তেজপুৰ আইন মহাবিদ্যালয়

তেজপুৰ আইন মহাবিদ্যালয় হৈছে এখন ব্যক্তিগত খণ্ডৰ আইন মহাবিদ্যালয়। এই মহাবিদ্যালয়খন অসমৰ তেজপুৰ চহৰৰ ধনুৱা নগৰ, মহাভৈৰৱ পথৰ দাঁতিত দৰং মহাবিদ্যালয়ৰ কাষতে অৱস্থিত। ৰাজ্যখনৰ পুৰণা আইন মহাবিদ্যালয় সমূহৰ ভিতৰত এখন।^১

পাঠ্যক্ৰম

এই মহাবিদ্যালয় খনে গুৱাহাটী বিশ্ববিদ্যালয়ৰ তত্ত্বাৱধানত তিনিবছৰীয়া আইন স্নাতক, পাঁচ বছৰীয়া সংযুক্ত বি.এ(এলএল.বি) আৰু দুবছৰীয়া এলএল.এম পাঠ্যক্ৰমৰ সুবিধা প্ৰদান কৰে। ১৯৭২ চনত মহাবিদ্যালয় খনৰ প্ৰতিষ্ঠা হয়।^২ পাঠ্যক্ৰম সমূহ ভাৰতীয় বাৰ কাউন্সিল, নতুন দিল্লীৰ দ্বাৰা পৰিচালিত।^৩