জন ফ'ৰ্বছ্‌ নাশ্ব, কনিষ্ঠ

জন ফ'ৰ্বছ নাছ কনিষ্ঠ (জুন ১৩, ১৯২৮, মে' ২৩, ২০১৫) আমেৰিকাৰ এগৰাকী প্ৰখ্যাত গণিতজ্ঞ আছিল। খেল তত্ত্ব, ডিফাৰেন্সিয়েল জ্যামিতি আৰু আংশিক অৱকলজ সমীকৰণলৈ তেওঁৰ অৱদানৰ বাবে তেওঁক স্মৰণ কৰা হয়।

তেওঁৰ তত্ত্বসমূহ, যেনে নাশ্ব সাম্যাৱস্থাৰ ধাৰণা অৰ্থবিজ্ঞান, সংগণন, ইভল্যুশ্যনাৰী বায়লজি, কৃত্ৰিম বুদ্ধিমত্তা, একাউণ্টিং, ৰাজনীতিবিজ্ঞান আৰু সামৰিক তত্ত্ব আদি বিভিন্ন ক্ষেত্ৰত ব্যৱহাৰ কৰা হয়। প্ৰিন্সটন বিশ্ববিদ্যালয়ৰ বৰিষ্ঠ গৱেষক গণিতজ্ঞ হিচাবে কাৰ্য্যনিৰ্বাহ কৰা নাছে গেম থিয়'ৰিষ্ট ৰেইনহাৰ্ড ছেলটন আৰু জন হাৰ্চেনিল লগত যুটীয়াভাবে ১৯৯৪ চনৰ অৰ্থনীতিৰ ন'বেল সোঁৱৰণি বঁটা লাভ কৰে। ২০১৫ চনত তেওঁক লুই নিৰেণবাৰ্গৰ লগত নন লিনিয়াৰ পাৰ্চিয়েল ডিফাৰেন্সিয়েল ইকুৱেশ্যনৰ বিষয়ে কৰা কামৰ বাবে তেওঁক যুটীয়াভাৱে এবেল পুৰস্কাৰেৰে বিভূষিত কৰা হয়।

লগতে চাওক

• নাশ্ব সাম্যাৱস্থা
• ৱালৰাছৰ বিধান