চিষ্টাৰ মিডনাইট

চিষ্টাৰ মিডনাইট (Sister Midnight) হʼল কৰণ কান্ধাৰীৰ দ্বাৰা ৰচিত তথা পৰিচালিত, ২০২৪ চনত মুক্তিপ্ৰাপ্ত, এখন ব্লেক কমেডী চলচ্চিত্ৰ।^১ ছবিখনত অভিনেত্ৰী ৰাধিকা আপ্টেই মুখ্য চৰিত্ৰত অভিনয় কৰিছে। অশোক পাঠক, ছায়া কদম আৰু স্মিতা তাম্বেই ছবিখনৰ পাৰ্শ্ব চৰিত্ৰত অভিনয় কৰিছে।

২০২৪ চনৰ ১৯ মে’ তাৰিখে, কান চলচ্চিত্ৰ মহোৎসৱ, ২০২৪-ত, ডিৰেক্টৰছ ফʼৰ্টনাইট বিভাগত ছবিখনৰ ৱৰ্ল্ড প্ৰিমিয়াৰ অনুষ্ঠিত হৈছিল। এগৰাকী ব্ৰিটিছ লেখক, পৰিচালক তথা প্ৰযোজকৰ অসাধাৰণ আত্মপ্ৰকাশৰ শিতানত ছবিখন ৭৮তম বাফটা বঁটাৰ বাবে মনোনীত হৈছিল।^২৩ ২০২৫ চনৰ ৩০ মেʼ তাৰিখে ভাৰতৰ ছবিগৃহসমূহত ছবিখনে মুক্তি পায়।^৪

কাহিনী

চিষ্টাৰ মিডনাইট হৈছে মুম্বাইত, এক আনুষ্ঠানিক বিবাহ (Arranged marriage)ত আৱদ্ধ উমা নামৰ এগৰাকী মহিলাৰ কাহিনী। তেওঁ একাকিত্ব আৰু হতাশাৰ সৈতে যুঁজি থকাৰ সময়তে তেওঁৰ জীৱনত কিছু অবাস্তৱ আৰু গভীৰ হাস্যকৰ ঘটনা ঘটে।^৫৬

অভিনয় শিল্পী

• উমাৰ চৰিত্ৰত ৰাধিকা আপ্টে
• গোপালৰ চৰিত্ৰত অশোক পাঠক
• শীতলৰ চৰিত্ৰত ছায়া কদম
• ৰেশমাৰ চৰিত্ৰত স্মিতা তাম্বে
• শ্বেৰ সিঙৰ চৰিত্ৰত সুভাষ চন্দ্ৰ

প্ৰযোজনা

২০২২ চনত, এই প্ৰকল্পটোৱে ব্ৰিটিছ ফিল্ম ইনষ্টিটিউটৰ পৰা ১.০৩ মিলিয়ন পাউণ্ডৰ প্ৰডাকচন অনুদান লাভ কৰিছিল।^৭ কোডাক আৰু পেনাভিছন নামৰ আমেৰিকীয় কোম্পানী দুখনত ছবিখনৰ দৃশ্যগ্ৰহণ কৰা হৈছিল।^৮

মুক্তি

২০২৪ চনৰ ১৯ মেʼ তাৰিখে, ২০২৪ বৰ্ষৰ কান চলচ্চিত্ৰ মহোৎসৱত, ডিৰেক্টৰছ ফʼৰ্টনাইট বিভাগত চিষ্টাৰ মিডনাইটৰ ৱৰ্ল্ড প্ৰিমিয়াৰ অনুষ্ঠিত হয়।^৯ ইয়াৰ পূৰ্বে প্ৰ’টাগ’নিষ্ট পিকচাৰ্ছ নামৰ চেলছ কোম্পানী এখনে ছবিখনৰ বিশ্বব্যাপী বিক্ৰীৰ দায়িত্ব লৈছিল।^১০ ২০২৪ চনৰ জুলাই মাহত অল্টিটিউড ফিল্ম ডিষ্ট্ৰিবিউচনে যুক্তৰাজ্যত ছবিখনৰ বিতৰণৰ অধিকাৰ লাভ কৰে।^১১ ২০২৪ চনৰ অক্টোবৰ মাহত মেগনেট ৰিলিজিঙে আমেৰিকা যুক্তৰাষ্ট্ৰত ছবিখনৰ বিতৰণৰ অধিকাৰ লাভ কৰে।^১২ ২০২৫ চনৰ ৩০ মেʼ তাৰিখে ভাৰতৰ চিত্ৰগৃহত ছবিখন মুক্তি পায়।^১৩

সঁহাৰি

ৰিভিউ এগ্ৰিগেটৰ ৱেবছাইট ৰটেন টমেটোছত, ছবিখনে ৫৫জন সমালোচকৰ ৰিভিউৰ ভিতৰত ৯৬% ইতিবাচক সমালোচনা লাভ কৰে।^১৪ ছবিখনে ইয়াৰ অনন্য কাহিনী আৰু আকৰ্ষণীয় দৃশ্য শৈলীৰ বাবে প্ৰশংসিত হৈছে, যিয়ে হিন্দী ভাষাৰ স্বতন্ত্ৰ চলচ্চিত্ৰলৈ এক উল্লেখযোগ্য অৱদান আগবঢ়াইছে।

বঁটা-বাহন