জোঠী ভেংকটাচালাম

জোঠী ভেংকটাচালাম (: Jothi Venkatachalam; জন্ম: ২৭ অক্টোবৰ ১৯১৭, মৃত্যুৰ তাৰিখ অজ্ঞাত) এগৰাকী ভাৰতীয় ৰাজনীতিবিদ যিয়ে কেৰালাৰ ৰাজ্যপাল আৰু তামিলনাডুৰ বিধানসভাৰ সদস্য হিচাপে কাৰ্যনিৰ্বাহ কৰিছিল।

কৰ্ম জীৱন

১৯১৭ চনৰ ২৭ অক্টোবৰত ব্ৰিটিছ বাৰ্মা (বৰ্তমান ম্যানমাৰ)ৰ পাহাৰীয়া চহৰ মায়ম্যত জি কুপ্পুৰম আৰু মীনাপাইৰ ঘৰত জন্মগ্ৰহণ কৰা জোঠী ভেংকটাচালামৰ পিতৃয়ে ব্ৰিটিছ বাৰ্মাৰ সচিব কাৰ্যালয়ত কাৰ্যনিৰ্বাহ কৰিবলৈ নিযুক্তি লাভ কৰে, পদত্যাগ কৰে আৰু ১৯৩০ চনত বাৰ্মাত হোৱা ৰাজনৈতিক অস্থিৰতাৰ বাবে চেন্নাইলৈ উভতি আহে। জোঠীয়ে তামিলনাডুৰ চেন্নাইৰ ভেপাৰীৰ ইৱাৰ্ট মেট্ৰিক উচ্চতৰ মাধ্যমিক বিদ্যালয়ত অধ্যয়ন অব্যাহত ৰাখিছিল।[citation needed]

জোঠী ভেংকটাচালাম এগৰাকী উল্লেখযোগ্য ৰাজনৈতিক ব্যক্তিত্ব সম্পন্ন মহিলা আছিল, বিশেষকৈ তামিলনাডুত। সামাজিক কাম-কাজৰ লগত গভীৰভাৱে জড়িত হৈ থকা জোঠী কংগ্ৰেছ দলৰ দৃষ্টিগোচৰ হৈছিল। ১৯৫৩ চনৰ ১০ অক্টোবৰৰ পৰা ১৯৫৪ চনৰ ১২ এপ্ৰিলৰ ভিতৰত চি ৰাজগোপালাচাৰী মন্ত্ৰীসভাত সুৰা নিষেধাজ্ঞা আৰু মহিলা কল্যাণৰ মন্ত্ৰী হিচাপে নিযুক্তি লাভ কৰে। সেই অতি চমু সময়ছোৱাত তেওঁ সুৰা নিষেধাজ্ঞা বিভাগক আৰক্ষী বিভাগৰ সৈতে সংযুক্ত কৰিছিল।^১

পিছলৈ ১৯৬২ চনৰ নিৰ্বাচনত ভাৰতীয় জাতীয় কংগ্ৰেছৰ প্ৰাৰ্থী হিচাপে এগম'ৰ সমষ্টিৰ পৰা তামিলনাডু বিধানসভালৈ নিৰ্বাচিত হয় আৰু ১৯৭১ চনৰ নিৰ্বাচনত শ্ৰীৰংগম সমষ্টিৰ পৰা ভাৰতীয় জাতীয় কংগ্ৰেছ (সংগঠন)ৰ প্ৰাৰ্থী হিচাপে নিৰ্বাচিত হয়।^২৩ এইবাৰ মুখ্যমন্ত্ৰী কে কামৰাজে ১৯৬২ চনৰ পৰা কে কামৰাজৰ মন্ত্ৰীসভাত জনস্বাস্থ্য মন্ত্ৰী হিচাপে নিযুক্তি দিয়ে আৰু ১৯৬৭ চনলৈকে এম ভক্তৱট্চালামৰ মন্ত্ৰালয়ত থাকে।^৪৫৬

পিছলৈ ১৯৭৭ চনৰ ১৪ অক্টোবৰৰ পৰা ১৯৮২ চনৰ ২৬ অক্টোবৰলৈকে কেৰালাৰ গৱৰ্ণৰ হিচাপে কাৰ্যনিৰ্বাহ কৰে।^৭

১৯৭৪ চনত জনসংযোগৰ ক্ষেত্ৰত জোঠী ভেংকটাচলমক 'পদ্মশ্ৰী' বঁটা প্ৰদান কৰা হয়।[citation needed]

১৯৬১ চনৰ ১৯ জুলাইত পথ দুৰ্ঘটনাত তেওঁৰ স্বামীৰ মৃত্যু হয়। জোঠী ভেংকটাচালমৰো মৃত্যু হৈছে।^৮