ডেণ্ড্ৰবিয়াম মস্কেটাম

ডেণ্ড্ৰবিয়াম মস্কেটাম বা পাটমুগীফুল (musky-smelling dendrobium; কস্তুৰী গোন্ধযুক্ত ডেণ্ড্ৰবিয়াম) হৈছে ডেণ্ড্ৰ'বিয়াম পৰিয়ালৰ অৰ্কিডৰ এটা প্ৰজাতি। ই এবিধ পৰাশ্ৰয়ী অৰ্কিড। ইয়াক হিমালয় অঞ্চল অৰ্থাৎ উত্তৰ আৰু পূব ভাৰত, উত্তৰ বাংলাদেশ, নেপাল, ভূটান আৰু ইউনানত থলুৱাভাৱে পোৱা যায়। ইয়াৰ উপৰিও পাটমুগী ফুল ইণ্ডোচাইনা, অৰ্থাৎভিয়েটনাম, থাইলেণ্ড, ম্যানমাৰ, লাওছ আৰু কম্বোডিয়াতো থলুৱাভাৱে উপলব্ধ। অসমতো ই প্ৰাকৃতিকভাৱে হয়।^{১২৩৪৫৬৭}

বিৱৰণ

পাটমুগী অৰ্কিডৰ ফুলসমূহৰ শেঁতা মুগা বা কমলা চানেকীয়া আভাস থকা শেঁতা হালধীয়া বৰণৰ। ভিতৰৰ ফালৰ পাহিত কজলা আভাস থাকে। এডাল পুষ্পঠানিত দহ বা ততোধিক ফুল থাকে। অন্য ডেণ্ড্ৰ'বিয়ামৰ দৰে ইয়াৰ পাতসমূহ মূল ঠাঁৰিডালৰ দুয়োফালে সমভাৱে সজ্জিত। ইয়াক ঘাইকৈ অৰণ্যৰ মাজত গছৰ ডালত পোৱা যায়।

ডেণ্ড্ৰবিয়াম মস্কেটামৰ পৰা আহৰণ কৰিব পৰা দুবিধ দ্ৰৱ্য হৈছে প্লিকাটল বি আৰু ফেনান্থ্ৰিন।^৮