ছাৰা আলী খান

ছাৰা আলী খান(Sara Ali Khan,; জন্ম-১২ আগষ্ট ১৯৯৫) হৈছে এগৰাকী ভাৰতীয় অভিনেত্ৰী৷ তেখেতে সাধাৰণতে হিন্দী ভাষাৰ ছবিত অভিনয় কৰে৷ বলিউদৰ পৰিচিত অভিনেতাদ্বয় অমৃতা সিং আৰু ছৈয়ফ আলী খানৰ দুহিতা ছাৰা বিখ্যাত পাটাউদী পৰিয়ালৰ জীয়ৰী৷

কলম্বিয়া বিশ্ববিদ্যালয়ৰ পৰা স্নাতক ডিগ্ৰী দখল কৰাৰ পাছত ছাৰাই অভিনয়ৰ জগতত প্ৰৱেশ কৰে আৰু ২০১৮ চনত মুক্তিলাভ কৰা কেদাৰনাথ ছবিখনৰ জৰিয়তে দৰ্শক তথা সমালোচকৰ দৃষ্টি আকৰ্ষণ কৰে৷ এইখন ছবিৰ জৰিয়তে তেখেতে ফিল্মফেয়াৰৰ পৰা শ্ৰেষ্ঠ নৱাগতাৰ সন্মান অৰ্জন কৰে৷ ২০১৯ চনত তেখেত ফৰ্বছ-ইণ্ডিয়াৰ শীৰ্ষ ১০০ ছেলেব্ৰিটিৰ তালিকাভূক্ত হয়৷

প্ৰাৰম্ভিক জীৱন

১৯৯৫ চনৰ ১২ আগষ্টত ছাৰা আলী খানৰ জন্ম হয়৷তেখেতৰ জন্ম হৈছিল মুম্বাইত৷ পিতৃ আছিল ছৈয়ফ আলী খান আৰু মাতৃ হৈছে অমৃতা সিং৷ ^{১২৩ ৪} ছাৰাৰ কনিষ্ঠ ভ্ৰাতৃৰ নাম হৈছে ইব্ৰাহীম৷^৫ছাৰাৰ অৰ্ধ-ভ্ৰাতৃ হৈছে টাইমূৰ৷ টাইমূৰ ছৈয়ফ আলী খান আৰু কৰিণা কাপুৰৰ সন্তান৷^৬৭ ছাৰা এগৰাকী মুছলিম হিচাপে জন্ম হয়৷^৮

চাৰি বছৰ বয়সত, ছাৰা আলী খানে এটা বিজ্ঞাপনত অভিনয় কৰে৷^৯ পিতৃ ছৈয়ফৰ মতে, বলিউদৰ অভিনেত্ৰী আৰু প্ৰাক্তন ব্ৰহ্মাণ্ড সুন্দৰী ঐশ্বৰ্যা ৰায় হৈছে ছাৰাৰ অনুপ্ৰেৰণা বা আদৰ্শ৷ ছিকাগোৰ এখন মঞ্চত ঐশ্বৰ্যৰ অভিনয় দেখাৰ পাছতেই ছাৰা ৰায়ৰ দ্বাৰা অনুপ্ৰাণিত হয় আৰু পৰৱৰ্তী সময়ত ছবিজগতত এটা কেৰিয়াৰ গঢ়াৰ সপোন দেখে৷^৯১০ ২০০৪ চনত ছাৰ আলী খানৰ পিতৃ-মাতৃৰ বৈবাহিক জীৱনৰ মাজত বিচ্ছেদ হয় আৰু ছাৰা আলী খানক অমৃতা সিঙে লালন-পালন কৰাৰ ন্যায়িক অভিভাৱকত্ব লাভ কৰে৷^১১ প্ৰথমাৱস্থাত ছৈয়ফক জীয়েক-পুতেকক দেখা কৰাৰ পৰা বাৰণ কৰা হৈছিল৷^১১ অৱশ্যে পিতৃ আৰু জীয়ৰীৰ মাজত পাছলৈ পুনৰ্মিলনৰ জৰিয়তে বন্ধুত্বপূৰ্ণ সম্বন্ধ স্থাপিত হয়৷^১২ ছাৰা আলী খানে কৰিণা কাপুৰৰ লগত এটা স্বাস্থ্যকৰ সম্বন্ধ অটুট ৰাখিছে৷ ছাৰাই ২০১৮ চনত কয় যে-"মই তেখেতৰ পেছাদাৰিত্বৰ গুণটো আয়ত্ত কৰিব বিচাৰোঁ৷"^১৩

কিশোৰী অৱস্থাত, ছাৰা আলী খানে নিজৰ মেদবহুলতাৰ সমস্যাৰ লগত ভালেমান যুঁজিবলগা হৈছিল৷ সেয়েহে ওজন হ্ৰাস কৰিবলৈ ছাৰাই নিজকে এক কঠোৰ দৈনন্দিন কৰ্মসূচীৰ মাজত আবদ্ধ কৰিছিল আৰু ব্যায়ামাদিত মনোনিৱেশৰ জৰিয়তে স্বাস্থ্যসন্মত হ'বলৈ প্ৰয়াস কৰিছিল৷^১৪ তেখেত polycystic ovary syndromeতো আক্ৰান্ত হৈছিল৷ তেখেতৰ ওজন বঢ়াৰ সিও এটা কাৰণ আছিল৷^১৫ নিউ ইয়ৰ্কত থকা কলম্বিয়া বিশ্ববিদ্যালয়ৰ পৰা ছাৰাই ইতিহাস আৰু ৰাজনীতি বিজ্ঞান অধ্যয়ন কৰে৷^{১৬১৭১৮}নিৰ্দিষ্ট সময়ৰ পূৰ্বেই, প্ৰায় তিনিটা বছৰৰ ভিতৰত, ২০১৬ চনত ছাৰা আলী খানে স্নাতক ডিগ্ৰী অৰ্জন কৰে৷ পাঠ্যক্ৰমৰ অৱশিষ্ট ডেৰটা বছৰ তেখেতে ওজন প্ৰশিক্ষণ গ্ৰহণ কৰে৷ ইয়াৰ পিছত তেখেত ভাৰতলৈ ঘূৰি আহে৷^১৮১৯

মিডিয়াত

২০১৯ চনত ছাৰা আলী খানক ফৰ্বছ-ইণ্ডিয়াৰ এশগৰাকী ছেলিব্ৰেটিৰ তালিকাভূক্ত কৰা হয়৷ ৫৭.৫ মিলিয়ন ধনেৰে তেখেতে তালিকাত ৬৬তম স্থান পায়৷^২০ ফাণ্টা, পিউমা, ভিটৰ দৰে একাধিক ব্ৰেণ্ড আৰু পণ্যদ্ৰব্যৰ বিজ্ঞাপনভিত্তিক প্ৰচাৰ-প্ৰসাৰৰ লগত তেখেত জড়িত৷^২১

চলচ্চিত্ৰপুঞ্জী