পেৰিষ্টাইলাছ কনষ্ট্ৰিক্টাছ

পেৰিষ্টাইলাছ কনষ্ট্ৰিক্টাছ অসম, বাংলাদেশ, ম্যানমাৰ, থাইলেণ্ড, কম্বোডিয়া, হিমালয়ৰ অন্তৰ্ভুক্ত অঞ্চল, নেপাল, ভিয়েটনাম আৰু ফিলিপাইনছত পোৱা এবিধ অৰ্কিড।^১২ এই অৰ্কিডবিধ মাটিত গজে। বসন্ত কালৰ শেষৰ ফালে বা গ্ৰীষ্মকালৰ আৰম্ভণিতে ইয়াত বগা ৰঙৰ সুগন্ধি ফুল ফুলে।^২

বিৱৰণ

এই অৰ্কিডবিধ সাধাৰণতে সমুদ্ৰপৃষ্ঠৰ ৪৫০-১২০০ মিটাৰ উচ্চতাৰ এঢলীয়া ঠাইত গজে।^১ উদ্ভিদজোপা ৩০-৭৭ চেণ্টিমিটাৰ উচ্চতাৰ হ'ব পাৰে।^৩ ইয়াৰ পাতবোৰ অৰ্ধবৃত্তাকাৰ আৰু অগ্ৰভাগ জোঙা। পাতবোৰ সামান্য শুং থকা আৰু মখমলৰ দৰে। গা-গছৰ মাজৰ পৰা ওলাই অহা এডাল দীঘলীয়া ঠাৰিত জুনৰ পৰা আগষ্ট মাহৰ ভিতৰত^৩ বগা ৰঙৰ ফুল ফুলে।