নন্দিতা স্বেতা

স্বেতা শেট্টী (Swetha Shetty; জন্ম: ৮ এপ্ৰিল ১৯৮৯) পেচাগতভাৱে নন্দিতা স্বেতা নামে পৰিচিত, ভাৰতীয় চলচ্চিত্ৰ অভিনেত্ৰী গৰাকী মূলতঃ তামিল আৰু তেলুগু চলচ্চিত্ৰত উপস্থিত হয়। 'নন্দ লাভচ্‌ নন্দিতা' নামৰ কান্নাডা চলচ্চিত্ৰৰ যোগেদি তেওঁ অভিনয়ৰ কৰ্মজীৱন আৰম্ভ কৰে। পিছত ২০১২ চনৰ ব্যংগাত্মক চলচ্চিত্ৰ 'আট্টাকাঠি'ৰ যোগেদি তেওঁ তামিল ভাষাত অভিনয়ৰ সূচনা কৰিছিল। তেওঁ ২০১৬ চনত ভৌতিক ব্যংগাত্মক ছবি 'এক্কাদিকি পোথাবু চিন্নাবাদা'ৰ জৰিয়তে তেলুগু চলচ্চিত্ৰত আত্মপ্ৰকাশ কৰিছিল।

কৰ্মজীৱন

২০০৮ চনত স্নাতক শেষ কৰাৰ পিছত স্বেতা উদয় সংগীত ভিজে হিচাবে তেওঁৰ কৰ্মজীৱন আৰম্ভ কৰিছিল। ২০০৮ৰ কান্নাডা চলচ্চিত্ৰ 'নন্দ লাভচ্‌ নান্দিতা'ৰ যোগেদি তেওঁ অভিনয় জীৱনৰ পাতনি মেলিছিল। চলচ্চিত্ৰখনত তেওঁৰ চৰিত্ৰটোৰ নাম আছিল নন্দিতা, যিয়ে পিছত সেই নামটোকে গ্ৰহণ কৰিছিল। ২০১২ চনত তেওঁ প্ৰথমে তামিল চলচ্চিত্ৰ পা. ৰঞ্জিত পৰিচালিত 'আট্টাকাতি'ত অভিনয় কৰিছিল। তেওঁক অভিনয় বাবে প্ৰশংসা কৰা হৈছিল। তেওঁ দুৰাই চেণ্টিলকুমাৰ পৰিচালিত 'এথিৰ নীচল'ত এগৰাকী ক্ৰীড়াবিদ হিচাপে অভিনয় কৰিবলৈ গৈছিল। তেওঁ বিজয় সেতুপতিৰ সৈতে চেন্নাইৰ ছোৱালী কুমুঠাৰ চৰিত্ৰত ব্যংগাত্মক চলচ্চিত্ৰ 'ইধাৰকুথানে আছৈপাট্টাই বালাকুমাৰ'ত উপস্থিত হয়।

২০১৪ চনত তেওঁৰ 'মুণ্ডাসুপাট্টি', 'নালানাম নান্ধিনিউম' আৰু 'আইন্ধাম থালৈমুৰাই চিধা বৈধিয়া চিগামণি' মুক্তি পাইছিল। ২০১৫ চনত, 'উপ্পু কাৰুবাদু' আৰু 'পুলি' মুক্তি পাইছিল। ২০১৬ চনত 'অঞ্জলা', 'এক্কাদিকী পোথাবু চিন্নাবাদা' মুক্তি পাইছিল। তেলুগু চলচ্চিত্ৰৰ শ্ৰেষ্ঠ সহায়ক অভিনেত্ৰীৰ বাবে তেওঁ ফিল্মফেয়াৰ বঁটা লাভ কৰিছিল। ২০১৭ চনৰ ডিচেম্বৰত তেওঁৰ ছবি 'উলকুথু' মুক্তি পাইছিল। 'কালাকালাপ্পু ২'ত তেওঁ গেষ্ট এপিয়াৰেঞ্চ হিচাপে থাকে। ইয়াৰ পিছত মুক্তিপ্ৰাপ্ত চলচ্চিত্ৰবোৰ আছিল 'কাথিৰুপ্পোৰ পাট্টিয়াল' আৰু 'অসুৰবধম'। আৰু দুখন তেলুগু চলচ্চিত্ৰ আছিল 'শ্ৰীনিবাস কল্যাণাম' আৰু 'ব্লাফ মাষ্টৰ'।

ব্যক্তিগত জীৱন

তেওঁ কৰ্ণাটকৰ বাংগালুৰুৰ, য’ত তেওঁৰ পিতৃ এগৰাকী ব্যৱসায়ী আৰু তেওঁৰ মাতৃ গৃহিণী। তেওঁৰ দুজন সৰু ভাই আছে।

চলচ্চিত্ৰপুঞ্জী

অভিনেত্ৰী হিচাপে

অন্যান্য কৰ্মৰাজি

একক

ডাবিং শিল্পী

বঁটা আৰু মনোনয়ন