থেলিয়া (গ্ৰেচ)

থেলিয়া (/ˈθeɪliə/^১ বা /θəˈlaɪə/;^২ ইংৰাজী: Thalia বা Thaleia; আক্ষৰিক অৰ্থ: 'the joyous, the abundance') গ্ৰীক পৌৰাণিক কাহিনী অনুসৰি সৌন্দৰ্য্য আৰু কৃপাৰ তিনিগৰাকী দেৱীৰ ভিতৰত অন্যতম৷ তেওঁলোকক চাৰিটেছ (Charites) বুলি জনা যায়, অন্য দুগৰাকী হৈছে তেওঁৰ ভগ্নী এগ্লিয়া (Aglaea) আৰু ইউফ্ৰ’চাইন (Euphrosyne)।^৩

গ্ৰীক শব্দ থেলিয়া হৈছে ভোজৰ বাবে প্ৰয়োগ কৰা বিশেষণ, যাৰ অৰ্থ হৈছে চহকী, প্ৰচুৰ, বিলাসী আৰু ভৰপূৰ।

পৰিয়াল

থেলিয়াৰ পিতৃ জ্যুচ আৰু মাতৃ সামুদ্ৰিক দেৱী ইউৰিনম।^৩ বিকল্প পিতৃ-মাতৃ জ্যুছ আৰু ইউৰিডম, ইউৰিমেডুছা বা ইউয়ান্থে; ডাইঅ'নিছাছ আৰু ক'ৰ'নিয়া; বা হেলিঅ'ছ আৰু নাইয়াড এগল হ'ব পাৰে।^৪৫৬

শিল্প-সংস্কৃতিত

শিল্পত সাধাৰণতে তেওঁলোকক বৃত্তকাৰ হৈ নাচি থকা দৃশ্যত চিত্ৰিত কৰা হৈছিল। থেলিয়া আছিল উৎসৱ আৰু সম্ভ্ৰান্ত ভোজৰ দেৱী আৰু তেওঁৰ দলৰ অংশ হিচাপে এফ্ৰোডাইটিৰ সৈতে জড়িত আছিল।^৭৮

লগতে চাওক

• থেলিয়া (মিউজ)
• থেলিয়া (নিম্ফ)
• থেলিয়া (নেৰেইড)