিক অনুষ্ঠানৰ পিছত গোলায়ে এছডিএফ দলৰ বিৰোধী বিধায়ক হৈ পৰে। শাসকীয় দলে ৰোলু পিকনিকত অংশগ্ৰহণ কৰা চৰকাৰী কৰ্মীসকলক কাৰণ দেখুৱাই জাননী আহ্বান কৰে।

এই ঘটনাৰ পিছত গোলেই ২০১৩ চনৰ ৪ ফেব্ৰুৱাৰীত পশ্চিম ছিকিমৰ ছ’ৰেঙত এছডিএফৰ বিৰোধিতা কৰা ছিকিম ক্ৰান্তিকাৰী মৰ্চা প্ৰতিষ্ঠা কৰাৰ সিদ্ধান্ত লয়। ২০১৩ চনৰ ৬ ছেপ্টেম্বৰত তেওঁ আনুষ্ঠানিকভাৱে এছডিএফ দলৰ সকলো কৰ্তব্যৰপৰা পদত্যাগ কৰি এছ কে এম দলৰ সভাপতি হয়। ২০১৪ চনৰ নিৰ্বাচনৰ সময়ত গোলায়ৰ নেতৃত্বত চিকিম ৰাজ্যিক বিধানসভাৰ বত্ৰিছখন আসনৰ ভিতৰত দহখন আসন লাভ কৰিছিল দলটোৱে। মুঠতে ২০১৪ চনৰ নিৰ্বাচনত চিকিমত মুঠ ভোটৰ ৪২% গোলাইৰ দলে অংশগ্ৰহণ কৰিছিল।

২০১৭ চনৰ ১৩ জানুৱাৰীত ১৯৯৪ চনৰপৰা ১৯৯৯ চনৰ ভিতৰত এছডিএফৰ সৈতে থকাৰ সময়ত চৰকাৰী ধনৰ অপব্যৱহাৰৰ বাবে ২০১৬ চনৰ ২৮ ডিচেম্বৰত দোষী সাব্যস্ত হোৱাৰ পিছত তেওঁক চিকিম বিধানসভাৰপৰা অযোগ্য ঘোষণা কৰা হয়।^৯ ২০১৭ চনত চিকিম ক্ৰান্তিকাৰী মৰ্চাৰ সভাপতি হিচাপে কাৰ্যনিৰ্বাহ কৰি চিকিমৰ মূল বিৰোধী নেতা হিচাপে পৰিগণিত হয়। ২০১৮ চনৰ ১০ আগষ্টত দোষী সাব্যস্ত হোৱাৰ পিছত তেওঁক মুকলি কৰি দিয়াৰ সময়ত ব্যাপক সমাৱেশ ঘটিছিল।

চিকিমৰ মুখ্যমন্ত্ৰী

২০১৯ চনৰ বিধানসভা নিৰ্বাচনত গোলেই চিকিম ক্ৰান্তিকাৰী মৰ্চাৰ নেতৃত্বত বিধানসভাৰ ৩২খন আসনৰ ভিতৰত ১৭খন আসনত জয়লাভ কৰে যিয়ে অৱশেষত পৱন কুমাৰ চামলিঙৰ নেতৃত্বত চিকিম ডেম'ক্ৰেটিক ফ্ৰণ্টৰ ২৪বছৰীয়া শাসনৰ অন্ত পেলায়। ^১০ ২০১৯ চনৰ ২৪ মে'ত এছ কে এমৰ মুখপাত্ৰ জেকব খালিঙে কয় যে গোলেই ৰাজ্যখনৰ চৰকাৰৰ নেতৃত্ব দিব যদিও সাংবিধানিক বিশেষজ্ঞসকলৰ মতে দুৰ্নীতি প্ৰতিৰোধ আইনৰ অধীনত তেওঁক দোষী সাব্যস্ত হোৱাটোৱে তেওঁক চিকিমৰ মুখ্যমন্ত্ৰী হোৱাৰ বাবে বাধাৰ সৃষ্টি কৰিব পাৰে।^১১

২০১৯ চনৰ ২৭ মে'ত বিধানসভাৰ নিৰ্বাচনত প্ৰতিদ্বন্দ্বিতা নকৰা গোলেই চিকিম ৰাজ্যৰ ষষ্ঠ মুখ্যমন্ত্ৰী হিচাপে শপত গ্ৰহণ কৰে। ^{১২১৩১৪} উপ-নিৰ্বাচনত গোলেই ১০,৮১১টা ভোট লাভ কৰি পকলোক-কামৰাঙৰপৰা জয়লাভ কৰি মুঠ ভোটৰ ৮৪% ভোট লাভ কৰে।

২০২৪ চনৰ চিকিম বিধানসভাৰ নিৰ্বাচনত ছিকিম ক্ৰান্তিকাৰী মৰ্চাৰ নেতৃত্বত গোলেই ৫৮.৩৮% ভোটৰ শতাংশৰে ৩২খন আসনৰ ভিতৰত ৩১খন আসনত জয়লাভ কৰে। ^১৫১৬