নিৰ্মলা চলিহা

ডাঃ নিৰ্মলা চলিহা এগৰাকী অসমীয়া মহিলা চিকিৎসক।^১২

জন্ম পৰিচয়

ডাঃ নিৰ্মলা চলিহাৰ ১৯০৯ চনত শিৱসাগৰত জন্ম হয়।^১২ তেখেতৰ পিতৃৰ নাম কালিপ্ৰসাদ চলিহা।^১

শিক্ষাজীৱন

নিৰ্মলা চলিহাই কলিকতা চিকিৎসা মহাবিদ্যালয়ৰ পৰা এম.বি.বি.এছ. ডিগ্ৰী লাভ কৰে। তাৰ পিছত দিল্লীৰ পৰা চিকিৎসা বিজ্ঞানৰ স্নাতকোত্তৰ ডিগ্ৰী লাভ কৰে। ইয়াৰ লগতে লণ্ডনৰ পৰা শিশু-স্বাস্থ্য সম্পৰ্কীয় প্ৰশিক্ষণ সম্পূৰ্ণ কৰে। ^১২

কৰ্মজীৱন

নিৰ্মলা চলিহাই কলিকতাৰ বহুকেইখন চিকিৎসালয়ত কাম কৰে। তদুপৰি ডিগবৈৰ অসম অইল কোম্পানীৰ চিকিৎসালয়ৰ প্ৰসূতি বিভাগত কেইবাবছৰো কাম কৰিছিল। অসম চৰকাৰৰ বিদ্যালয় স্বাস্থ্য সেৱাৰ বিশেষ বিষয়াৰূপেও সেৱা আগবঢ়াইছিল চলিহাই।^১২ শ্বিলঙৰ প্ৰখ্যাত গণেশ দাস চিকিৎসালয়ৰ অধীক্ষক হিচাপে কাৰ্যনিৰ্বাহ কৰিছিল। অৱসৰৰ পাছত তেওঁ কেইবাটাও সামাজিক অনুষ্ঠানৰ সৈতে জড়িত হৈ সমাজৰ হকে কাম কৰে।^১