প্ৰবীণ তোগড়িয়া

প্ৰবীণ তোগড়িয়া (গুজৰাটী উচ্চাৰণ: [Praviṇa tōgaḍiyā]; জন্ম ১২ ডিচেম্বৰ ১৯৫৬) এগৰাকী ভাৰতীয় চিকিৎসক আৰু হিন্দু জাতীয়তাবাদৰ অধিবক্তা। পেচাত এগৰাকী চিকিৎসক হ’লেও তেওঁ ২২ বছৰ বয়সতে ৰাষ্ট্ৰীয় স্বয়ংসেৱক সংঘত যোগদান কৰে আৰু কিছুদিন পিছতেই আন্তৰ্জাতিক কাৰ্যকৰী সভাপতি পদত অধিষ্ঠিত হয়। বৰ্তমান তেওঁ এই পৰিষদৰ সভাপতি আৰু নৰেন্দ্ৰ মোডীৰ মুখ্য সমালোচক।^১২

ব্যক্তিগত জীৱন

প্ৰবীণ তোগড়িয়াই গুজৰাটৰ অমৰেলি জিলাৰ এটি কৃষক পৰিয়ালত^৩ জন্মগ্ৰহণ কৰিছিল। ১০ বছৰ বয়সত তেওঁ মাক-দেউতাকৰ সৈতে আহমেদাবাদলৈ আহে আৰু তাতে ৰাষ্ট্ৰীয় স্বংয়সেৱক সংঘত যোগদান কৰে। তেওঁ চিকিৎসা বিজ্ঞানৰ স্নাতক আৰু চাৰ্জাৰী বিষয়ত স্নাতকোত্তৰ। ১৪ বছৰ এজন চাৰ্জন হিচাপে তেওঁ কাম কৰিছিল। তেওঁ নিজৰ বলত আহমেদাবাদত ধন্বন্ত্ৰি হস্পিটেল নাম দি এখন চিকিৎসালয় প্ৰতিষ্ঠা কৰিছিল।^৪৫