নম্ৰতা সুন্দৰেসন

নম্ৰতা সুন্দৰেসন এগৰাকী ভাৰতীয় সামাজিক উদ্যোগী, চেফ আৰু চীজমেকাৰ ৷ তেওঁ অনুৰাধা কৃষ্ণমূৰ্তিৰ সৈতে ২০১৭ চনৰ নাৰী শক্তিৰ সন্মান লাভ কৰে ৷

কেৰিয়াৰ

উৰিষ্যাত জন্মগ্ৰহণ কৰা নম্ৰতা সুন্দৰেসনে বিবাহপাশত আবদ্ধ হৈ তামিলনাডুৰ চেন্নাইলৈ গুচি যায়। ^১ আন্তঃৰাষ্ট্ৰীয় পৰামৰ্শদাতা সংস্থা প্ৰতিষ্ঠা কৰি তেওঁ নিজৰ কেৰিয়াৰ গঢ়ি তুলিছিল। ^১ সুন্দৰেসনে কুনুৰত চীজ বনাবলৈ শিকিছিল আৰু তাৰ পিছত বান্ধৱীনঅনুৰাধা কৃষ্ণমূৰীৰ সৈতে চীজ নিৰ্মাতা হিচাপে বিশেষভাৱে সক্ষম মহিলাক নিয়োগ কৰাৰ বিষয়ে আলোচনা কৰিছিল। ^২ তেওঁলোকে চীজ উৎপাদক প্ৰতিস্থান Käse স্থাপন কৰে আৰু তেওঁলোকৰ সামাজিক উদ্যোগীকৰণৰ বাবে ২০১৭ চনৰ নাৰী শক্তিপুৰস্কাৰ লাভ কৰিবলৈ সক্ষম হয়।^১ ২০১৮ চনৰ আন্তঃৰাষ্ট্ৰীয় নাৰী দিৱসত মহিলা আৰু শিশু উন্নয়ন মন্ত্ৰালয়ৰ হৈ ^৩ ভাৰতৰ ৰাষ্ট্ৰপতিয়ে এই বঁটা প্ৰদান কৰে। এই বঁটা ভাৰতৰ ভিতৰতে মহিলাক প্ৰদান কৰা সৰ্বোচ্চ সন্মান। ^৪

সুন্দৰেসন এগৰাকী স্ব-শিক্ষিত চেফ। ^৫ অৰুন্ধতী বালাচন্দ্ৰন আৰু লোকেলএক্সঅ’ৰ সুনীতি ৰাজে আয়োজন কৰা এটা ছাপাৰ ক্লাবৰ বাবে ২০১৭ চনত পেৰুৰ খাদ্য ৰান্ধিবলৈ আৰম্ভ কৰিছিল। ^৬ ২০১৯ চনত তেওঁ তেওঁলোকৰ উৎপাদিত চীজৰ সৈতে কয়ম্বাটুৰৰ গ'ৰমেট বজাৰলৈ গৈছিল ^৭ ২০২০ চনলৈকে তেওঁ ২৫বাৰ নৈশ আহাৰ ৰান্ধিছিল আৰু গোটটোৱে সুন্দৰেসনে তেওঁৰ প্ৰিয় ৰন্ধন গ্ৰন্থৰ পৰা ব্যঞ্জন তৈয়াৰ কৰা নতুন ধাৰাবাহিকৰ পৰিকল্পনা কৰিছিল। ^৫