নগ্ন

নগ্ন (Nude) শব্দটি সাধাৰণতে মানুহৰ শৰীৰত কোনো পোছাক বা আচ্ছাদন নথকাৰ অৱস্থা বুজাবলৈ ব্যৱহাৰ কৰা হয়। আনহাতে নগ্নতা হৈছে মানুহৰ কাপোৰ নোহোৱা অৱস্থা, যি নগ্ন শব্দৰ বিশেষণ ৰূপে ব্যৱহৃত হয়৷ অনুমান বেলেগ বেলেগ হ’লেও প্ৰাক-ইতিহাসৰ প্ৰথম ৯০,০০০ বছৰত শাৰীৰিকভাৱে মানুহ উলংগ আছিল। তাৰ পিছত মানহে লজ্জা নিবাৰণৰ বাবে উপায় উলিয়াবলৈ আৰম্ভ কৰে। তাৰ পিছতো কলা হিচাপে নগ্নতাই শিল্প, সাহিত্য আদিত স্থান দখল কৰিবলৈ আৰম্ভ কৰে। নগ্নতা প্ৰাকৃতিক অৱস্থা হিচাপে বিবেচিত হ’ব পাৰে, কিন্তু সামাজিক, সাংস্কৃতিক আৰু ধৰ্মীয় পৰিপ্ৰেক্ষিত অনুসৰি ইয়াৰ গ্ৰহণযোগ্যতা ভিন ভিন।^১২

প্ৰাচীন সভ্যতাৰ যুগতে নগ্নতা সাধাৰণ বিষয় আছিল। গ্ৰীক সভ্যতাত ক্ৰীড়া আৰু কলাত নগ্ন শৰীৰ প্ৰদৰ্শন এক প্ৰচলিত পৰম্পৰা আছিল। ৰোমান আৰু প্ৰাচীন ভাৰতীয় সভ্যতাতো বিভিন্ন প্ৰতিমূৰ্তি, শিলালিপি, আৰু চিত্ৰাঙ্কনৰ মধ্যমে নগ্নতা উপস্থাপন কৰা হৈছিল।^৩৪

নগ্নতা প্ৰতি সমাজৰ দৃষ্টিভংগী সময় আৰু পৰিস্থিতিৰ লগে লগে সলনি হৈছে। কিছু সমাজত নগ্নতা লজ্জাজনক বুলি ধৰা হয়, আনহাতে কিছু সমাজত ই স্বাভাৱিক জীৱনৰ অংশ। ইউৰোপৰ কিছুমান দেশত নগ্ন সমুদ্ৰস্নান গ্ৰহণযোগ্য হ’লেও, দক্ষিণ এছিয়াত ইয়াক সাধাৰণতে বেয়া দৃষ্টিৰে দেখা হয়।^৫ বহু সময়ত মানৱ যৌনতাৰ লগত নগ্নতাৰ সম্পৰ্ক দেখিবলৈ পোৱা যায়।

নগ্নতা বহুদিন ধৰি শিল্প আৰু সাহিত্যৰ এটা গুৰুত্বপূৰ্ণ বিষয়। লিঅ'নাৰ্ড' দা ভিন্সি, মাইকেলেঞ্জেল', তছলিমা নাছৰিন আদি অনেক শিল্পী, সাহিত্যিকৰ শিল্পকলা আৰু সাহিত্য (চুটিগল্প, উপন্যাস, নাটক, কবিতা)ত নগ্নতা প্ৰৱিষ্ট। ই শাৰী, সৌন্দৰ্য, মানৱিকতা, মুক্তি, অথবা প্ৰতিবাদৰ প্ৰতীক হিচাপে পৰিগণিত হৈছে।^৬

নগ্নতা প্ৰতি ধৰ্মীয় দৃষ্টিভংগী ভিন ভিন। হিন্দু ধৰ্মৰ কিছু শাখাত (যেনে, দিগম্বৰ জৈন ধৰ্ম) নগ্নতা এক সাধুতাৰ চিহ্ন হিচাপে দেখা হয়। ইছলাম আৰু খ্ৰীষ্টধৰ্মত নগ্নতা সাধাৰণতে অপৰিষ্কাৰ বা লজ্জাজনক বুলি গণ্য কৰা হয়।^৭৮

নগ্নতাৰ ওপৰত বিভিন্ন দেশত ভিন্ন আইনী বিধান আছে। কিছু দেশত লোকচক্ষুৰ আগত নগ্ন হোৱাটো দণ্ডনীয় অপৰাধ, আনহাতে কিছু দেশত বিশেষ স্থানত নগ্নতা বৈধ।^৯

আধুনিক যুগত নগ্নতা সামাজিক আৰু সাংস্কৃতিক বিতৰ্কৰ বিষয়। একাংশ লোক ইয়াক দেহ-মুক্তি, আত্মবিশ্বাস আৰু জীৱনক স্বীকাৰ কৰাৰ প্ৰতীক হিচাপে বিবেচনা কৰে। সামাজিক মাধ্যম আৰু চলচ্চিত্ৰযোগে ইয়াৰ প্ৰচাৰ আৰু বিতৰ্কো বৃদ্ধি পাইছে।^১০

শিল্প হিচাপে নগ্নতা

নগ্ন শিল্প হৈছে নগ্নতা, অবস্ত্ৰশিল্পৰ মানৱ আকৃতিৰ ওপৰত গুৰুত্ব আৰোপ কৰা দৃশ্য কলাৰ এটা প্ৰকাৰ তথা পশ্চিমীয়া শিল্পৰ এক চিৰস্থায়ী পৰম্পৰা।^১১ ই প্ৰাচীন গ্ৰীক শিল্পৰ ব্যস্ততা আছিল আৰু মধ্যযুগৰ অৰ্ধ-নিদ্ৰাকালৰ পিছত ই নৱ-জাগৰণৰ সৈতে কেন্দ্ৰীয় স্থানলৈ ঘূৰি আহে। বুৰঞ্জী চিত্ৰকলা, ৰূপক আৰু ধৰ্মীয় কলা, প্ৰতিকৃতি বা সজ্জা কলাকে ধৰি অন্যান্য ধৰণৰ শিল্পতও বস্ত্ৰহীন আকৃতিয়ে ভূমিকা পালন কৰে। প্ৰাগঐতিহাসিক কালৰ পৰা আদিম সভ্যতালৈকে নগ্ন নাৰী আকৃতিক সাধাৰণতে উৰ্বৰতা বা মংগলৰ প্ৰতীক বুলি বুজা হৈছিল।^১২

শিল্পত নগ্নতাৰ ঐতিহাসিক বিৱৰ্তন সাধাৰণতে শিল্পৰ ইতিহাসৰ সমান্তৰালভাৱে চলি থাকে, মাথোঁ সময়ৰ লগে লগে পৃথিৱীত ইটোৱে সিটোৰ উত্তৰাধিকাৰী হোৱা বিভিন্ন সমাজ আৰু সংস্কৃতিৰ নগ্নতাক বিভিন্ন গ্ৰহণযোগ্যতাৰ পৰা উদ্ভৱ হোৱা সৰু সৰু বিশেষত্বৰ বাহিৰে। নগ্ন হৈছে এক কলাত্মক ধাৰা যিটো বিভিন্ন কলাত্মক মাধ্যম (চিত্ৰাঙ্কন, ভাস্কৰ্য বা শেহতীয়াকৈ চলচ্চিত্ৰ আৰু ফটোগ্ৰাফী)ত উলংগ মানৱ শৰীৰৰ প্ৰতিনিধিত্বৰে গঠিত। ইয়াক শিল্পকৰ্মৰ অন্যতম শৈক্ষিক শ্ৰেণীবিভাজন বুলি গণ্য কৰা হয়৷ শিল্পত নগ্নতাই সাধাৰণতে যি যুগত কামটো নিৰ্মাণ কৰা হৈছিল সেই যুগৰ নান্দনিকতা আৰু নৈতিকতাৰ সামাজিক মানদণ্ড প্ৰতিফলিত কৰিছে। বহু সংস্কৃতিয়ে বাস্তৱ জীৱনত নগ্নতাতকৈ শিল্পত নগ্নতাক অধিক পৰিমাণে সহ্য কৰে।

''', পিয়েৰে বনাৰ্ড (১৯০৮)]]

''', "উইলিয়াম এটি"ৰ চিত্ৰ (১৮২৫)]]

সূক্ষ্ম কলা হিচাপে নগ্ন ফটোগ্ৰাফী

ফাইন-আৰ্ট নগ্ন ফটোগ্ৰাফী হৈছে সূক্ষ্ম কলা ফটোগ্ৰাফীৰ এটা ধাৰা যিয়ে নগ্ন মানৱ শৰীৰক ৰূপ, ৰচনা, আৱেগিক বিষয়বস্তু আৰু অন্যান্য নান্দনিক গুণৰ ওপৰত গুৰুত্ব আৰোপ কৰি চিত্ৰিত কৰে। আৱিষ্কাৰৰ পিছৰে পৰা নগ্নতা ফটোগ্ৰাফীৰ এক বিশিষ্ট বিষয় হৈ আহিছে, আৰু ফটোগ্ৰাফীক সূক্ষ্ম কলাৰ মাধ্যম হিচাপে প্ৰতিষ্ঠা কৰাত গুৰুত্বপূৰ্ণ ভূমিকা পালন কৰিছিল। সূক্ষ্ম কলা ফটোগ্ৰাফী আৰু অন্যান্য উপশৈলীৰ মাজত পাৰ্থক্য নিৰপেক্ষ নহয় যদিও কিছুমান নিৰ্দিষ্ট সংজ্ঞায়িত বৈশিষ্ট্য আছে।

নগ্ন ফটোগ্ৰাফী

নগ্ন ফটোগ্ৰাফী হ'ল যিকোনো ফটোৰ সৃষ্টি য'ত কোনো নগ্ন বা অৰ্ধনগ্ন ব্যক্তিৰ ছবি থাকে, বা নগ্নতাৰ ইংগিত দিয়া ছবি থাকে। নগ্ন ফটোগ্ৰাফী বিভিন্ন উদ্দেশ্যৰ বাবে গ্ৰহণ কৰা হয়, য'ত শিক্ষামূলক ব্যৱহাৰ, বাণিজ্যিক প্ৰয়োগ (ই কামোদ্দীপক বা পৰ্ণগ্ৰাফিক সামগ্ৰীকে ধৰি) আৰু কলাত্মক সৃষ্টি আদি অন্তৰ্ভুক্ত।

''']]

কামুক ফটোগ্ৰাফী

কামোদ্দীপক ফটোগ্ৰাফী হৈছে কামোদ্দীপক, যৌন ইংগিতদায়ক বা যৌন উত্তেজক প্ৰকৃতিৰ কলা ফটোগ্ৰাফীৰ এক শৈলী। ই এক প্ৰকাৰৰ কামুক শিল্প৷

নগ্ন কেলেণ্ডাৰ

নগ্ন কেলেণ্ডাৰ হৈছে এক প্ৰকাৰৰ দেৱাল কেলেণ্ডাৰ য'ত বিভিন্ন দৃশ্য আৰু স্থানত নগ্ন মডেলৰ বৈশিষ্ট্য থাকে। যুক্তৰাজ্যত নগ্ন কেলেণ্ডাৰ প্ৰধানকৈ দাতব্য সংস্থাৰ বাবে ধন সংগ্ৰহৰ বাবে প্ৰস্তুত কৰা হয়৷

চলচ্চিত্ৰত নগ্নতা

চলচ্চিত্ৰত নগ্নতা হয় গ্ৰাফিক বা ইংগিতদায়ক হ'ব পাৰে, যেনে যেতিয়া কোনো ব্যক্তিক উলংগ যেন লাগে কিন্তু চাদৰেৰে ঢাকি থোৱা হয়। চলচ্চিত্ৰৰ জন্মৰ পৰাই যিকোনো ধৰণৰ মানৱ যৌনতাৰ চিত্ৰণ বিতৰ্কিত হৈ আহিছে আৰু বেছিভাগ নগ্ন দৃশ্যৰ ক্ষেত্ৰত কাহিনীৰ অংশ হিচাপে ন্যায্যতা প্ৰদান কৰিবলগীয়া হৈছিল।

আৰু চাওক

• মানৱ যৌনতা
• পৰ্ণগ্ৰাফিক চলচ্চিত্ৰৰ অভিনয় শিল্পী
• "নগ্নতা" সম্পৰ্কীয় পৃষ্ঠাসমূহ
• "নগ্ন ফটোগ্ৰাফী" সম্পৰ্কীয় পৃষ্ঠাসমূহ