নিৰুপমা পাণ্ডে

নিৰুপমা পাণ্ডে:Nirupama Pandey এগৰাকী ভাৰতীয় পৰ্বতাৰোহী। তেওঁ উইং কমাণ্ডাৰ নিৰুপমা পাণ্ডে হিচাপে খ্যাত। তেওঁ ২০১১ চনৰ ২৫ মে’ তাৰিখে স্থানীয় সময় অনুসৰি পুৱা ১০:১৫ বজাত মাউণ্ট এভাৰেষ্ট জয় কৰা বিহাৰৰ প্ৰথমগৰাকী ব্যক্তি। ^১ নিৰুপমা প্ৰথমবাৰৰ বাবে সৰ্বমহিলা আই এ এফৰ দলৰ অংশ আছিল য'ত বিমান লেফটেনেণ্ট নিবেদিতা চৌধুৰী আৰু বিমান লেফটেনেণ্ট ৰাজিকা শৰ্মা আছিল। ^২

তেওঁৰ আন আন আৰোহণৰ ভিতৰত আছে লেহৰ মাউণ্ট ষ্টক কাংগ্ৰী (৬১২১ মিটাৰ) আৰু মাউণ্ট গোলাপ কাংগ্ৰী (৬১০০ মিটাৰ), গড়ৱালৰ মাউণ্ট কামেট (৭,৭৫৭ মিটাৰ) আৰু মাউণ্ট অভিগামিন (৭৩৫৭ মিটাৰ) আৰু লাডাখৰ মাউণ্ট ছাছেৰ কাংগ্ৰী প্ৰথম (৭৬৭২ মিটাৰ), মাউণ্ট ত্ৰিশুল ৭১২০ মিটাৰ (গড়ৱাল অঞ্চল) আৰু মাউণ্ট মণিৰাং ৬৫৯৩মিটাৰ (হিমাচল অঞ্চল)।

প্ৰাৰম্ভিক জীৱন

ছিৱান জিলাৰ জামো জালালপুৰ গাঁৱত শ্ৰী ৰাজেন্দ্ৰ পাণ্ডে আৰু শ্ৰীমতী উমা পাণ্ডেৰ কন্যা নিৰুপমা পাণ্ডেৰ জন্ম হৈছিল। পুনেৰ কেন্দ্ৰীয় বিদ্যালয়ৰ পৰা স্কুলীয়া শিক্ষা গ্ৰহণ কৰে আৰু পুনেৰ নেছ ৱাডিয়া কলেজ অৱ কমাৰ্চৰ পৰা বাণিজ্য আৰু বিত্ত আৰু বিপণনত এম বি এ স্নাতক ডিগ্ৰী লাভ কৰে। ^৩ কলেজত অধ্যয়ন কৰি থকা অৱস্থাত নিৰুপমা নেচনেল কেডেট কৰ্পছত অন্তভুক্ত আছিল আৰু প্ৰায়ে ট্ৰেকিং কৰিছিল। ২০০৭ চনত উত্তৰকাশীত অৱস্থিত নেহৰু ইনষ্টিটিউট অৱ মাউণ্টেইনিং ইনষ্টিটিউটত কঠোৰ প্ৰশিক্ষণ লৈ পৰ্বতাৰোহণ কেৰিয়াৰ আৰম্ভ কৰিছিল। ২০০৩ চনত তেওঁ ভাৰতীয় বায়ুসেনাত উৰণ বিষয়া হিচাপে যোগদান কৰে। ^৪

পৰিয়াল

২০০৯ চনৰ আগষ্ট মাহত নিৰুপমা পাণ্ডেই বিহাৰৰ মধুবনীৰ বেনিপট্টিৰ পৰা অহা স্কোয়াড্ৰনৰ নেতা প্ৰকাশ ঝাক বিয়া কৰায়।^৫

এভাৰেষ্ট জয়

স্কুৱাড্ৰন লীডাৰ (Sqn Ldr) নিৰূপমা পাণ্ডে ২০১১ চনৰ ২৫ মে’ তাৰিখে পুৱা ১০:১৫ বজাত (IST) মাউণ্ট এভাৰেষ্টৰ শৃংগত উপনীত হৈছিল। তেওঁ ভাৰতীয় বায়ুসেনাৰ (IAF) ইতিহাসত এভাৰেষ্ট জয় কৰা প্ৰথম তিনিগৰাকী মহিলা বিষয়াৰ অন্যতম আছিল। এই অভিযানত ১১ গৰাকী মহিলা বিষয়া, এজন চিকিৎসা বিষয়া, আৰু ৮ জন দক্ষ পৰ্বতাৰোহী পুৰুষ বায়ুসেনা যোদ্ধা হিচাপে অংশগ্ৰহণ কৰিছিল। এই অভিযান ভাৰতীয় বায়ুসেনাৰ পৰ্বতাৰোহণ ক্ষেত্ৰত এক ঐতিহাসিক সফলতা আছিল।^৬

বঁটা

২০১১ চনৰ আগষ্ট মাহত, বিহাৰৰ মুখ্যমন্ত্ৰী শ্ৰী নীতীশ কুমাৰে স্কুৱাড্ৰন লীডাৰ নিৰূপমা পাণ্ডেক পাটনাত সম্বৰ্ধনা জনায়। তেওঁ মাউণ্ট এভাৰেষ্টৰ শৃংগত ভাৰতীয় ত্ৰিৰংগ পতাকা উত্তোলন কৰি ৰাজ্যৰ গৌৰৱ বৃদ্ধি কৰিছিল। বিহাৰ চৰকাৰে তেওঁক "অতি বিশিষ্ট খেল সম্মান" (Ati Vishisht Khel Samman) প্ৰদান কৰে, যি খেল আৰু পৰ্বতাৰোহণ ক্ষেত্ৰত এক উল্লেখযোগ্য সন্মান।^৭

লগতে চাওক

• ভাৰতীয় মহিলা খেলুৱৈৰ তালিকা
• মাউণ্ট এভাৰেষ্টৰ ভাৰতীয় শিখৰ - বছৰ ভিত্তিক
• শিখৰলৈ যোৱাৰ সংখ্যা অনুসৰি মাউণ্ট এভাৰেষ্টৰ শিখৰত উপনীত হোৱা লোকৰ তালিকা
• ভাৰতৰ মাউণ্ট এভাৰেষ্ট ৰেকৰ্ডৰ তালিকা
• মাউণ্ট এভাৰেষ্ট ৰেকৰ্ডৰ তালিকা