দীপালি দত্ত

ডাঃ দীপালি দত্ত(Deepali Dutta) ভাৰতৰ এগৰাকী প্ৰসিদ্ধ মনোৰোগ বিশেষজ্ঞ।^১ তেওঁ গুৱাহাটী চিকিৎসা মহাবিদ্যালয়, অসম চিকিৎসা মহাবিদ্যালয় আৰু শিলচৰ চিকিৎসা মহাবিদ্যালয়ৰ অধ্যক্ষা হিচাপে কাৰ্যনিৰ্বাহ কৰিছে। উল্লেখযোগ্য যে তেওঁ গুৱাহাটী চিকিৎসা মহাবিদ্যালয়ৰ প্ৰথম আৰু একমাত্ৰ অধ্যক্ষা।চিকিৎসা শিক্ষা সঞ্চালকালয়, অসমৰ প্ৰাক্তন সঞ্চালিকা দত্তই Indian Psychiatric Society ৰ সভাপতি হিচাপেও তেওঁ সেৱা আগবঢ়াই গৈছে।^১

শিক্ষা জীৱন

দীপালি দত্তই অসম চিকিৎসা মহাবিদ্যালয়ৰ পৰা চিকিৎসা বিজ্ঞানৰ স্নাতক ডিগ্ৰী লাভ কৰে। পৰৱৰ্তী সময়ত MRCP, FRC PSYCHE আদি উল্লেখনীয় ডিগ্ৰীৰ অধিকাৰী হয়। তেওঁ ১৯৯০-১৯৯২ চনলৈ অসম চিকিৎসা মহাবিদ্যালয়ৰ^২ আৰু ১৯৯২-১৯৯৩লৈ গুৱাহাটী চিকিৎসা মহাবিদ্যালয়ৰ অধ্যক্ষা হিচাপে কাৰ্যনিৰ্বাহ কৰে।^৩

চিকিৎসা জীৱন

গুৱাহাটী চিকিৎসা মহাবিদ্যালয়, অসম চিকিৎসা মহাবিদ্যালয়, শিলচৰ চিকিৎসা মহাবিদ্যালয় আদি চিকিৎসা মহাবিদ্যালয়ত অধ্যাপিকা হিচাপে আৰু অধ্যক্ষা হিচাপেও তেওঁ কাৰ্যনিৰ্বাহ কৰে। চিকিৎসা শিক্ষা সঞ্চালকালয়, অসমৰ সঞ্চালিকা হিচাপেও নিযুক্ত হৈছিল।^১

তেওঁ Guwahati Mental Welfare Society ৰ অধ্যক্ষা হিচাপে সেৱা আগবঢ়াইছিল। Guwahati Mental Welfare Society য়েই মন বিকাশ কেন্দ্ৰ নামেৰে মানসিকভাৱে দুৰ্বল লোকসকলৰ বাবে এটা কেন্দ্ৰ ১৯৯০ চনত স্থাপন কৰিছিল।^৪

বঁটা-বাহন

• মহিলা শিৰোমণি বঁটা (১৯৯০)
• the Woman of the Year title(1997) প্ৰদান কৰে the American Biographical Institute, USA-এ

স্মৃতি

গুৱাহাটী চিকিৎসা মহাবিদ্যালয়ৰ মনোৰোগ বিজ্ঞান বিভাগে প্ৰতিবছৰে দীপালি দত্তৰ স্মৃতিত তেওঁৰ বৰঙণি আৰু অবদান সুঁৱৰি বক্তৃতা অনুষ্ঠান আয়োজন কৰি আহিছে।^৫৬৭