চেংগিলা

চেংগিলা বা চেন্নালা এবিধ ভাৰতীয় কাঁহী আকৃতিৰ ঘণ্টা। ই পৰম্পৰাগত গায়ক বা নৃত্যশিল্পীসকলক তাল ধৰি ৰখাত সহায় কৰে।^১

প্ৰসংগ আৰু বজোৱা প্ৰণালী

চেংগিলা এবিধ ঘন বাদ্যযন্ত্ৰ। ই গীত-নৃত্যৰ সময়ত এক নিৰ্দিষ্ট আৰু স্থিৰ তাল বজাই ৰাখে। ই একপ্ৰকাৰৰ ধাতুৰ কাঁহী বা ঘণ্টা। ইয়াক বজাবলৈ এটুকুৰা কাঠৰ মাৰি ব্যৱহাৰ কৰা হয়। পৰম্পৰাগত নৃত্য-নাটিকা কথাকলিত সংগীতৰ তাল আৰু ছন্দ ফুটাই তুলিবলৈ চেংগিলা আৰু ইলাতালম বাদ্যযন্ত্ৰ দুয়োবিধ একেলগে বজোৱা হয়।^২

সাংস্কৃতিক গুৰুত্ব

কেৰালাৰ বহুতো পৰম্পৰাগত কলা ৰূপত চেংগিলা ব্যৱহাৰ কৰা হয়।^৩ ইয়াৰ ভিতৰত চেম্মনাকালি, কথাকলি আৰু কৃষ্ণনাট্টম অন্যতম।^৪ কথাকলি প্ৰদৰ্শনত মূল দুজন গায়ক— 'পোন্নানী' (প্ৰধান গায়ক) আৰু 'শিংকিড়ী' (সহকাৰী গায়ক) ক সংগত কৰিবলৈ চেণ্ডা, মাদ্দলম আৰু ইডাক্কা ঢোলৰ সৈতে চেংগিলা বাদ্যযন্ত্ৰও বজোৱা হয়।^২