ইউফ্ৰ’চাইন

ইউফ্ৰ’চাইন (/juːˈfrɒzɪniː/, ইংৰাজী: Euphrosyne, প্ৰাচীন গ্ৰীক: Εὐφροσύνη) গ্ৰীক শ্ৰুতিকথাত বৰ্ণিত চাৰিটেছসকলৰ অন্তৰ্গত এগৰাকী অন্যতম দেৱী৷ ৰোমান পৌৰাণিক কাহিনীত এওঁলোকক গ্ৰেচ বুলি জনা যায়। কোনো কোনো সংস্কৰণত তেওঁক ইউথিমিয়া (প্ৰাচীন গ্ৰীক: Εὐθυμία, আক্ষৰিক অৰ্থ: 'ভাল মেজাজ') বা ইউটিচিয়া (প্ৰাচীন গ্ৰীক: Εὐτυχία, আক্ষৰিক অৰ্থ: 'ভাল উল্লাস') বুলিও কোৱা হৈছিল।^১

পৰিয়াল

হেচিয়ডৰ মতে ইউফ্ৰ’চাইন আৰু তেওঁৰ ভগ্নী থেলিয়া আৰু এগলিয়া জ্যুচ আৰু সাগৰ দেৱী ইউৰিনমৰ কন্যা আছিল।^২ বিকল্প পিতৃ-মাতৃ জ্যুছ আৰু ইউৰিডম, ইউৰিমেডুছা বা ইউয়ান্থে;^৩ ডাইঅ'নিছাছ আৰু ক'ৰ'নিছ;^৪ বা হেলিঅ'ছ আৰু নাইয়াড এগল^৫ হ’ব পাৰে৷

ৰোমান লেখক হাইজিনাছে তেওঁৰ ফেবুলেত ইউফ্ৰ’চাইন নামৰ এটা চৰিত্ৰৰ কথা উল্লেখ কৰিছে, যি ৰাতিৰ দেৱী নাইক্স আৰু অন্ধকাৰৰ দেৱতা ইৰেবাছৰ কন্যা।^৬

পৌৰাণিক কাহিনী

ইউফ্ৰ’চাইন হৈছে উল্লাস, আনন্দ আৰু হাস্যৰ দেৱী।^৭ তেওঁৰ নামৰ অৰ্থ হৈছে ইউফ্ৰ’চাইনোছ (euphrosynos) শব্দৰ স্ত্ৰীলিংগ বাচক শব্দ, যাৰ অৰ্থ হৈছে "আনন্দ"। পিন্দাৰে লিখিছে যে পৃথিৱীখনক সুখদায়ক মুহূৰ্ত আৰু সদিচ্ছাৰে ভৰাই তুলিবলৈ এই দেৱীসকলক সৃষ্টি কৰা হৈছে।^৮ চাৰিটেছসকল সৌন্দৰ্য্যৰ দেৱী আফ্ৰডাইটৰ সৈতে থাকে।^৯

শিল্পত ইউফ্ৰ’চাইনক সাধাৰণতে তেওঁৰ ভগ্নীসকলৰ সৈতে নাচি থকা অৱস্থাত চিত্ৰিত কৰা হয়।^৭